網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年4月2日 星期二

【娛樂人物】自問識揀但唔中 吳千語同富三代甩拖 __,吳千語,

吳千語自爆不被前男友理解,未來會專注工作。
吳千語自爆不被前男友理解,未來會專注工作。吳千語去年戀上前全國政協施子青長孫施伯雄(Brian),加上前度林峯,吳千語專挑高質男友,甚有眼光。日前吳千 ...


吳千語去年戀上前全國政協施子青長孫施伯雄(Brian),加上前度林峯,吳千語專挑高質男友,甚有眼光。日前吳千語接受《蘋果》訪問,也自言「我睇嘢好有天份」,但她強調現時事業行先,談到感情時,她感慨地剖白失戀心情:「我希望可以搵到個理解我嘅。」言下之意Brian因不理解她而分手,她直認已回復單身。

撰文︰羅婉玲

攝影︰沈健程

相關新聞:林峯嗌完美結局

吳千語和林峯去年3月宣佈結束五年情,未幾傳出她跟富三代施伯雄相戀,男友非富則貴,羨煞不少港女。25歲的吳千語日前與師弟栢天男一同接受《蘋果》訪問,談及審美標準時,千語不諱言自己有眼光:「我睇嘢好有天份,例如揀傢俬。」有樣貌又年輕,千語自然有條件揀男友,但她表示未來會專注工作︰「慢慢了解到女仔喺社會上要做好自己,事業上最想做到有屬於自己嘅嘢,將來我有家庭後可以繼續經營,所以今日要努力啲。」



吳千語去年與林峯分手後,與富三代施伯雄拍拖。資料圖片 吳千語去年與林峯分手後,與富三代施伯雄拍拖。資料圖片
林峯今年初曾帶女友張馨月回鄉祭祖。資料圖片

林峯今年初曾帶女友張馨月回鄉祭祖。資料圖片
栢天男自小喜歡繪畫,曾在澳洲讀藝術和設計。

栢天男自小喜歡繪畫,曾在澳洲讀藝術和設計。

「搵個理解我嘅」

揚言事業第一,是否意味男友要靠邊站?千語感慨地說︰「點經營一段感情,唔係單方面,一定要雙方付出,如果我呢個階段有機會拍拖嘅話,我希望可以搵到個理解我嘅,如果對方唔明白嘅話,大家好難一齊到。」言下之意,似是她不被富三代男友Brian理解,兩人已分手。再追問千語是否回復單身,她肯定地說︰「係,係單身!𠵱家唔想講太多,將來到另一個階段時,先再講。」

其實千語近年主攻內地市場,近日首次為動畫電影《女皇哥基大冒險》(The Queen's Corgi)配音。為了聲演女皇級名種狗,她花了不少心機:「我本身講嘢冇乜語氣,要發掘自己另一把聲,語氣要嗲啲、風騷啲。」她也有養狗,笑言︰「養狗仔好似屋企多咗個細路仔咁。」



睇唔明卡通片

動畫及卡通片一向被視為小朋友事物,千語並不同意︰「我大個先睇卡通片,因為細個睇唔明,有啲故事好深,好似宮崎駿嘅卡通,唔係畀細路睇。」她自言家教很嚴,自小媽媽不准她看電視,也因這樣,她沒有近視。千語自言沒有繪畫天份︰「我畫得好肉酸,雀仔畫到似雞,貓畫到似貓頭鷹。」

至於一同為《女》片配音的栢天男,自小喜歡繪畫,曾畫了一本繪本,他說︰「我一格格畫,畫得好辛苦,但小狗一下就咬爛,成本散晒。」他曾想過當漫畫家,可是被家人指難搵食,最後他在澳洲讀藝術和設計,繼續發揮畫畫天份,未入行前曾從事設計工作。

場地提供:港威酒店




鍾意就快D Share啦!


Related Posts Plugin for WordPress, Blogger...