2019年4月4日 星期四

回顧蔡思貝入行至今進化之路 網民激讚新劇造型! __,蔡思貝,

蔡思貝
回顧蔡思貝入行至今進化之路網民激讚新劇造型!現年28歲嘅蔡思貝因2013年參選香港小姐獲亞軍而入行,不過就因喺電視台姣名遠播,而令唔少人對佢冇咩好感, ...


回顧蔡思貝入行至今進化之路 網民激讚新劇造型!



現年28歲嘅蔡思貝因2013年參選香港小姐獲亞軍而入行,不過就因喺電視台姣名遠播,而令唔少人對佢冇咩好感,形象掃地。近日TVB新劇《鐵探》出街,其中於劇中飾演臥底嘅蔡思貝更成大家熱議嘅一位,唔少網民讚佢畀以前省鏡得多,仲話佢演技比以前進步!

撰文:東方新地|圖片:電視截圖、新傳媒圖片庫





蔡思貝喺新劇《鐵探》中飾演臥底招喜悅,為咗愛人邱勵傑(楊明飾)而加入警隊,第一集出場時為配合做古惑妹,著上小背心加超短熱褲嘅造型大獲觀眾好評!



喺第二集中,蔡思貝更因為吸入過量毒品而身體抽搐,演出相當迫真,更獲唔少觀眾讚賞其演技!表現愈來愈有進步嘅蔡思貝,更因而成功令網民對佢改觀!

以身試毒呢幕,蔡思貝演到額上青筋都凸起晒!



蔡思貝擺脫衝動性格

話說,蔡思貝對上套有份演出嘅劇集《大帥哥》擔演女主角,當時網民就擔心一向冇咩觀眾緣嘅蔡思貝會拖挎劇集收視。

蔡思貝於《大帥哥》中飾演章沅婉,起初係一名革命黨派去暗殺蒙大帥(蔡國慶飾)嘅臥底。



幸然,最後唔少網友指蔡思貝喺《大帥哥》中,明顯喺講對白嘅語氣、聲線和速度下咗一番苦功,實實在在咗演活沉實、穩重又溫婉嘅沅婉。因此,即使與張衛健有對多場對手戲亦未至顯弱。蔡思貝在《大帥哥》的演出,確實比以前進步不少,同時不少網民讚佢愈大愈靚女!



蔡思貝:「好多人都唔係好鍾意我」

還記得蔡思貝前年台慶頒獎禮上,憑《踩過界》趙正妹(癲姐)一角,打敗《同盟》胡定欣、《誇世代》李佳芯等勁敵,成功奪得「最受歡迎電視女角色」獎。當時,蔡思貝喺台上感觸表示:「多謝TVB,多謝《踩過界》,多謝監製搵我做趙正妹,亦好多謝趙正妹呢個角色,因為選完港姐之後大家一路對我評價都唔係咁好,覺得我做咩嘢都唔好。嗰時到依家,好多人都唔係好鍾意我,甚至令到我自己都唔鍾意自己。」



蔡思貝

得知獲獎時,蔡思貝表情愕然,激動咬唇。

蔡思貝

當年由王晶負責頒獎。



蔡思貝續說:「我初初覺得自己頂得住,後尾覺得自己真係好醜。直到監製搵我做醜角我就覺得好好喇,咁巧合有個醜角色俾我,我覺得very good,同我一樣咁醜。因為呢個角色,令我有返少少鍾意自己,亦令你哋鍾意返我自己多啲。我仲會喺TVB好多年,我會演好多戲證明自己,我會做出嚟俾大家睇!」

蔡思貝

蔡思貝在台上感觸發言,表情動作都好激動。



2013年選港姐入行

話說,蔡思貝曾到紐西蘭及德國留學,2013年就讀德國海德堡大學民族學期間,趁暑假返港參選港姐,以五萬觀眾投票輸畀同屆嘅陳凱琳,屈居亞軍,而該屆季軍則係劉佩玥。最終,蔡思貝決定放棄學業簽約TVB,開始入行拍劇。



參選港姐確係靚女入娛樂圈嘅最佳途徑,2013年當選港姐冠亞季的陳凱琳、蔡思貝和劉佩玥都受無綫力捧,成為當紅花旦。

蔡思貝

當年參選時陳凱琳和蔡思貝都曾用力夾出事業線!



蔡思貝 介意被稱「達哥」

蔡思貝先後被指似,陳煒、梅艷芳,木村拓哉,又或者係網絡紅人「達哥」,佢話被指似樣撞樣唔緊要,但最介意係網民喺佢專頁叫佢做「蔡思達」,甚至直接叫佢做「達哥」,佢認為:「改名叫我做蔡思貝,就一世都係蔡思貝,而唔係其他名!」

同網絡紅人「達哥」出席活動,被笑似孖「兄弟」,令蔡思貝勁尷尬。



當年初出道蔡思貝明顯面較闊、鼻亦較扁,更偏男人相,因此被指酷似木村拓哉,甚至「達哥」,連杜汶澤都曾經好認同。



傳姣媾鄭俊弘

同年尚未卸任港姐亞軍,蔡思貝就開始拍處女劇《八卦神探》,飾演大學生蘇倩敏一角,並與鄭俊弘有感情線,仲一度傳出佢姣媾鄭俊弘。

蔡思貝

處女劇扮大學生,造型清純。

蔡思貝

出席活動都手拖手,唔傳緋聞至奇。



2015年 升呢女主角

2014年,蔡思貝第二部劇集《名門暗戰》飾演泰拳手馬小明,與蕭正楠有感情線,獲監製羅永賢讚氣質有點像當年郭藹明。

蔡思貝

當年《名門暗戰》中蔡思貝與蕭正楠做一對,並在擂台上「搞出人命」,令觀眾嘩然!



2015年嘅《衝線》中,蔡思貝已升呢做女主角,與羅仲謙做一對,仲入圍當年入圍《萬千星輝頒獎典禮》最佳女主角。

蔡思貝

《衝線》中蔡思貝首次做女主角,被羅仲謙和沈震軒兩男爭一女。



演技曾受質疑 角色不討觀眾歡心

雖然喺《衝線》擔正女一,但就引嚟劣評如潮。一眾網民指蔡思貝演技生硬,角色衝動討厭,而且講對白嘅聲音都非常吵耳!



其後蔡思貝再於《鐵馬戰車》中飾演女主角之一 ──交通警貝心柔,其衝動嘅性格導致不斷撞板,要由黃德斌飾演的杜Sir出手相助。喺溫柔冷靜嘅姚瑤(唐詩詠飾)對比之下,蔡思貝更顯粗魯,亦因為剛好係「制服部隊」,就被擺嚟同「無綫衝動代表」吳卓羲比較,成為「女版吳卓羲」!

蔡思貝

2016《鐵馬戰車》



2015年蔡思貝演出電視框從軍電影界,參演由張家輝自導自演嘅《陀地驅魔人》,飾演記者方紫寧,劇情中佢為咗探新聞而惹鬼上身,處事同樣橫衝直撞。

蔡思貝

蔡思貝首次拍電影《陀地驅魔人》角色戲份重,但被《第11屆金話梅電影選舉》選為最爛女主角。



因被揭申請虛假學歷形象插水

蔡思貝之後又參演劇集《潮流教主》,除貫徹衝動又固執嘅性格之外,更因為其說話高音,再被網民賦予「高分貝」稱號。而在同年年底,蔡思貝又因為被揭發假學歷一事而形象插水,但當時佢則聲稱自己德國留學,卻被踢爆實情係從菲律賓一所大學購買假學歷證明。



近年洗底憑癲姐出位

蔡思貝憑《踩過界》趙正妹(癲姐)一角,奪得成功揮低《同盟》胡定欣、《誇世代》李佳芯、《不懂撒嬌的女人》唐詩詠、《降魔的》黃智雯。

蔡思貝

《 踩過界 》講述盲俠大律師王浩信與師爺蔡思貝、私家偵探張振朗及法官李佳芯 (Ali) 組成四劍俠,利用「 踩過界 」嘅方式為巿民爭取公義。



愈大愈靚女

蔡思貝自2013年當選港姐亞軍後就簽約TVB,在任期間已獲監製賞識,演出多套劇集,極速升呢女主角之餘,比起初出道時當年初出道激似木村拓哉甚至「達哥」嘅面相,近年蔡思貝真係愈變愈靚女,依家應該冇人再叫佢「達哥」啩!

蔡思貝

蔡思貝熱愛跑步,近排頻頻參加跑步賽事,佢大晒運動look,個個都話靚!



又睇吓盛裝嘅打扮!穿晚裝嘅思貝唔止性感,仲女人味十足!

 



加上,憑住《降魔的》一劇而爆紅嘅歌曲《到此一遊》大受歡迎,早前TVB更加搵嚟5個港姐小花:馮盈盈、黃心穎、蔡思貝、張寶兒、邵珮詩跳唱《到此一遊》,個個都話蔡思貝係五個之中,跳得最好、身形最靚、最sexy嘅一個!

 



有片睇:

雖然最近蔡思貝為拍新戲又再次將頭髮剪短,但打扮愈嚟愈靚、演技愈見進步,相信佢嘅努力大家係有目共睹!










鍾意就快D Share啦!
Related Posts Plugin for WordPress, Blogger...