掃呢頁CODE去手機

2019年4月15日 星期一

【44歲向海嵐怒火商場】與好友頂撞對峙 向海嵐嬲樣行街 __,向海嵐,

44歲的向海嵐,曾在大台拍不少令人難忘的劇,如《楊貴妃》、《無頭東宮》等。而二十年嚟,佢每次現身,都保持住港姐「雍容華貴」嘅形象,樣貌更加係時時刻刻高 ...




44歲的向海嵐,曾在大台拍不少令人難忘的劇,如《楊貴妃》、《無頭東宮》等。而二十年嚟,佢每次現身,都保持住港姐「雍容華貴」嘅形象,樣貌更加係時時刻刻高度戒備,靚靚現身。

但呢日佢零化妝,戴埋副近視鏡,加埋踢拖嘅街坊look,簡直好似月全蝕一樣,係難得一見嘅現象。

除失去平日嘅精靈眼神,心情亦好似唔多靚。與同行嘅TB朋友行行下街,唔知係咪有幾句頂撞,向海嵐忽然嬲爆爆,一支箭咁行咗去。佢朋友聞到味,唔敢追咁貼,保持距離安全,不時自動波行開少少,無謂火上加油。

不過女人心情好快轉變,向海嵐話咁快已經冇事,同TB好友搵地方醫肚。

仍然單身嘅佢,除咗N年前無厘頭同成龍傳過緋聞,咁多年佢都好似絕緣體一樣,無同圈中人拍過拖。依家身邊就有個TB friend陪佢行街,前年復出,仲以為佢會返大台拍劇,點知去咗亞視主持節目。唔知幾時先可以再睇到佢嘅古裝look,而唔係呢個街坊look。


鍾意就快D Share啦!