掃呢頁CODE去手機

2019年4月12日 星期五

胡鴻鈞:胡鴻鈞自誇勁過林峯 衰囂張入「雪櫃」 __,林峯,胡鴻鈞,

胡鴻鈞可以改名胡勁囂?2010年參加無綫歌唱選秀節目《超級巨星2》出道的胡鴻鈞(Hubert),簽約星夢後發展平平,雖然被讚是靚聲王,但聲勢、人氣一直 ...


胡鴻鈞可以改名胡勁囂?


2010年參加無綫歌唱選秀節目《超級巨星2》出道的胡鴻鈞(Hubert),簽約星夢後發展平平,雖然被讚是靚聲王,但聲勢、人氣一直不及當時同公司的許廷鏗、鄭俊弘,直至2017年他參演劇集《降魔的》飾演「石敢當」,人氣急升,連帶他獻唱的主題曲《到此一遊》爆紅,更奪得「最受歡迎劇集歌曲」。

擔正男一 恃寵而驕

Hubert彈起上位之際,正值許廷鏗決意離巢玩跳槽,而鄭俊弘則被爆背未婚妻暗撻何雁詩,乖仔形象毀於一旦,Hubert終被點名力捧坐上「星夢一哥」位置,更獲無綫委以重任,擔正劇集《救妻同學會》男主角。不過盛傳「紅」心壯志的他即恃寵而驕,由以往靜如鵪鶉,激進得變成目中無人,即使有「男神」周柏豪加盟星夢,又有「Chok王」林峯回歸與星夢合作《使徒行者3》主題曲,但Hubert自視甚高,曾經大口氣自詡勁歌林峯,最終因為態度囂張而闖禍,被星夢掟入「雪櫃」。

失主題曲 鄭俊弘執雞

有知情人士爆料,無綫正在熱播的重頭劇《鐵探》,主題曲《鐵石心腸》本來屬意Hubert主唱,但因他自以為是得罪人,結果白白錯失了得到金曲的機會,令鄭俊弘冷手執個熱煎堆,憑這首大熱作品「鹹魚翻生」。Hubert雖然正拍攝新劇《降魔的2.0》,但有指其歌唱事業處於「悠長假期」,今年不但未有新歌派台,連《降》劇的劇集歌都未必有份唱。

對於Hubert因囂爆而錯過《鐵探》主題曲,星夢CEO何哲圖(Herman)說:「純粹因為鄭俊弘把聲啱唱,主題曲嘅嘢我哋係揀把聲啱唔啱。」對於盛傳Hubert曾對人認叻自誇勁過林峯,Herman哈哈大笑:「哈哈……(傳佢得罪你?)冇得罪咩呀!(咁佢有冇講自己勁過林峯?)其實藝人點睇自己,我係唔了解,佢哋點睇自己嘅位置,我好難去Comment。」




來源 source: http://hk.on.cc
鍾意就快D Share啦!