網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年4月12日 星期五

古巨基:睇到火滾!容祖兒爆古巨基食飯喪摸太太 __,古巨基,容祖兒,

好恩愛!歌手古巨基在紅館舉行頭場《古巨基WE世界巡迴演唱會香港站part2》,邀得天后容祖兒擔任嘉賓,身穿型格褸內配BraTop的祖兒與基仔合體「Ju ...


好恩愛!


歌手古巨基在紅館舉行頭場《古巨基WE世界巡迴演唱會香港站part 2》,邀得天后容祖兒擔任嘉賓,身穿型格褸內配Bra Top的祖兒與基仔合體「Juicy Lemon」,唱出Medley《狂串樂基兒》,祖兒表示兩人是2006年合作,已是13年前,又表示想講少少嘢:「上次有睇part 1,見到基仔成個人都係洋溢住愛意,成個演唱會唔會錯失機會去表達對古太濃厚嘅愛意,每一首歌都係濃厚嘅真情告白,究竟你想點呢?」她又玩踢爆:「我哋一班朋友同基仔食飯,我有個問號擺咗喺心坎好耐,點解食飯基仔同古太永遠都係孖公仔咁,真係眼冤,仲要隻手一定要摸住,真係火滾,唔係古太摸基仔,係基仔不斷幫古太搓嚟搓去。」基仔即笑言:「佢有啲駝背,要幫佢捽番直。」

擺相同甫士憶當年

祖兒繼續爆料:「其實追溯至Juicy Lemon嗰陣都有一幕好難忘,有次喺後台準備上台嘅時候,見到古巨基不斷咁搵嘢,以為佢喺度搵咪,點知原來佢係要搵古太隻手摸一摸,摸完先安心上台,呢幕真係歷歷在目,超過13年都想同大家分享,當時唔知佢哋搞咩,真係好冤氣。」笑爆全場!之後基仔幫祖兒8月的紅館演唱會宣傳, 祖兒笑言:「我就出道20年,你都30年啦可?」基仔笑言:「真係過兩年就30年,不過我個樣咁年輕。」然後基仔又找出一張當年兩人翹手踢腳的合照,然後兩人就在現場即席擺番當年的甫士影相,當基仔落台時,祖兒叮囑他要小心,希望他演唱會平安。

祖兒唔羨慕基仔多身份

基仔落台後祖兒表示:「我係part 1嘅座上客,其實上年佢有搵我做嘉賓,但我配合唔到,但有一晚趕嚟支持,但嗰晚就發生咗小意外,我個心都離一離,今次part 2我就點都要將啲工作撥開,希望可以成為佢演唱會嘅一部分。」她續表示:「基仔係好好笑嘅大男孩,講嘢有卡通聲,今次可以再做「Juicy Lemon」,佢已經成家立室,成個人大個咗,仲有導演等唔同身份,而我就繼續都係唱歌,我冇所謂,因為我真係好鍾意唱歌。」然後就唱出「首本名曲」《痛愛》,全場歡呼尖叫!到了Encore環節,基仔唱出一連串金曲,又行到兩邊與觀眾握手,最後唱完《亂世情侶》及《友共情》後,演唱會圓滿結束。




來源 source: http://hk.on.cc
鍾意就快D Share啦!