網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年4月27日 星期六

【為老公埋前夫許紹雄身】陳敏之好抽得!幫屋企入貨30分鐘連踩7場 __,許紹雄,陳敏之,

近期《鐵探》熱播,人人爭住睇惠英紅嘅霸氣演出,又睇許紹雄為權鬥點賤法,呢排加埋跛腳嘅黃智賢一齊鬥,套劇開始有張力。劇裡面黃智賢有個好老婆陳敏之,明知老 ...




近期《鐵探》熱播,人人爭住睇惠英紅嘅霸氣演出,又睇許紹雄為權鬥點賤法,呢排加埋跛腳嘅黃智賢一齊鬥,套劇開始有張力。

劇裡面黃智賢有個好老婆陳敏之,明知老公唔識玩權鬥,為咗幫佢而埋前夫許紹雄身,上酒店房傾嘢,成日陪佢食lunch,都係想幫老公收料,幫佢企穩陣腳,點知老公唔領情,仲同佢鬧大交。

呢個老婆真係唔話得,現實中嘅陳敏之,原來都係一個好老婆好媽媽,唔信,睇埋條片先

趁《鐵探》唔使做宣傳,呢日陳敏之全職師奶上身,先喺麵包舖買麵包。雖然一身運動裝束,加上戴眼鏡兼淡妝,但都搽個鮮紅色嘅嘴嚟壓下場,即刻sharp晒。

買完麵包,就行去對面舖買生果。咁又係呀,天氣熱,囝囝同老公都要食吓水果嘅!買完水果仲要買咩呢?陳敏之邊行邊諗,未諗到嘅時候,見到玩具舖,即刻走去睇吓有咩啱囝囝玩。睇唔啱,走人,下一站係咩呢?師奶生活梗係離唔開超市啦,話咁快,陳敏之又喺度買嘢!一站接一站,買咗幾站嘢之後,陳敏之趕到頭髮亂了,邊行邊諗仲爭啲咩未買齊。陳敏之去埋藥房買嘢,接住再去平價店買legging,揀咗一陣就掃咗一堆,排隊畀錢走人。

唔使半粒鐘就去咗6個點買齊要買嘅嘢,陳敏之真係好super!super還super,人始終會口渴,呢一刻,佢去咗買飲品,不過因為冇手拎,只好外帶,冇即時解渴。歸家途中又經過另一間生果店,陳敏之忍唔住入去再買過,走嘅時候雖然拎住好多袋嘢,有途人認得佢,佢都好有禮貌say hi,幾時都話,女人真係super woman!


鍾意就快D Share啦!