掃呢頁CODE去手機

2019年4月3日 星期三

【娛樂人物】有老婆兒子唔要錢 鄭嘉穎減產「我Afford到」 __,鄭嘉穎,

快「入五」的鄭嘉穎年初榮升新手爸爸,對妻兒疼愛有加的他更願意放棄工作機會。
快「入五」的鄭嘉穎年初榮升新手爸爸,對妻兒疼愛有加的他更願意放棄工作機會。剛為人父的鄭嘉穎將心力全放在家庭,日前他接受《蘋果》專訪,坦言為了陪伴兒子成 ...


剛為人父的鄭嘉穎將心力全放在家庭,日前他接受《蘋果》專訪,坦言為了陪伴兒子成長,現在會挑選工作,若然要離開香港太長時間,也會推job。曾經是不婚主義的嘉穎,更慶幸現在才有小朋友:「𠵱家我afford到,我好想睇住佢成長,佢係我嘅第一位。」

採訪:嵐山

攝影:陳慧安

相關新聞:【小生變影帝】古天樂成為影壇大亨

現年49歲的鄭嘉穎去年成家立室,迎娶港姐陳凱琳(Grace)過門,今年2月添丁,快近知天命之年才當上新手爸爸。嘉穎日前接受《蘋果》專訪,提起剛滿月的囝囝鄭承悅,嘉穎不禁會心微笑說:「慶幸我𠵱家先有小朋友,唔係十年前,因為以前冇咁豪氣話唔去,𠵱家我afford到,我好想睇住佢成長,佢係我嘅第一位。以前自私啲,放自己第一位,𠵱家會越退越後,每樣出發點都唔係為自己。」以妻兒為重的他坦言少了北上工作,主要是電視劇減產。現在會揀工作的嘉穎,豪言即使價錢理想,但要離開香港超過四個月都不會接拍。

Grace是嘉穎鮮有公開承認的女友,問他對老婆是否一見鍾情?嘉穎否認道:「日久生情。外界唔睇好?我不嬲唔理,我又冇壓力,只覺得啱嘅時候做啱嘅事,適當時候做適當嘅事。喺我心目中,佢樣樣都好,唔係點會娶佢做老婆!」嘉穎在婚禮上的誓詞說過:「10年前,我曾與媽媽說過『我大概都唔會結婚』,直至遇上陳凱琳,一切都變咗!」嘉穎解釋:「以前我阿媽耐唔耐就問一次,有次問到我唔答唔得,咪同佢講︰『我未必會結婚喇,媽咪。』佢呆咗好唔開心,我都唔好意思令佢唔開心咗咁耐。」



鄭嘉穎希望囝囝可以自己發揮潛能,但並不鼓勵他入行。資料圖片 鄭嘉穎希望囝囝可以自己發揮潛能,但並不鼓勵他入行。資料圖片
曾說過不會結婚的鄭嘉穎,去年8月在峇里迎娶陳凱琳。資料圖片

曾說過不會結婚的鄭嘉穎,去年8月在峇里迎娶陳凱琳。資料圖片

老婆管家中財政

嘉穎笑說不介意由老婆管家庭財政:「之後佢仲拍唔拍嘢,由佢自己揸主意,向來都係我主力搵錢。佢嘅錢就係佢嘅錢,我嘅錢就係大家嘅錢,做老公應該係咁。」兒子的教育問題,兩夫妻也有商有量︰「有人話一攞出世紙就好報定名,我哋冇咁誇張,有共識唔會做怪獸家長,外父改囝囝個名叫承悅,就係希望有承諾令佢開心。」但他不想兒子入行:「最好唔好,辛苦,呢行飯唔易食。」

談到當年鄭媽媽也反對嘉穎入行,他暗笑說:「係,但我『狼戾』箒。𠵱家睇BB脾氣都似我,其實如果佢將來想做呢行都冇辦法,但唔鼓勵,我會鼓勵佢發揮自己潛能,有人係讀書、運動、唱歌、做戲,等佢自己發掘、決定。」問到會否追個女,湊成「好」字?嘉穎說:「暫時應付咗皇上先,佢已佔據晒我哋所有時間,遲啲再諗。」

嘉穎近年由電視跳往大銀幕,雖然不是主角,但仍喜孜孜︰「我哋嗰個年代好希望上大銀幕,呢兩年拍多咗。同古仔(古天樂)之前喺《L風暴》合作過,反而林峯好耐冇合作,上次係15年前拍電視劇,今次合作好開心,大家冇穿冇爛再會面。大家都成長咗,我就老咗啲,哈哈。」嘉穎在新戲《P風暴》中繼續做古仔拍檔,他直言:「老實講,戲肉喺監獄裏面,我係負責裏應外合古仔,戲唔喺我身上。」

相關新聞:【有仔萬事足】余文樂放假每日湊B



鄭嘉穎(左)05年曾與林峯拍電視劇《Yummy Yummy》。劇照

鄭嘉穎(左)05年曾與林峯拍電視劇《Yummy Yummy》。劇照
相隔多年再度與林峯(右)合作,嘉穎笑言自己老咗。

相隔多年再度與林峯(右)合作,嘉穎笑言自己老咗。

電影鏡頭要完美

雖然戲份不是主要在嘉穎身上,但他指今次演出是挑戰體能極限:「喺狹窄嘅直升機艙內打鬥幾考功夫,但原來我身手仲得,因為平時有做運動。拍完電視劇出嚟,拍電影一啲都唔辛苦,起碼有覺瞓。試過拍《葉問外傳:張天志》,一場戲拍兩個幾、三個星期,真係精品,每個鏡頭都要perfect,但電視就每日要拍晒個schedule。」

化妝:Henry Li

髮型:Nicki Ting

服裝:McQ、ZUCCa of ITHK

場地提供:Studio King影樓王




鍾意就快D Share啦!