掃呢頁CODE去手機

2019年4月22日 星期一

【回應安心】以過來人身份 裕美:情到濃時情緒控制你去做一啲嘢 __,裕美,

攝影:陳俊強
裕美今日在中環出席推動環保活動,她自細讀日本人學校,記得參與運動會時,一件垃圾都不能遺留在場地,因此養成懂得處理垃圾的習慣。相關新聞:【太太放心】「光 ...


裕美今日在中環出席推動環保活動,她自細讀日本人學校,記得參與運動會時,一件垃圾都不能遺留在場地,因此養成懂得處理垃圾的習慣。

相關新聞:【太太放心】「光頭仔」王嘉明重返娛圈不受引誘:自己肯定要堅定



近日「安心偷食事件」女主角黃心穎在IG道歉後仍未親自現身,裕美也曾是過來人,她與黃子恆偷食事件被揭,事業曾跌落低谷,裕美現時已放下世俗眼光,她直指有留意報道:「件事咁轟動,未瞓醒電話已經炸開,最初以為拍戲,因為我都識心穎,同佢合作劇集《堅離地愛堅離地》,我反而好擔心佢,發生事所有人都有壓力,佢哋私人嘅嘢我唔講,唔知中間來龍去脈,希望搞清楚件事,每個人過得好。」



裕美亦曾經背夫偷食,坦言知道箇中壓力,她說:「係大壓力,兩個人關係一言難盡,外人咁睇同私下發生咩事又唔同,唔想講出嚟,唔想家事私事擺上枱,有啲事放大咗唔係真實,我有一種唔想去評論嘅心態。」



裕美剖白自己的內心世界:「人性都係渴望愛,尤其我係單親家庭,媽咪好傳統,但佢永遠唔會攬我一下,同講一句我愛你,其實媽咪係愛到我死,女仔好易投放咗喺男友身上,過往男朋友都會同我講,唔好當我係你老豆,我會好㷫,想尋覓完整家庭愛,係我拍好多次拖原因,唔係我搵藉口,係心理上需要。」



問及鍾情有婦之夫?裕美誤以為指安心,透露不知道兩人說話及相交,但自己則認為要釐清關係,適合時候才一齊,並說:「但情到濃時情緒感覺控制咗你去做一啲嘢,唔係啱timing做嘅嘢。」



事件發生後,裕美發訊息給心穎,希望她一切安好。至於劇集牽連被抽起,裕美說:「確實真係唔清楚,套劇拍咗一段時間,我對抽起套劇冇乜感覺,反而擔心當事人,自己係過來人,公開咗明白有壓力,人生好絕望,再冇明天,鼓勵佢哋係人生歷程。」問到過來人裕美認為心穎應否公開面對大家?她說:「唔知係佢唔想定公司另有安排,好似我以前有公司,都要聽公司嘅話去處理,未必係佢唔想又話佢未ready好件事。」



【記住63836568】全民爆相爆片!下一個爆料王就係你

https://bit.ly/2Guolu9

-----------------------------

熱定身睇GOT大結局

權力遊戲76頁電子書

幫你極速消化全劇精華

https://bit.ly/2U9OBxz

-----------------------------

星期一至五晚上10點半

《動腦Q》Let's Q the money!

http://bit.ly/2QW8LcI




鍾意就快D Share啦!