掃呢頁CODE去手機

2019年4月20日 星期六

許志安黃心穎偷食:梁裕恆寧願旺角裸跑博上位 樂易玲鬧發神經 __,安仔,梁裕恆,樂易玲,許志安,黃心穎,

梁裕恆話只係將知道嘅事實講出嚟,如果要博上位寧願旺角裸跑!無綫藝人黃心穎偷食人夫許志安被插爆,只要有人撐佢哋就會被圍插,2016年落選港男、曾表示想「 ...


梁裕恆話只係將知道嘅事實講出嚟,如果要博上位寧願旺角裸跑!


無綫藝人黃心穎偷食人夫許志安被插爆,只要有人撐佢哋就會被圍插,2016年落選港男、曾表示想「出位」嘅梁裕恆(Flow Leung)就冇有怕,稱要講「公道說話」,令人都覺得佢有抽水之嫌!

「今日嘅香港非常恐怖」

Flow以短訊回覆東網稱:「我只係將我知道嘅事實講出嚟,讓大家可以喺多一個角度去睇呢件事,我沒話當事人冇錯,當時人係有錯,但唔係片中所睇到嘅勾引或主動,明顯二人關係並非那天開始,可惜大家唔係去思考或尋求事實嘅真相,而選擇站在道德高地去踩死一個人很容易。我認為今日嘅香港非常恐怖,說出來不是甚麼博上位,我預了是一致的負評,只是將自己良心說話講出嚟,希望大家可以公道一點去睇呢件事,而對此事我不會再作甚麼回應,知道的我已說完。」

否認博上位

佢更引用林子祥首歌《敢愛敢恨》表達想法:「在娛樂圈或世界上,婚姻出了問題沒有好好處理而導致互相折磨大家一生的事例多不勝數,但因《敢愛敢恨》去追求,去面對已腐爛婚姻,最後得到幸福的人亦不勝其數。」講到負評不斷,問可擔心被指「抽水」?他稱:「真心不嬲,也是一早預料的事,網絡上的說話總是殘酷,因為不用負責,也是大家發洩的一個渠道,我亦明白大家對事件的睇法,如果要咁樣上位,我情願在旺角裸跑,這事件對我一點好處都沒有!」

樂易玲插梁裕恆

另外,問到無綫高層樂易玲,黃心穎可曾向她提及「愛上人夫」一事?樂易玲稱:「發神經!呢個人抽水!絕對唔信!」




來源 source: http://hk.on.cc
鍾意就快D Share啦!