森美為咗唔想影響家人，所以有必要出嚟澄清。
藝人森美被傳是黃心穎帶返香閨的電台男主持，繼日前作出澄清後，森美出席公開活動再被問及此事，他坦言因事件深受困擾：「我點諗唔重要，做這行預咗，但屋企人緊要，太太信我嘅，不過佢啲朋友都有問，個女又細，我都好擔心會影響到佢哋，所以先要澄清，以後唔再評論喇。（有同心穎聯絡？）同佢家姐心美就有，大家工作上有接觸，發生咗事心美有傳短訊同我講唔好意思，我就叫佢好好照顧當事人，總之畀啲空間佢哋，而我只關心自己嘅屋企人，作為男人要保護佢哋。（今日澄清咗唔係你，又傳電台男主持其實係劉翁。）鬆咗一口氣，見到太太笑容多咗。（覺得自己食死貓？）有咁諗過呀，咁我係公眾人物，啲提示又似講緊我，不過最緊要身邊人明白啫。將心比己，我都明白佢（劉翁）嘅心情，所以唔評論喇。」
談到於節目向太太示愛，森美表示：「（誤傳）消息都係太太傳畀我嘅，我明白佢都好大壓力，佢係最關心我嘅人，成件事最擔心嘅人係佢。
來源 source: http://hk.on.cc
|
鍾意就快D Share啦！
|
|
|