掃呢頁CODE去手機

2019年4月5日 星期五

【娛樂人物】頂硬上拍家計會廣告「順叔」陳泉廣播道交通巨子 __,

「順叔」陳泉日前接受《蘋果》訪問,談到當年他旗下的貨車王國,最高峯可以泊滿整個廣播道。
「順叔」陳泉日前接受《蘋果》訪問,談到當年他旗下的貨車王國,最高峯可以泊滿整個廣播道。80年代經典處境劇《香港81》系列,曾一度以1,330集成為香港 ...


80年代經典處境劇《香港81》系列,曾一度以1,330集成為香港集數最多的劇集,陪伴香港人成長。由陳泉飾演的「順叔」真身原來是一名「全通車」(昔日外景客貨車)的老闆,他由接載藝人出入,自己卻成為藝人,當年更頂硬上為家計會拍「兩個就夠晒數」廣告,誤打誤撞下成為經典人物。

相關新聞:義載佳視員工上街

提起處境劇《香港81》系列,不少觀眾肯定記得「懋叔」黃新和「順嫂」梁葆貞,不過,香港人最熟悉的「順叔」,應該是在1975年家計會「兩個就夠晒數」的宣傳短片,片中滿頭大汗撐住一家大細的陳泉,吃力地划着超載小艇,無奈舉起兩隻手指回望,幕幕都是香港人的集體回憶。



陳泉提起當年拍家計會廣告,他笑說只是頂硬上,根本不懂得划艇。電視截圖 陳泉提起當年拍家計會廣告,他笑說只是頂硬上,根本不懂得划艇。電視截圖
泉叔當年搬到廣播道金翠苑居住,並買下一整層停車場。

泉叔當年搬到廣播道金翠苑居住,並買下一整層停車場。

員工逾200人

移民多倫多30多年的泉叔早前返港探親,並接受《蘋果》訪問,提起當年這個經典廣告,泉叔笑說只是頂硬上:「我幫手搵臨記,個導演拍嚟拍去都唔滿意,我望吓個鐘,日落啦,冇得拍啦,我同班臨記講:『起身起身,我嚟。』嗰度喺沙田畫舫附近,嗰啲水臭到不得了,如果沉咗船就臭死㗎喇,我好驚,好苦,我唔識扒艇,隻艇咪氹氹轉唔會走出電視鏡(鏡頭)囉,點知個導演反而話咁就啱喇。」

其實在80年代,泉叔經常在無綫劇集客串,但他真正身份其實是全通車的老闆,租車予無綫、麗的(亞視前身)、佳視、香港電台及電影公司外景攝製隊,全盛時期,泉叔包下整個五台山(廣播道)租車服務,擁有170部全通車,員工逾200人,廣播道曾被行內人喻為「陳泉道」,行內人甚至封泉叔為「廣播道交通巨子」。85歲的泉叔受訪當日回到他成名的廣播道,謙虛地說:「我啲車如果泊晒出嚟,成條廣播道都唔夠泊咁滯,所以啲人就成日笑我之嘛,好唔好意思。」

泉叔的故事由一部客貨車開始,「我本身有車,有啲街坊夜晚要生細路或者有啲乜嘢事,就走嚟撳鐘搵我,有個女仔咁啱去電視台表演,佢媽媽唔放心,要我送佢個女去電視台,又送又接,見到啲人慢慢熟咗。電視台後尾發展《歡樂家庭》,四周圍搵嘢拍,我將佢哋介紹去電視台訪問,大家互惠互利嘅時候,我慢慢就同電視台熟咗。」

無綫電視劇70年代開始拍外景,對全通車需求量大大增加。泉叔說:「初初無綫冇外景,我由一部車做起,同佢哋共同發展,大家越行越大。佢哋唔係冇車,係唔夠車。」泉叔開全通車公司租車及提供司機給無綫,他身為老闆也愛親力親為車出車入,由於泉叔閒時愛揸車捐窿捐罅,無綫劇集找外景場地,總會找泉叔幫忙搵景借場,最重要是泉叔從不斤斤計較,無綫上上下下自然當泉叔「神咁拜」。

相關新聞:接送肥姐成莫逆



由陳泉飾演的「順叔」是《香港82》新加入的角色。劇照

由陳泉飾演的「順叔」是《香港82》新加入的角色。劇照
陳泉在《家變》中跟嚴秋華演父子。

陳泉在《家變》中跟嚴秋華演父子。
泉叔本有三子女,可惜細仔(右一)數年前在深圳遇車禍身亡,而泉嬸於兩年多前離世。

泉叔本有三子女,可惜細仔(右一)數年前在深圳遇車禍身亡,而泉嬸於兩年多前離世。

珍姐力邀拍劇

打理全通車公司已經夠忙,何以仍抽時間客串幕前?泉叔笑說:「電視台有時欠個人就做唔到,我咪做埋囉。」講到接演《香港82》順叔角色,泉叔解釋:「我同曾勵珍講,個順叔成日唔見嘅?佢話:『我正想搵你呀。』因為個角色係行船,我咪兼住嚟做囉,我又唔志在靠藝員份人工生活。」

提到昔日事情滔滔不絕的泉叔,講到家人時突然變得傷感。原來,泉叔43歲細仔數年前在深圳遇上車禍身亡,泉叔忍不住落淚說:「唔知點講,唔樂觀都唔得啦,事實冇人可以改變。」泉叔移民多倫多30多年以來,每年總會返港探朋友。只是,一個個老友總比他早一步離開,「以前返嚟探朋友,𠵱家就係送朋友,所以見得幾多得幾多」




鍾意就快D Share啦!