2019年4月24日 星期三

吳雨霏:想生夠3個!吳雨霏胎第二胎由朝嘔到晚 __,miss A,吳雨霏,霏,

Kary宣布再度有喜後出活動。日前在網上公布懷第二胎的歌手吳雨霏(Kary)今晚出席活動,紮起頭髮及穿平底鞋上陣的她,步履輕盈,微微見肚,狀態不錯。她 ...


Kary宣布再度有喜後出活動。


日前在網上公布懷第二胎的歌手吳雨霏(Kary)今晚出席活動,紮起頭髮及穿平底鞋上陣的她,步履輕盈,微微見肚,狀態不錯。她接受訪問時,透露現在懷胎四個月,她說:「最辛苦係頭兩個月,由朝到晚都作嘔、頭暈、腰痛,今胎係比上次辛苦啲,唔知係咪要湊BB又要佗BB嘅關係,第一胎就冇呢啲問題發生,好輕鬆。(呢胎仔定女?)Check咗,但我想保持神秘,遲啲先公布,其實我同老公覺得男女都冇所謂,因為都係上天賜嘅禮物。(大仔Asher知道自己做哥哥?)佢十個月大,未知發生咩事,但我日日都有話畀佢聽。」

兩年抱兩的Kary,被問到老公有否送禮物以作獎勵,她即大讚老公好好:「佢不時幫手換片同餵奶,因為好少畀工人姐姐湊,想親力親為。(兩年抱兩係咪預計之中?)我同老公都係想快啲有(BB),不過今次有咗係一個驚喜。(如果第二胎係仔,會唔會再追女?)未諗到,但老公都想生三個,到時先算。」

近年專心照顧家庭的Kary,被問到如今再有孕,是否代表復出無期?她說:「同公司嘅合約都有一段長時間,公司好好,冇畀我任何壓力,仲叫我今日出活動一定要着平底鞋,大家關係好好。」




來源 source: http://hk.on.cc
鍾意就快D Share啦!
Related Posts Plugin for WordPress, Blogger...