2019年4月3日 星期三

方力申被指責拖累鄧麗欣十年 網民讚男方高智反擊! __,方力申,鄧麗欣,

方力申
方力申被指責拖累鄧麗欣十年網民讚男方高智反擊!猶記得方力申(Alex)同鄧麗欣(Stephy)因戲假情真而成為真正情侶,更曾經係大家心目中嘅金童玉女, ...


方力申被指責拖累鄧麗欣十年 網民讚男方高智反擊!



猶記得方力申(Alex)同鄧麗欣(Stephy)因戲假情真而成為真正情侶,更曾經係大家心目中嘅金童玉女,可惜二人戀情最終未能開花結果,令人婉惜。日前,Alex竟被一名網民指責指Alex令鄧麗欣等足10年,見狀嘅Alex冇嬲之外,更冷靜反擊對方!

撰文:東方新地|圖片:方力申Instagram





方力申被指責拖累鄧麗欣十年

話說昨日方力申喺個人社交網上載游泳照,不過竟然惹嚟一位網民舊事重提Alex舊愛鄧麗欣,留言指責方力申:「十年都不表白,娶人」,埋怨Alex令Stephy等足10年!明明事過境遷,唔知呢位網友點解會突然提起Alex同Stephy呢段舊情呢?



男方高智反擊

雖然有網民重提舊史,但面對有關舊愛嘅留言Alex就冷靜理智回應該名網友:「 我想問你,自己最幸福快樂的日子是什麼時候?是從前小學時期?中學?或許是現在?你可能有自己的答案,但我相信我不能代表你回答,反過來說,你也不能代表他人回答。你怎麼知道其他人什麼時候是快樂呢?」,Alex明顯將知魚之樂應用出嚟高智反擊對方!



還記得Alex曾於訪問中表示與Stephy分手並非因為結婚嘅問題,仲指:「我相信你問Stephy佢都會講同一番話」,不過若然二人已經分手,而女方亦已有另一位再愛,唔少網民都覺得Alex唔需要理會該名無理網友,力撐Alex唔需要向他人交代私事。



另一方面,二人雖然已經分手,但至今依然保持友好關係,即使同場現身活動亦唔會表現尷尬,更會大方合照!似乎兩位當時人都已經放低過去,睇嚟該位網民都應該學下Alex同Stephy!










鍾意就快D Share啦!
Related Posts Plugin for WordPress, Blogger...