掃呢頁CODE去手機

2019年4月3日 星期三

《大帥哥》:《大帥哥》班底飯敍 楊秀惠晒溫馨全家福 __,大帥哥,楊秀惠,

無綫劇《大帥哥》之前播出時掀起追劇潮,除咗因為張衞健回巢夠吸引之外,一班同劇演員如楊秀惠、譚凱琪等嘅發揮都好出色。呢日楊秀惠喺社交網上載咗張「家庭聚會 ...


無綫劇《大帥哥》之前播出時掀起追劇潮,除咗因為張衞健回巢夠吸引之外,一班同劇演員如楊秀惠、譚凱琪等嘅發揮都好出色。呢日楊秀惠喺社交網上載咗張「家庭聚會」嘅相,原來係《大帥哥》班底嘅飯敍!「大帥哥」、「天嬌」、「艾妞」、「沅婉」、「馬炭」、「羅義」、「顧落蘆」、「冬來」同「細龜」都喺齊度,睇劇時啲回憶返晒嚟!譚凱琪透露呢個飯局約足大半年先人齊,而楊秀惠留言表示:「今日出席家庭聚會✌️#大帥哥 圖三:洪爺,你把聲🎤好響咯😅 @guruhung」有份出席嘅蔡思貝都有晒大合照,仲感性表示:「在他們面前,我可以坦然自在的做自己,我想,這種像家人般的相處,是一種緣份(分)。」佢仲搞笑咁話同呢班人食飯,似係好似有幾廿個嗲哋媽咪夾餸畀佢添,聽落都覺得好溫馨呀。

睇番啲相,見個個都笑容滿面,連喺電梯裏面都要影搞鬼合照,三位「姨太」仲大玩變臉App,key住個貓樣嘟嘴賣萌兼放電,迷人又可愛,電到班粉絲暈晒大浪!


來源 source: http://hk.on.cc
鍾意就快D Share啦!