撰文：東方新地｜圖片：新傳媒、Instagram｜編輯：乖乖l（原文東方新地）
7對靚爆娛樂圈姊妹花逐對睇
1.湯洛雯、湯樂瑤
湯洛雯有名你叫「靚湯」，出眾靚樣無庸置疑，直至靚湯上載一張同妹妹湯樂瑤(Cassandre) 的合照，大家先驚覺原來靚湯妹都咁高質！而且Cassandre身材豐滿，喜歡以性感打扮示人，不時喺社交網大晒「胸器」，睇到抖唔到氣！
湯氏姊妹馬代鬥靚
之前湯洛雯一家去馬爾代夫度假，有著如此好天氣同靚景，妹妹Cassandre當然不停晒靚相，好彩家姐都唔輸蝕，於是網民們就可以大飽眼福小編希望佢哋得閒都去多啲旅行～
2.倪晨曦、倪晨曄
網絡女神倪晨曦唔使多介紹啦，原來佢都有個親妹妹倪晨曄(Jennifer)，仲要一樣咁靚女！倪晨曦2005年時參加多倫多華裔小姐並奪冠，原來妹妹Jennifer同樣參加過「2007年多倫多華裔小姐」競選，並奪得「魅力傳城大獎」，靚樣無庸置疑！
妹妹已為人妻
妹妹Jennifer同倪晨曦眼睛及面形都頗相似，笑起上嚟甜美動人，而且一樣身材修長苗條，不比家姐遜色！Jennifer 2015年已經與一位外籍人士喺夏威夷結婚，現時育有兩個可愛混血女兒。睇嚟Elva同男朋友都要努力啲，追貼妹妹的進度！
3.楊怡、楊卓娜
前TVB視后楊怡無人不曉，出眾的外貌和精湛的演技都令人印象深刻，雖然佢現時已離開大台，但人氣卻是有增無減，唔少人都好想佢回巢拍劇！。而同是大台藝人的家姐楊卓娜，雖然已踏入40年華，但在劇中依然風韻猶存，身材樣貌都保養得非常好，索爆熟女代表！
100分繼母楊卓娜
楊卓娜早年下嫁「廣告燈箱大王」楊志翹後，成了兩個女兒舒婷和舒雅的後母，就算細女楊舒然(豹豹)出世後，呢位媽媽也一視同仁，丁點沒有偏心，連兩位繼女都大讚呢位後母，有如親生媽媽般愛錫自己！
4.周勵淇、周汶錡
周氏姊妹花非常深入民心，周勵淇係歌手亦係演員，多年來拍了唔少劇集及電影，人氣多年不減！至於家姐周汶錡由90年代開始就已經擔任模特兒，憑標致樣貌與高挑身形成為當紅模特兒。兩姊妹身材樣貌出眾，經常成為時裝品牌的寵兒！
周汶錡做幸福人妻
家姐周汶錡則已成家立室，早年下嫁法籍老公Julien，並育有兩個可愛兒子，家庭生活幸福美滿！
5.張寶兒、張寶欣
張寶兒及張寶欣呢兩姊妹都係近年先為人所認識，兩人分別喺2016及2017年港姐競選中獲選為「友誼小姐」，雖然兩人同樣無緣港姐三甲，但甜美可愛的笑容都令人難忘，給人開心果的感覺。
兩個友誼小姐
2016年「友誼小姐」張寶兒，參選後成為TVB藝人，雖然喺美女如雲的大台中未算好突出，不過勝在笑容甜美又親切，感覺親民，愈見入屋！最重要的是，Bowie仲有個TVB當紅小生男朋友袁偉豪！
6.余香凝、余潔瀅
余香凝同余潔瀅兩姊妹同樣模特兒出身，有靚樣加model身材，家姐近年開始轉型做演員及歌手，更曾憑《骨妹》獲提名香港金像獎最佳新演員。妹妹余潔瀅做模特兒時拍過不少廣告，好快仲會喺新一輯《美女廚房》亮相！
運動女神與美女廚神
身高175cm嘅余香凝樣貌標致可人，有樣又身材，又出晒名熱愛運動，不時會喺社交網站上載運動照，同一眾粉絲分享心得。不過於小編而言，最主要當然係睇佢一身健康性感的運動打扮
7.2R Race&Rosanne
講到最後，唔知大家仲記唔記得那些年少女組合「2R」？來自星馬的家姐黃婉君(Rosanne) 及妹妹黃婉佩(Race)，十多年前參加歌唱比賽後加入香港娛樂圈，組成「2R」在樂壇打滾。現時Rosanne及Race已淡出娛樂圈，各自結婚後專心相夫教子，但睇番啲近照，兩姊妹都keep得好好喎！
|
鍾意就快D Share啦！
|
|
|