掃呢頁CODE去手機

2019年4月17日 星期三

許志安黃心穎偷食:真男人!馬國明繼續保護黃心穎 __,安仔,許志安,馬國明,黃心穎,

馬國明果然係真男人!藝人黃心穎背男友馬國明啜爆人夫許志安,馬國明今日為無綫劇集《降魔的2.0》開工,馬國明風波後憔悴現身,他將會在電視城接受訪問,開腔 ...


馬國明果然係真男人!


藝人黃心穎背男友馬國明啜爆人夫許志安,馬國明今日為無綫劇集《降魔的2.0》開工,馬國明風波後憔悴現身,他將會在電視城接受訪問,開腔談討論此事。

馬國明現身時非常平靜,仍處處維護着黃心穎,他說:「其實呢件事我知道後,好快冇咗嬲嘅感覺,我係好快變成擔心,擔心呢件事牽涉嘅所有人,任何一個受到傷害我都唔希望,我可以代佢(黃心穎)講少少嘢,佢知自己做錯咗,佢好想出嚟同大家講,但公司驚佢情緒唔穩定,驚佢會講錯嘢,所以冇安排佢出嚟講,我知佢啱啱都喺IG講咗嘢,我只可以話佢仲係好年輕,未來仲有好多路要面對、要行,希望大家畀啲空間佢,大家亦唔使擔心我,我會繼續專心工作,會繼續拍戲,唔希望影響拍戲進度。安仔都講咗嘢,我唔會發表任何意見,呢個世界冇人有資格發言,除咗安仔太太外,希望件事可以盡快平息。」

馬國明亦請大家不要採訪父母,指父母不是圈中人,希望大家不要將母親的說話放大,更謂:「希望大家高抬貴手,唔好嚇親我屋企人,我只可以講咁多,嚟緊我會專心工作,多謝大家關心,唔好將件事再發酵。」

馬國明於現場一見到眾多傳媒,都不禁「嘩」了一聲,訪問去到尾聲,傳媒問他現時與黃心穎是甚麼關係,有沒有跟她分手,馬國明回答謂:「我諗我冇嘢要再講嘞!」態度相當大方。




來源 source: http://hk.on.cc
鍾意就快D Share啦!