掃呢頁CODE去手機

2019年4月16日 星期二

【安心偷食】網民改圖《降魔的》變《降魔綠的》 馬國明慘變綠帽俠 __,馬國明,

(網上圖片)
【新增內容】相關新聞:【安心偷食】黃心穎冧掂許志安月月見明目張膽用IG傳情「安心偷食」震驚全城!網民發揮無限創意,將許志安和黃心穎的車廂偷食相片改圖, ...



【新增內容】
相關新聞:【安心偷食】黃心穎冧掂許志安月月見 明目張膽用IG傳情



「安心偷食」震驚全城!網民發揮無限創意,將許志安和黃心穎的車廂偷食相片改圖,加了心穎男友馬國明(暱稱馬明)在相中,正在拍大台劇《降魔的2.0》扮演的士司機的馬明,坐在司機位睇住後座的安心偷情,網民還將「降魔的」改為「降魔綠的」,連維基百科都被玩埋一份,寫着:「2019年,黃心穎與許志安傾力演出《降魔的》外傳--狂摸的,馬國明正式成為綠帽俠。」



「世界級姣精」黃心穎在短片中姣到入骨,主動出擊又攬又錫安仔,全城都戥被戴「綠帽」的馬明唔抵,馬明被網民無限改圖,幫他加了一頂綠帽,喊晒口的馬明被設計對白:「點解又係我!」另網民還將馬明及「安心」合照整sticker,在馬明天然呆sticker加「唔X係掛」,安心合照sticker則寫着「斷正」。
相關新聞:【安心偷食】心穎IG閂留言功能 家姐心美驚訝:咩話?許志安?



又有網民將「安心偷食」變漫畫版,將安仔歌曲《流淚行勝利道》改為「散步道」,事關在短片中,安仔全程跟心穎十指緊扣,又不時摸心穎大髀,而心穎隻手更游走在安仔腿間。



除了網民剝花生改圖外,估唔到連公共交通機構九巴都在社交網專頁玩寸「安心偷食」,改圖並配文「車廂嚴禁偷食」,寫道:「【偷食至係罪大惡極】你知唔知道其實巴士上面都有Cam㗎!如果你喺車上偷偷哋食嘢,一樣會被發現!到時被人瘋傳就唔好另一半見到點算好呢?#KMB #九巴 #偷食係唔啱㗎 #車廂唔畀食嘢是常識吧 #若要人不知 #唔好太低B #鯉魚門線呢期會睇緊啲 #我哋巴士冇老鼠㗎 #大家可以安心搭九巴」



而東區太古城西區議員趙家賢在社交網寫道:「區域報告:因應重大娛樂新聞,作為#太古城民選議員的#趙家賢#DrAndrew,已要求管理公司特別加強#馬國明居住大廈的保安措施,防止狗仔隊/閒雜人等進入!」網民留言狠批:「趙家賢,呢位『神秘』博士,係咪要爆晒太古城區名人住址,才肯收手,回歸做實事。」



熱定身睇GOT大結局

權力遊戲76頁電子書

幫你極速消化全劇精華

https://bit.ly/2U9OBxz

-----------------------------

星期一至五晚上10點半

《動腦Q》Let's Q the money!

http://bit.ly/2QW8LcI


馬明被網民瘋狂改圖(網上圖片) 馬明被網民瘋狂改圖(網上圖片)
馬明慘變綠帽俠(網上圖片)

就連劇集對白都被cap「攞景」(網上圖片)

太古城西區議員趙家賢版網民狠批。(網上圖片)

九巴都抽水(網上圖片)

來源 source: http://hk.entertainment.appledaily.com



網上插圖
【安心偷食】許志安、黃心穎偷食斷正 4角關係圖
安仔, 馬明, 馬國明, 偷情, 許志安, 黃心穎, 鄭秀文, Sammi,






























#安心偷食 事件震驚娛樂圈!
主角許志安將喺晚上7點出席記者會交代事件。事件由安仔同黃心穎一條的士片引發,事件竟然波及十一個單位!我地不妨於記者會前重溫事件,了解箇中關係。
#許志安 與Sammi一段情兜兜轉轉多年,2014年終與Sammi結婚,今年迎接5週年,兩口子更會先後於紅館開演唱會
#黃心穎 2018年於無線騷與安仔合唱【會過去的】邂逅,二人更有不少common friends
#鄭秀文 與心穎不時於ig 互like,更曾於健身室一同健身,事件曝光後,一眾粉絲無一不擔心,紛紛留言鼓勵加油
#馬國明 據悉同安仔係波友。2018年開始默認與心穎嘅戀情,但不被外間睇好。事件曝光後,馬明於微博表示:「努力工作」,據知今晚仍然會為【降魔的2】開工
#蔡一智 屬於黃心穎撞樣系列,事件發生後,無辜遭網民誤認為心穎而鬧爆,相信阿智唔知好嬲定好笑
#杜德偉 屬於許志安撞樣系列,事件發生後,有網民笑言希望杜德偉可以幫安仔「頂包」
#黃心美 黃心穎同父同母家姐,由於心穎關閉留言功能,網民於是舉兵進軍心美 ig,超過六百則留言鬧爆,叫心美要教好細妹。
#馬明媽 馬國明親母,今日下午於太古城被 Big Big Channel 「打搞伯母」開 live 訪問,直指對黃心穎印象普通,更指事件發生後,馬國明於屋企睇波,訪問期間接到馬明電話,指唔好接受記者訪問。
#杜琪峰 Sammi恩師,曾揚言如果許志安扔低Sammi,會「斬佢老母十碌」
#的士佬 目擊證人,見證整個「安心偷食」過程,更以車 cam 拍得證據,未知以何等金額賣給報館
#蘋果日報 為獨家報道,據悉今日令蘋果會員登記數超過二百萬,的士佬應記一功






























鍾意就快D Share啦!