2019年4月3日 星期三

劉嘉玲大玩「老婆視覺」!梁朝偉櫻花樹下放電 __,劉嘉玲,梁朝偉,

梁朝偉
劉嘉玲大玩「老婆視覺」!梁朝偉櫻花樹下放電藝人梁朝偉(偉仔)同劉嘉玲結婚多年,但二人一直都唔會高調曬恩愛。近日,偉仔同嘉玲一齊到日本賞櫻花,嘉玲就分享 ...


劉嘉玲大玩「老婆視覺」!梁朝偉櫻花樹下放電



藝人梁朝偉(偉仔)劉嘉玲結婚多年,但二人一直都唔會高調曬恩愛。近日,偉仔同嘉玲一齊到日本賞櫻花,嘉玲就分享自己幫偉仔親自操刀嘅「沙龍照」,相中偉仔企喺櫻花樹旁,仲大放電眼,唔少網民都讚偉仔好靚仔,直頭係「型英帥靚正」!

原文:SundayKiss |圖片:劉嘉玲微博、新傳媒圖片、梁朝偉劉嘉玲FBIG| 編輯:東方新地





劉嘉玲親自操刀 梁朝偉瞬變「花美男」

講起梁朝偉,一直以嚟人人都大讚偉佢係「男神」,更係演藝圈中嘅型男之一。偉仔同嘉玲於2008年喺佛教國家不丹舉行婚禮,結束長達20年嘅愛情長跑,二人雖然低調,但一直都係圈中數一數二嘅恩愛夫妻。

梁朝偉
梁朝偉同劉嘉玲至今己結婚11年

梁朝偉

二人雖然低調,但一直都係圈中嘅恩愛夫妻



網民:偉仔喺嘉玲面前先咁溫柔

近日,佢哋兩公婆就一齊去咗日本賞櫻花,嘉玲仲親自幫偉仔揸機影相,大晒「老婆嘅視覺」。相中嘅偉仔企喺櫻花樹旁,化身成「憂鬱型男」,對住鏡頭放電眼,真係睇張相都畀佢電親!

梁朝偉

梁朝偉企喺櫻花樹旁,化身成「憂鬱型男」

梁朝偉

偉仔呢個眼神電力十足…



梁朝偉至今已經出道約36年,但佢嘅魅力真係咁多年都冇減退,仲愈嚟愈有男人味!嘉玲以「春風拂面」嚟形容老公,唔少網民都立即留言,大讚偉仔真係好靚仔,指偉仔「人比花俏」!另外,更有網民表示,偉仔平時畀人感覺好cool,只有喺嘉玲面前先咁溫柔,笑到咁燦爛。

梁朝偉

偉仔真係好靚仔!

梁朝偉

型英帥靚正!



另外,除咗「老婆角度」外,嘉玲亦分享咗偉仔幫佢操刀嘅相。呢張「老公角度」,嘉玲攞住兩隻公仔同櫻花一齊影相,成個「大細路」咁,令平時高貴嘅嘉玲露出一點童真,睇嚟只有偉仔先會成日見到呢一面嘅嘉玲!

喺偉仔揸機下,嘉玲姐同樣星味十足!



真係好有型!

櫻花盛開,嘉玲偉仔拍拖賞櫻,真係好甜蜜啊!



微微抬頭賞櫻,真係人比花嬌呀!



你睇嘉玲姐幾陶醉幾Enjoy!



感情保鮮30年不變!劉嘉玲梁朝偉4大婚姻信條

早前劉嘉玲接受內地節目訪問,重提裸照事件時,感激事件為她「生動地上了一課」,因此而成長,面對人生更豁然開朗,今日的她,已經原諒了所有涉事者。拍拖20年,結婚10年,劉嘉玲與梁朝偉30年來一起面對過不少風雨,講到維繫感情,更句句被內地網民奉為金句、大道理!52歲的嘉玲姐,有着熟女的智慧,而這種智慧,就如她自己所說:「是靠生活磨煉出來的!」她的4個婚姻信條,你想學嗎?



信條一

「女孩子要有一定的經濟實力,要與這個世界同步銜接,不然會跟旁邊的人沒話題,久而久之,他就會跟外面的人去講話了。」

劉嘉玲與梁朝偉都是演員,她曾在訪問中透露,自己與老公最常聊到的就是電影,因為只有她敢把真實的評語說出來的。劉嘉玲提到自己對梁朝偉說,他在拍《無間道》時,沒有完全演好。雖然那部電影取得了很多獎,可那只是觀眾對偉仔有著期待與包容而已。

梁朝偉

劉嘉玲與梁朝偉早前一同到台北一起欣賞張學友巡迴演唱會。

真正最適合的伴侶,不是性格完全一樣;而是了解另一半的一切,而且敢於把對方的弱點說出來。因為只有你才知道那些部分,而只有說出來才可以讓對方一直進步。「你如果提供不了他的滿足感,他去找另一個人聊聊天也很正常。正如你也想得到別人的安慰、明白和理解。」說穿了,兩個人相處,不能只站在自己的立場,只顧自己的喜好,將心比己,坦言相對,才可以達到最真誠的溝通。



信條二

「回憶是靠自己製造出來的!」

新婚夫妻,或者仲有好多新鮮感,但係時日耐咗,激情變成感情,生活就淡淡似是湖水。但是劉嘉玲就說:「隨着我們相處的年份愈嚟愈多,都會加深彼此之間的感情。」在和梁朝偉拍拖20年後才辦婚禮,是因為嘉玲姐想要一個婚禮,認為這個儀式一定要有。劉嘉玲說自己很注種儀式和節日,尤其是中國傳統節日,所以每年過年都會親自佈置,「你會讓老公感覺家裡很溫暖」











外界以為梁朝偉個性木納,但嘉玲姐話老公其實好浪漫!大時大節,周年紀念,總會有花有心意卡!而這亦是嘉玲姐多年來的堅持!「情人節怎麼可以不收花呀?!你可以不送珠寶給我,但是花得要送!」如嘉玲姐所說,「回憶是靠自己製造出來的」生活上的小情小趣,同樣是靠自己去製造,要為愛情保鮮,就必須要保持主動和積極。

聖誕節時,嘉玲姐也會親自裝飾聖誕樹。


信條三

「最怕是在衝動時,說了些過頭的話,千萬不要讓那句話說出口。」



手機已經成為現代人的必須品,但手機功能再多再強再方便,也不能取代人與人的溝通。嘉玲姐認為「現在甚麼都靠手機,但這是沒溫度的」,反而收到親筆寫的心意卡更難得!她在節目中透露,家中櫃珍藏了一大疊心意卡,原來全是梁朝偉親筆寫的。到現在她仍不時拿出來回味,向老公展示出:「你看看你那時候說對不起,是因為你做錯了那件事……」

夫妻之間總有爭執時,縱然兩個人了有多了解,亦有分歧的時候。嘉玲姐坦言與梁朝偉都會有拗撬,「有時他會先說對不起,有時我會先道歉,但被他佢多年來的磨練,令我養成了冷靜下來的習慣,因為我火爆想向他爭辯時,佢是沒有反應的!所以冷靜下來,好多事情都很容易過,最怕是在衝動時,說了些過頭的話,千萬不要讓那句話說出口。」



信條四

「長久的婚姻,沒有成功的秘訣,肯定是靠相互的忍耐。」嘉玲姐曾在內地節目中透露,偉仔是那種甚麼都不理的人。家裡要裝修的時候,梁朝偉就會提著一個小行李,然後自己走掉;到劉嘉玲把家裡的一切都弄好了,才會再次提著行李回來。這種個性,相信不是每個女人都可以忍受,但是「你以為你在忍別人,可能人家也在忍你」,夫妻相處,走的是長路,怎麼可以沒有包容和忍讓?



沒有人是完美,有優點,也有缺點,最重要是懂得尊重對方。「佢有很多優點我都欣賞,像是對工作的認真,和待人處事很有禮貌,生活細節上他對我的容忍、關心,全都是對我的尊重。我有很多優點可以令到他包容我的缺點,相對來說,他亦是。」婚姻就是兩人彼此的付出,性格總有不同的地方,不要妄想去改變對方,「最完美的控制就是不控制」

劉嘉玲曾說,觀眾只看到了梁朝偉好的那一面,而不好的那一面就只有她自己看得到。不過嘉玲卻從不打算改變朝偉甚麼,因為嘉玲知道有了這些才成就了今天這個他。



人們看到的梁朝偉是那個眼神帶點憂鬱,總是散發出魅力的影帝;但在劉嘉玲心中,梁朝偉是個麻煩時像小孩一樣,但成熟時卻很有想法的人。只有很愛很了解對方,才可以看到最原本、最真實的那個他;而劉嘉玲與梁朝偉正正做到了!



在感情上遇到不順時,嘗試「面對它,接受它,處理它,放下它。」

「在生命裡不會只有好的東西,要習慣提醒自己去接受壞的東西,這才是真正的真理。」

甩王家衛做自己  梁朝偉享受半退休生活

五屆金像影帝梁朝偉,日前宣布同王家衛旗下的澤東電影公司結束20年合作關係,回復自由身話就話由老婆劉嘉玲暫代接洽工作,實情攞過無數次影帝獎的偉仔,在踏入56歲前,已決定減產過半退休生活。原來,偉仔近年愛上揚帆出海,醉心參加帆船運動,五月首度出賽,已經奪得維港春季帆船賽亞軍,又代表香港出戰東歐帆船比賽,玩帆船玩到入型入格;加上向來愛到日本滑雪的偉仔,亦嚮往體驗日本生活,唔想再耽誤時間,決定放慢工作步伐享受人生。睇嚟,減產後偉仔生活仍然多姿多釆。



梁朝偉

日前梁朝偉透過短訊通知各大傳媒,宣布同澤東電影經理人王家衛結束20年合作關係。而王家衛就回應,「多年前有一位朋友把梁朝偉託付給我們,多年之後我們把梁先生圓滿地交還給她。一段光榮的歷史,我們不負所託。非常圓滿。」據知所指的朋友正是劉嘉玲。


Carina Lau/劉嘉玲(@carinalau1208)分享的貼文張貼

實現運動員夢想

踏入56歲,梁朝偉作出人生重大決定,結束同澤東電影的20年合作,為開始人生新里程決定回復自由身。據知情者透露:「同王家衛合作咗咁多年,點會冇人同偉仔招過手想撬佢過檔吖!但偉仔份人好長情,鍾意同熟人合作,同埋鍾意慣咗嘅合作模式,唔想有太多變動,今次作出呢個決定,佢真係諗咗好耐,最重要係,佢已經唔想再畀合約束縛,以後想放多啲時間做自己鍾意嘅嘢,始終拍戲忙忙碌碌咁多年,佢想過番啲簡單平凡嘅生活。」就連暫代偉仔經理人的劉嘉玲,亦坦然老公未來工作計劃不多:「我唔係經理人,係佢聯絡人,佢啲嘢好簡單,佢冇乜嘢做!生活也好,工作也好,兩樣嘢我都會照顧佢,出發點都係為佢好!」問到會否叫老公偉仔多接工作,她更一口否定:「唔會!我會收埋佢!如果遇到適合嘅工作,我先會游說佢。」正如嘉玲所說,同偉仔相處30年,她最清楚老公的脾性,當然最明白偉仔減產決定事在必行,自己亦全面配合!



梁朝偉

入行36年,曾經五度封金像影帝的梁朝偉,2000年更憑《花樣年華》攞埋康城影帝,演技早已毋庸置疑,但除咗有演藝細胞,偉仔的運動細胞同樣卓越,原來一早是運動健將的他,無論玩溜冰、滑水以至滑雪,都好快上手兼玩得出色,連嘉玲都話偉仔是「演戲耽誤他做運動員」。

據知情者透露,多年來致力拍電影的偉仔,希望趁壯健仍有魄力時,實現自己的運動員夢想。「以前佢好鍾意滑水,一有時間就會出海,佢好鍾意大海一望無際嘅感覺,老婆劉嘉玲為咗陪佢,都花咗好多時間去學滑水。近年偉仔仲愛上咗玩帆船,識咗一班玩帆船嘅朋友,成日約埋揚帆出海!其實偉仔細個嘅時候,曾經諗過做運動員,但後尾入咗行拍戲,就放低咗呢個夢想,班朋友見佢玩帆船咁有天份,就鼓勵佢出賽實現自己做運動員嘅夢想,參加咗兩次比賽之後,佢直頭上晒癮!」



影帝獎項得來不易,偉仔以往鍾意觀摩別人演技,知己知彼百戰百勝,早前全副精神出戰帆船比賽的他,就這樣表示:「希望可以從經驗豐富嘅專業船員身上學習到,令自己得以提升,可以更加享受帆船嘅樂趣。」似乎人生目標,亦已經由電影轉移到帆船比賽上。



梁朝偉

在影壇攞獎無數,估唔到梁朝偉轉戰帆船賽一樣攞獎,五月在維港春季帆船賽奪第二名後,偉仔再飛匈牙利參加東歐帆船賽,平日說話不多的他,同一班帆船參賽者更打成一片,之後還出席帆船運動員晚宴暨頒獎禮。

晒老公型仔相

日前老婆劉嘉玲在個人社交網上載老公梁朝偉攞住滑板行出沙灘的背影相,網民紛紛留言大讚影帝好型仔。

Carina Lau/劉嘉玲(@carinalau1208)分享的貼文張貼

梁朝偉

去到匈牙利出賽前四圍遊覽時被野生捕獲,偉仔勁親民來者不拒,更主動揸機。



梁朝偉

網民更大讚偉仔溫文爾雅!

低調撳錢

完成上部電影《風再起時》,偉仔已經休息了近半年時間,農曆年前後飛去日本北海道滑雪後,5月完成兩個香港和東歐帆船比賽,早前又人在東京享受人生,足跡遍日本的他,日前返港就一個人揸住3百萬Benz跑戰車出動,去金鐘太古廣場撳錢。講到明要享受平凡,當日偉仔就全程戴住口罩,唔想畀人認出,同普通市民一齊排隊等撳錢時,的確冇人發現企在自己身旁的人,正是影帝梁朝偉,最低調影帝,非偉仔莫屬!

梁朝偉

現時半退休的梁朝偉,日前一個人揸住落地不久的新Benz跑去太古廣場,原來只係去撳錢過數,行色匆匆的他打扮隨意,十分輕鬆!



梁朝偉

梁朝偉揸住以近3百萬購入的Benz S500 Cabriolet新跑車出動。

梁朝偉

落車前偉仔刻意戴上口罩,貫徹其一貫低調作風!



梁朝偉

偉仔行去太古廣場銀行櫃員機撳錢,戴住口罩同普通市民一齊排隊,完全冇被人認出身旁這位猛料影帝。

梁朝偉

偉仔用櫃員機轉帳後,再用手機影低receipt,然後將收據入到預先帶來的信封內,先至袋入背囊,影帝理財果然十分謹慎!





猛料影帝

梁朝偉與王家衛淵源甚深,90年拍畢電影《阿飛正傳》後,98年偉仔正式簽約王家衛的澤東電影任經理人,先後五度封電影金像獎影帝的他,當中四部攞獎電影《重慶森林》、《春光乍洩》、《花樣年華》以及《2046》都係同王家衛合作,2000年更憑《花樣年華》做埋康城影帝。

梁朝偉

《春光乍洩》

梁朝偉

《花樣年華》



梁朝偉

梁朝偉主演的《捉妖記2》,在內地票房超過20億,據知偉仔已答應接拍《捉妖記3》!

今年初完成跟郭富城合作的電影《風再起時》,偉仔就一直放假享受生活,至今仍未埋位工作。



梁朝偉

今年四月,張學友在台北小巨蛋舉行巡迴演唱會尾站,偉仔同嘉玲就聯同大班圈中好友一齊飛台捧老友場,由台前影到入後台。

足跡遍日本

農曆年前單拖到二世古滑雪期間,同一班日本人在居酒屋把酒言談甚歡,偉仔融入日本人堆中表現雀躍!出遊日本明顯心情勁靚。



曾在表參道畀fans捕獲。



早前在銀座再被捕獲,偉仔亦任影唔嬲,毫無巨星架子!

帆船蛋糕慶生

今年6月27日係偉仔56歲生日,老婆嘉玲就向佢送上一個卡通海洋加帆船造型嘅蛋糕慶祝,啱晒最近愛上帆船嘅偉仔!

Happy birthday 🎂 🥂💕

Carina Lau/劉嘉玲(@carinalau1208)分享的貼文 於張貼



梁朝偉出戰匈牙利!參加歐洲帆船比賽

影帝梁朝偉演技早獲中外電影界嘅肯定,一向係國際電影展嘅常客,估唔到偉仔除咗對演戲有熱情,對做運動方面都一樣,近來偉仔愛上玩帆船,不但作娛樂嗜好咁簡單,早前仲同隊友一齊參加喺香港維港舉行嘅春季帆船賽事!



偉仔比賽當日有達四百人、九十艘帆船一同在維港競賽,偉仔第一次參加維港賽事,佢同隊友嘅船DAVINLOONG喺參賽組別勇奪亞軍,勁威水!



偉仔原來接觸呢項運動只係一年多,近日更再下一城,遠赴匈牙利參加歐洲帆船賽,佢話名次不重要,希望可以藉呢個難得機會,喺專業隊友及國際級嘅船員對手身上偷師,令自己升呢咁話!

梁朝偉

初哥偉仔坐喺船度勁有型!而且有姿勢有實際,第一次參加維港賽事,佢話好刺激,同之前喺西貢玩完全唔同感覺。帆船係佢繼滑雪以外另一令佢瘋狂愛上的活動!


偉仔又透露舊年本來已報名參加瑞士一個帆船賽,但為拍攝電影《風再起時》要苦練彈鋼琴,最後被迫放棄參賽!



偉仔話自細喜愛海同大自然,更一直有學船嘅念頭,對帆船更是一玩鍾情,因為帆船不用機器驅動,係融入大自然嘅雙向互動,而且在其中更覺得好悠閒寧靜,可以減壓。

偉仔話唔介意名次,旨在喺專業船員身上學嘢同累積經驗,最後攞埋亞軍,勁!










鍾意就快D Share啦!
Related Posts Plugin for WordPress, Blogger...