掃呢頁CODE去手機

2019年4月21日 星期日

許志安黃心穎偷食:鬧黃心穎嘅人冇能力偷食?梁裕恆同網民開火 __,安仔,梁裕恆,許志安,黃心穎,

梁裕恆尋日出Post撐黃心穎,今早佢又再出聲!落選港男梁裕恆(Flow)尋日自稱黃心穎向佢訴苦,仲話憑良心講說話,唔只被網民怒插,而無綫高層樂易玲都鬧 ...


梁裕恆尋日出Post撐黃心穎,今早佢又再出聲!


落選港男梁裕恆(Flow)尋日自稱黃心穎向佢訴苦,仲話憑良心講說話,唔只被網民怒插,而無綫高層樂易玲都鬧佢抽水「發神經」!事隔一日,阿Flow似乎「愈戰愈勇」同網民開火,今日喺Instagram Story上載一張對話截圖,內容更提到「鬧嗰啲人只是內心有鬼」、「想偷食無能力」,不過未幾就刪咗!

A:作為朋友我唔見到你千夫所責!呢單新聞,對我黎(嚟)講,只係好正常,每日都發生緊,但當件事主角唔係自己時,呢個時候所有人都高高在上,個個道德X!

B:拍拖結婚那刻誰不是想一生一世 感情事那有這麼簡單 非黑即白 鬧果(嗰)d(啲)人只是內心有鬼 自己偷食 想偷食無能力 比(畀)人包 在夜總做又同時拍拖 我唔識果(嗰)d(啲)人我唔理 我唔知佢情況 但有d(啲)我明知佢比(畀)人包 搞人老婆 拍緊拖周圍同人搞 仲好意思走離(嚟)留言鬧 出post鬧 當然有一些是經歷過被人傷害

而Flow就喺圖上寫住「事情唔係發生係(喺)自己身上總是說得很輕鬆 但願你們經歷過的愛情真的像童話故事一樣 相愛很難」

佢仲喺facebook上載廿幾張支持佢嘅截圖,留言:「收到晒 明白的 咁既(嘅)情況圈外圈內人都不方便公開支持或表態」




來源 source: http://hk.on.cc
鍾意就快D Share啦!