張丹峰一話要告就即刻現身澄清。
藝人洪欣嘅老公張丹峰早前傳出與經理人畢瀅過從甚密，更因喺酒店同房而被指「出軌」，當中一個疑似畢瀅微博小號嘅帳戶，除不時爆料之外，佢講述愛上有婦之夫嘅背景同洪欣張丹峰極為相似，佢仲試過公開狂鬧洪欣，同埋自稱「矮小黑」呢個張丹峰取笑畢瀅嘅花名，令唔少人都相呢個就係畢瀅。張丹峰尋日發聲明反擊否認一切「指控」，其中更澄清畢瀅冇呢個小號，正當網民𢱑晒頭呢個「畢瀅小號」究竟係邊個時，佢終於現身！
「畢瀅小號」喺微博度話，之前嘅發文一直都係講緊自己嘅感情生活，絕對冇提過張丹峰三個字，自稱「矮小黑」都係咁啱得咁橋，對於造成各方嘅誤會，佢話會向三位當事人道歉，特別係洪欣，因為曾經口不擇言鬧過佢咁話。
其實呢個「畢瀅小號」都運作咗一段長時間，期間唔少網民多次問佢係咪畢瀅本人，但係佢都冇否認，去到張丹峰一話要告就立即走出嚟澄清，相信心水清嘅讀者都明白發生緊乜事！
來源 source: http://hk.on.cc
|
鍾意就快D Share啦！
|
|
|
