掃呢頁CODE去手機

2019年4月1日 星期一

自爆執着發脾氣 謝霆鋒靠煮餸改善關係 __,謝霆鋒,

自爆執着發脾氣謝霆鋒靠煮餸改善關係37分鐘前早前播出嘅《鋒味前奏》,大廚謝霆鋒教大家整Pizza,整Pizza期間,火火問霆鋒點解會搵爸爸(謝賢)同契 ...


  • 自爆執着發脾氣 謝霆鋒靠煮餸改善關係
  • 37分鐘前






早前播出嘅《鋒味前奏》,大廚謝霆鋒教大家整Pizza,整Pizza期間,火火問霆鋒點解會搵爸爸(謝賢)同契媽(汪明荃)做《鋒味》嘉賓,霆鋒話:「因為呢一集講唔同時代。我哋近十年食嘅嘢同以往食嘅嘢唔同,以前邊有黑松露啊。」劉翁又問霆鋒有無試過煮飯俾長輩食,霆鋒反省年少時唔識同家人相處,「其實以前真係唔識同屋企人相處,就係因為透過廚房搵到個平台去分享,所以我大力推廣呢個節目,唔係話點樣去學煮一道菜,而係搵一個平台去同朋友家人相處。」劉翁表示同意,「衰啲講句,有時都要搵個籍口坐埋一齊。」霆鋒又道出社會現況,「而家無論家人或情侶食嘢,都係㩒住手機,咁做咩要一齊食?」

黑松露素食Pizza新鮮出爐,火火同劉翁都爭住食,火火話覺得三個人一齊食Pizza好有男人的浪漫,然後就問:「謝霆鋒嘅浪漫係咩呢?」霆鋒回應自己嘅浪漫通常喺係生活嘅小事上體現出嚟,劉翁又指霆鋒平時煮嘢食好執著好多細節,但去到無辦法時,就會自行變通搵第二個解決辦法。霆鋒話:「呢個係而家嘅我,以前嘅我真係會發脾氣。」


鍾意就快D Share啦!