2019年4月26日 星期五

【鐵探】蔣祖曼21歲當繼母 視繼子如己出 __,《鐵探》,【鐵探】,蔣祖曼,

蔣祖曼
【鐵探】蔣祖曼21歲當繼母視繼子如己出TVB重頭劇《鐵探》呢套劇備受矚目,劇中有好多新面孔,除咗有首次拍TVB劇嘅金像獎「最佳男配角」姜皓文外,更有經 ...


【鐵探】蔣祖曼21歲當繼母 視繼子如己出



TVB重頭劇《鐵探》呢套劇備受矚目,劇中有好多新面孔,除咗有首次拍TVB劇嘅金像獎「最佳男配角」姜皓文外,更有經常出演獨立電影嘅蔣祖曼(Joman)。蔣祖曼喺戲中飾演黑幫大佬嘅女人陸蔚喬,一出場就同谷永正(梁競徽飾)擦出唔少火花。現實中,Joman係一個已經有兩個小朋友嘅媽媽,而大仔Day仔更係老公同前妻所生。雖然Joman身為繼母,但對兩名子女一視同仁,仲可以喺家庭同工作取得平衡添!

原文:Kammy-SundayKiss|編輯:東方新地|圖片:蔣祖曼Instagram,蔣祖曼微博,電視截圖,新傳媒圖片





蔣祖曼首演黑幫阿嫂

現年33歲嘅蔣祖曼入行至今已經超過十年,其演技獲得外界一致好評,但一直以嚟大多飾演警察,或專業人士角色。今次Joman喺《鐵探》中,一改以往正氣嘅角色,首次飾演黑幫阿嫂,一出場佢個粉紅色髮型已經令人眼前一亮,更同梁競徽有唔少感情戲,劇情發展令人期待。

蔣祖曼
蔣祖曼入行至今已經超過十年,其演技獲得外界一致好評





蔣祖曼亦坦言自己終如願以償,皆因自劇集《警界線》後,多以著制服角色出現。另外,蔣祖曼喺劇中更不時被黑社會大佬江正龍(楊潮凱飾)當眾掌摑及侮辱,然而原來陸蔚喬呢個角色嘅背景係比被打更可憐,陸蔚喬細個已經係妓女,父母亦畀人殺死,身世可憐,所以為生存先會逼不得意啞忍一切!

蔣祖曼

蔣祖曼喺劇中更不時被黑社會大佬當眾掌摑及侮辱

蔣祖曼

蔣祖曼一直以嚟大多飾演警察,或專業人士角色。



Joman入行至今超過十年,曾參演過大量獨立電影拍攝,而且皆獲得外界一致好評及讚賞。對於今次於《鐵》有機會飾演黑社會大佬嘅女人,Joman亦坦言自己如願以償,皆因自劇集《警界線》後,多以著制服角色出現。

早前Joman於劇集《使徒行者2》中飾演黑警張雪晴



為角色漂染26次

今次蔣祖曼為咗可以更快投入角色,開拍前更特登到油尖旺實地觀察外,Joman為配合角色造型,不惜真髮漂染,為咗個粉紅色髮型染咗26次,佢直指頭髮先係今次拍劇真正嘅最大挑戰,不過佢依然一啲怨言都冇,仲反而好開心。不過,由於漂染頭髮始終會因洗頭而漸漸甩色,故連Joman都笑指唔知大家有冇留意到佢每次出場嘅髮色都有所不同喎。蔣祖曼亦透露,自己已經開始留返長啲頭髮,可惜因漂染太傷頭髮導致經常甩同斷頭髮,故留嚟留去啲頭髮都係咁短!



蔣祖曼

今次蔣祖曼為咗可以更快投入角色,不惜真髮漂染,為咗個粉紅色髮型染咗26次

蔣祖曼做個好繼母拒做直升機家長

蔣祖曼21歲開始同任職電影幕後嘅老公陳卓麒(Keith ),二人拍拖時一直都係三人行,早已習慣冇二人世界,事關老公同前妻育有一子陳滌(Day),但其後前妻因病離世,Joman就接棒照顧Day,視Day如己出。唔經唔覺,囝囝已經12歲,準備升中一,當Joman同老公忙緊個時,更會主動幫手照顧妹妹,十分乖仔!

蔣祖曼

蔣祖曼同對仔女



蔣祖曼同老公同樣係行內人,有時兩公婆都要互相配合工作時間,以最唔影響照顧小朋友為前題,如果真係冇時間就會搵家人照顧。蔣祖曼曾表示,自己對於孩子嘅態度十分放開,認為同小朋友都應該有自己嘅空間,因為喺唔喺屋企對小朋友成長未必有大幫助,有時唔喺小朋友身旁反而令佢哋更獨立。另外,蔣祖曼認為父母應該鼓勵小朋友去搵自己嘅興趣,所以唔會直升機媽媽。

蔣祖曼

蔣祖曼表示拒做直升機家長

為繼子追個妹妹

蔣祖曼同老公於2014年結婚,婚後一年誕下囡囡陳可。蔣祖曼曾表示,當初想為陳家添個小朋友,最大原因是繼子Day想有細佬妹,「計劃生育前我第一個問佢想唔想要細佬妹先,佢話想呀,我問如果我真係唔生小朋友,你會點呀?佢話『我會嬲你囉,依家就嬲!』」Day自





細就恨有細佬妹,最好是妹妹。當年爸爸與Joman結婚,他更以為一結婚就自動大肚,令她哭笑不得,「佢以為會單性繁殖!」
蔣祖曼

蔣祖曼當年原來為繼子追個妹妹

三人行睇超聲波

當時Day得知繼母懷孕後,Day非常興奮,經常摸摸肚子,連睇超聲波都是三人行,希望第一個得知BB性別,「照超聲波我同先生帶埋佢去,佢仲緊張過爸爸,係咁捽手問醫生仔定女,醫生話係女,但佢都質疑:『依家話係女啫,出咗世可能變咗仔㗎!』」好多父母都驚哥哥會呷細佬妹醋,但Joman好放心,因為Day太喜歡妹妹,但出現了另一煩惱,「我問佢想做一個點樣嘅哥哥,佢話一定會縱壞妹妹,叫我千祈唔好俾佢湊㖭呀!講嘢幾老積呀!」



蔣祖曼

Joman表示繼子Day太喜歡妹妹

早已習慣沒二人世界

蔣祖曼表示:「細個嗰陣發脾氣會咁諗,你話從來冇介意過,當然冇可能!尤其是教仔教到好勞氣,但我咁諗,小朋友何嘗唔係咁諗呢,你又唔係我阿媽,你管我做乜啫?但阿仔冇,我哋好夾佢仲好錫我,所以我同先生啱啱拍拖都冇考慮咁多,我一早知佢有小朋友,可能當時冇諗咁長遠,咁多年一路走過來都習慣咗,我愛佢,我愛埋佢小朋友都好正常。」



蔣祖曼

蔣祖曼表示早已習慣沒二人世界

因仔唔認阿媽而喊

蔣祖曼表示,最令她難受是小朋友剛懂事的年齡,回想起都有點眼濕濕,「我一向冇縱佢,曳我會罰,乖就會獎。幼稚園有段時間幾反叛,佢話:『你鬧我嗰時,我覺得你唔係我阿媽,你錫我先覺。』我即刻入廚房狂喊!」



親生媽媽早已過身,Day不了解母親的角色是怎樣,Joman感慨道:「其實我都明嘅,佢唔係好知道究竟一個媽咪係點,佢只係睇電視認識,卡通片啲媽咪唔鬧人架嘛。有次佢問我朋友,如果你媽咪叫你做功課,你會唔會覺得佢好煩?我朋友話梗係會啦。嗰一刻我就知道,原來佢以為我鬧佢係唔錫佢,唔知道我係出於關心,依家大個咗佢就明白喇。我份人好直,有咩都講晒出.,佢都好明白我諗乜,所以相處得好好。」










鍾意就快D Share啦!
Related Posts Plugin for WordPress, Blogger...