掃呢頁CODE去手機

2019年4月28日 星期日

【千萬豪宅當公屋咁住?】文雋同強國妻將底衫褲掛出豪宅窗外 遭大廈法團投訴有礙觀瞻 __,中國,強國,文雋,

曾經係舒淇同楊恭如經理人,喺電影界屬資深前輩,參予過《古惑仔》、《風雲》及《小男人週記》等嘅文雋,佢同陳曉東前經理人羅嘉慧離婚後,已屆六十嘅佢,十幾年 ...




曾經係舒淇同楊恭如經理人,喺電影界屬資深前輩,參予過《古惑仔》、《風雲》及《小男人週記》等嘅文雋,佢同陳曉東前經理人羅嘉慧離婚後,已屆六十嘅佢,十幾年前再娶咗個強國嫩妻,生咗兩個女一個仔。去年佢一家連同外母六口,搬入九龍塘劍橋道,市值千萬嘅豪宅單位。

近日有讀者爆料話,指去年文雋一家六口以租戶搬入九龍塘花園後,就令屋苑充滿「生氣」!讀者指有啲業主不滿文雋,單位明明有天井位俾住戶涼衫,但佢一家偏偏將九龍塘市值千萬嘅豪宅,當屋邨咁住,喺面向大街嘅窗台涼衫,喺面向大街嘅窗台,將衫褲同埋好colourful嘅底衫褲,掛出窗外涼掛,好有紅旗掛帥嘅「感覺」,又難怪被指影響高尚住宅嘅外觀。屋苑嘅業主立案法團喺今年二月,曾經透過管理處勸籲文雋合作,甚至喺大廈貼出通告,但讀者話文雋接到投訴之後,不久由故態復萌。

報料讀者亦提供呢個屋苑嘅公契,其中一項列出,住戶唔准喺外牆及沿住外牆沿掛任何嘢。

呢日壹仔亦去過九龍塘呢個屋苑,亦睇到文雋嘅單位,發現情況有改善。衣服及內衣褲掛回屋內嘅窗邊位置涼曬!不過與佢同一座向嘅鄰居,都無喺窗台涼衫,所以文雋嘅單位,依然係屋苑中最耀眼。讀者稱,之後要出動到文雋單位個業主出聲,呢個豪宅涼衫嘅奇景先收歛。

雖然大家標準唔一致,無絕對啱同錯,不過業主立案法團出動到通告勸籲,就睇得出佢嘅鄰里關係似乎麻麻。就呢件事,我地向文雋了解,佢好平靜咁話:「我覺得唔應該有呢啲事發生(投訴),第一就係我哋工人夜晚掛出去,日間就收衫,依家都冇咁做,呢啲係小題大做,但我就覺得,我係男人我就唔理呢啲嘢。」

不過上月尾去現場所見,日間十點左右,文雋單位啲衫依然涼喺窗台。至於佢同鄰居嘅關係,佢就咁講小題大做。「我唔知咩人做呢樣嘢,我不願置評,不過我就住得幾好嘅,左鄰右里都相處得不錯的,所以我no comment。」返家求安舒,希望文雋同鄰里可以互相忍讓,關係保持和諧


鍾意就快D Share啦!