2019年4月26日 星期五

【安心偷食】父母冇眼睇姊妹藐爆 黃心穎死𦧲馬國明回收 __,【安心偷食】,馬國明,黃心穎,

黃心穎
【安心偷食】父母冇眼睇姊妹藐爆黃心穎死𦧲馬國明回收許志安黃心穎各自背叛另一半出軌,「安心偷食」醜聞爆出後,全城圍插姣花賤男,兩人事業人格一鋪清袋,更連 ...


【安心偷食】父母冇眼睇姊妹藐爆 黃心穎死𦧲馬國明回收



許志安黃心穎各自背叛另一半出軌,「安心偷食」醜聞爆出後,全城圍插姣花賤男,兩人事業人格一鋪清袋,更連累被背叛的 另一半傷心欲絕還要收拾殘局,虔誠教徒Sammi最終發文原諒偷食老公,至於畀樂易玲形容是「絕種好男人」的馬國明,雖然畀女友派 帽出賣,仍得體開腔護女友,不過,勾人老公片令淫相無所遁形,姣心穎已冇運行,一直潛水冇面見人,被無綫無限期掟入雪 櫃,還連累家人被洗版攻擊,黃父對女兒淫行表明冇眼睇,身邊一班好姊妹火速藐爆割席;玩火至眾叛親離,垂死掙扎的她竟再出招向馬明埋手,不停以奪命追魂call哭爆求饒死𦧲復合,希望藉好男人扶持得以翻身,搞到被感情重創的馬明,連日來開工心事重重,被女友扮可憐繼續借過橋,認真慘情!

撰文:東方新地 |圖片:新傳媒圖片、Instagram





黃心穎 一直潛水

早已被揭貪慕虛榮兼機心重的黃心穎,同馬國明拍拖前,一直釣富二代、人夫及同圈藝人,成為馬明女友成功洗底後,仍然死性不改同人夫許志安在車上偷食斷正,上演情慾真人騷令形象盡毁,上周二(4月16日),爆出「安心偷食」片,為挽事業與婚姻,許志安極速開記招爆喊懺悔認衰,以 「我係一個壞咗嘅人」求原諒,不過勾人夫搞出禍的姣心穎至今一直潛水,為自保更關閉IG留言系統,連累家人被洗版攻擊,家人慘為佢無辜蒙羞。據知情者透露:「喺偷食片曝光之前,心穎一早收到風知道出咗事,怕畀人鬧爆佢仲早兩日閂埋IG留言系統,點知就係咁連累埋屋企人同身邊朋 友,IG畀人洗版攻擊,佢三個家姐心美、心妙同心慧全部遭殃,最慘係佢做中醫嘅阿爸,個女啲淫行畀全世界睇到晒,老人家畀街坊問起好冇面,已經冇眼睇,就連以前同佢玩埋嗰班好姊妹,好似靚湯(湯洛雯)、莊思明同高海寧,全部怕畀佢連累劃清界線,費事畀人當佢哋係同類人,唔想同佢再有任何瓜葛!」





馬國明大愛護航

不過,女友偷食曝光震驚全城,同心穎拍拖三年一直被對方利用上位 的馬國明,飽受情傷依然為女友護航,近日忙於趕拍《降魔的2.0 》,被追 訪的他開腔護女友,坦言知道事件後,好快冇嬲嘅感覺,反而係變成擔 心:「我擔心牽涉到呢件事嘅所有人,任何一個受到傷害我都唔希望,我可 以代表佢講少少嘢,我知佢都知道自己做錯,好想出嚟同大家講,但公司 驚佢(心穎)情緒唔穩定講錯嘢,所以冇畀佢出嚟,佢仲好年輕,未來仲有 好長嘅路要走,希望大家畀啲空間佢!」



安仔做Wallpaper

出事前心穎一個 人行街,繼續一身名 牌外,本刊更發現,當日她的手機wallpaper竟然是用安仔上年10月與她在 《星光熠熠耀保良》合唱的台上相,偷食人夫非常出面。



拖手合唱傳情

成功勾掂人夫許志安,有指兩人暗交兩 年,上年10月,發歌星夢的黃心穎更黐實安仔在《星光熠熠耀保良》合唱。

死撐醉酒出軌

工於心計的黃心穎見馬明易氹亦伺機再利用,據知在偷食爆煲後,心穎怕事業 一鋪玩完,情緒雖然低落,但仍想盡辦法博翻身,據知情者透露:「呢個時候,心穎 知道唯一可以救到佢嘅人,就係形象超好嘅馬明,好似安仔有Sammi發文表示原 諒,件事都平息唔少,佢亦好想馬明可以出聲話原諒佢,如果可以同馬明好番,對 佢點都有啲幫助,呢幾日,佢就瘋狂短訊加埋狂打電話向馬明求饒扮可憐,話自己 嗰日飲大咗斷晒片,搞到出事真係好驚好內疚,話自己好唔捨得放棄呢三年情,求 馬明原諒,佢表現得好激動,馬明亦好擔心,馬明對愛嘅女人自然有啲心軟,不過 身邊班朋友,個個都勸馬明唔好再畀人利用!希望佢識諗」



冇向Sammi道歉

黃心穎寫的百幾字道歉文章,未有向被她傷害最深的鄭秀文道歉。



連環電話乞憐

心穎爆偷食醜聞,馬明仍開腔維護女友,大方贏盡人心,被指係絕種好男人的他,姣心穎當然唔會放過繼續利用,近日她就以奪命追魂。

剪走全部戲份

入行六年,近年成為無綫力捧花旦,機會不斷的黃心穎,最終因搞天后老公令 事業一鋪清袋,東窗事發後,據知無綫高層樂易玲對事件嬲到震,即時將心穎所有 工作停晒,全部換人取替,除咗劇集《堅離地愛堅離地》、主唱的《愛回家》主題曲被 抽,有份拍攝的《法證先鋒4》戲份亦凍過水。據知情者透露:「樂小姐之前婚姻出問 題,所以最憎小三搞人夫,鬧咗心穎幾粒鐘,要自己承擔責任,本來心穎想出嚟開 記招道歉,但樂小姐顧全大局,覺得家陣風頭火勢,出嚟講乜都死,唔想搞大件事 再節外生枝,仲講明絕不姑息,決定無限期雪佢,未出街嗰幾個劇隨時變倉底,唯 一係《法證先鋒4》係今年台慶重頭劇,唔想畀佢拖累,公司講明剪得就剪,唔得嘅 就補拍,其實,公司仲幫心穎settle緊幾個廣告,因為合約定明,如果藝人形象影響 到產品,就要賠償客戶損失, 安心事件令全城震怒,客戶好不滿,TVB都驚要賠 錢,同啲客拉鋸緊希望可以搵其他藝人補飛,減低損失!」



《法證先鋒4》被安排為今年台慶劇,公司已下令將心穎戲份 全部剪走並會安排補拍。

原本緊接《鐵探》推出的《堅離地愛堅離地》被抽起,改播楊 明高海寧主演的劇集頂上。



黎諾懿主持的特備節目 《懿想得到》,有傳亦要搵另一嘉賓頂心穎重拍。

姣車婉婉老公

以往靠糖衣包裝扮純情,人前人後一個樣的黃心穎,淫行敗露再被揭 食仔無數,早前扮同家姐繼續同住的她,其實一早搬隔籬屋做私竇方便偷 食,近日再有鄰居爆料,指她曾帶一電台主持及結他手回家短敍,原來上 年和她一齊拍劇集《牛下女高音》的車婉婉亦不值其所為。據知情者透 露:「佢同婉婉一齊拍劇嗰陣,又係一味靠黐,成日黐住人哋吃喝玩 樂,無耐同婉婉玩熟咗,有一次婉婉約佢同幾個朋友飯敍,嗰日婉婉帶埋 老公出嚟,心穎對待男女明顯有別,呢啲嘢女人最敏感,婉婉feel到唔對 路,之後冇再見佢哋有往來!」



姣到出汁的黃心穎,同車婉婉合拍《牛下女高音》乘機埋堆,但姣婆本性難移,有傳她曾在飯局上出招姣婉婉老公,令人妻火滾同佢反面。



Sammi求牧師解困

今次「安心偷食」爆煲,姣心穎用火熱姣功生擒人夫,令許志安鄭秀文 五年婚姻經歷最大危機,不過黃心穎事敗後發文道歉,竟未有半句對被她 傷害最深的Sammi道歉,被網民鬧爆誠意欠奉。其實許志安出軌,對鄭秀 文確實打擊極大,更一度情緒崩潰爆喊收埋自己,最後要搵牧師開解才釋 懷。據知情者透露:「Sammi信主之後,個人已經冇咁執著,不過,老公出 軌嘅打擊真係好大,佢原本對安仔超級信任,最初都接受唔到,匿埋係咁 喊,冇辦法之下佢搵牧師開解,最後靠信仰先走出困局,佢冷靜落嚟,開 始接受同面對,明白冇嘢係解決唔到,終於放下心結原諒老公!」 出軌許志安痛定思痛改過,好男人馬明真係要當機立斷遠離邪花,未來還有好長嘅路要走,唔好再令愛佢嘅阿媽擔心!



曾患抑鬱靠信仰走出陰霾的 Sammi,今次受老公 出軌打擊極大,一度崩 潰爆喊收埋自己,更要搵牧師解困,才得以釋懷!

大讚馬明好男人

樂易玲日前出席坤哥演唱會,就承認停晒心穎工作,她更大讚馬明係絕種好男人。

樂易玲(左一)、馮盈盈(右一)、麥明詩(右二)等齊睇騷。



姊妹離棄

人前人後兩個樣的黃心穎,偷食片令人神憤怒,一班昔日好姊妹怕被牽連,火速同佢劃清界線。



黃心穎憔悴 避走洛杉磯

今日有傳媒在美國洛杉磯機場捕獲黃心穎,記者不停上前問黃心穎「今趟來美國是否避世?」、「有沒有跟Sammi鄭秀文和馬國明道歉?」、「跟馬明是甚麼關係?」等等,但黃心穎全程只是低著頭,沒有回應記者任何問題。



然而,只帶幾件行李的姣心穎與朋友本想到機場上層坐Uber,但因等得太久,結果心穎跟友人說「坐Taxi」。之後,記者再上前追問,而心穎只看手機避開追問,反則同行女友人說:「佢唔會講嘢㗎喇。」



一人累全家

「安心偷食」片令黃心穎姣相無所 遁形,全城圍插狐狸精,不過東 窗事發,黃心穎卻只顧自己,一 早關閉 lG 留言系統,連累家人 lG 被網民洗版式炸爆,父母亦因女兒行為蒙羞,相當無辜。

自稱壞咗嘅人

爆出車廂偷食醜聞,許志安極速開記招公 開認錯,承認因飲醉起色心,犯下無法彌 補過錯,更形容自己係一個壞咗嘅人,喊 爆認衰指對唔住Sammi。



發文原諒老公

除咗公開道歉,有指安仔亦向老婆Sammi 跪地懺悔,承諾唔會再犯錯,終獲虔誠教 徒Sammi原諒,Sammi發文表示,「不放棄 自己,不放棄對方,一起糾正,一起提 點!」將老公犯錯,視為夫妻同上重要一 課,以大愛包容老公。

正印小三連環慶生

成功勾人夫,姣心穎早就融入安仔 朋友圈, 今年4月3日,疑似是偷 食出事當日,她便聯同安仔為從事 保險業的安仔老死阿 Ken 慶祝生 日,偷食肆無忌憚!



不過,最諷刺係事發前兩日,安仔同老婆 Sammi ,亦有一齊為亞 Ken 慶生。



分享婚姻之道

鄭秀文許志安幾經離合愛情長跑近卅年,婚後一直非 常恩愛,相信連 Sammi 都始料不及被安仔背叛,之前 她就上載出席許氏家族的喜宴相,首次「被斟茶」的 她有感而發。「婚姻來得不易,每一對 couples 都務必 珍惜和努力守護, Mi 一直認為婚姻本身不提供愛,是 彼此之間的愛滋潤著婚姻!」










鍾意就快D Share啦!
Related Posts Plugin for WordPress, Blogger...