2019年4月12日 星期五

成名前拍過《卡拉屋企》!袁文傑演餐廳經理 古巨基扮茶客 __,《卡拉屋企》,古巨基,袁文傑,

卡拉屋企
成名前拍過《卡拉屋企》!袁文傑演餐廳經理古巨基扮茶客最近無綫每日凌晨在翡翠台重九十年代經典處境喜劇《卡拉屋企》,播出至今兩星期有唔少網民大讚翻看依然好 ...


成名前拍過《卡拉屋企》!袁文傑演餐廳經理 古巨基扮茶客



最近無綫每日凌晨在翡翠台重九十年代經典處境喜劇《卡拉屋企》,播出至今兩星期有唔少網民大讚翻看依然好笑對白冇過時,好吸引咁話!全劇主要故事圍繞楚原、李婉華、黎海珊、盧宛茵、吳鎮宇、秦煌、鄭敬基呢一家人,但原來都有唔少依家嘅紅星當年曾參演過呢齣劇,而日前播出的其中兩集,就見到古巨基同佢嘅藝訓班同學袁文傑,夠晒驚喜!





撰文:東方新地| 圖片:新傳媒圖片

古巨基 袁文傑現身《卡拉屋企》

《卡拉屋企》全劇共227集,故事圍繞黃氏一家發生,但細心睇大家會發現不少紅星都有份參演,早前播出第13集有古巨基現身,第20集大家仲見到基仔嘅藝訓班同學袁文傑﹗

主題曲一開頭「喂!夠鐘喇!睇電視!睇吓今集講乜先,講乜先?」大人細路都識唱!





古巨基 演茶客

當時雖然古巨基正在修讀藝員訓練班,但有機會作幕前演出,他在第13集《卡拉屋企》飾演茶客!這一集講到黃菲(黎海珊飾)被「白頭佬」(楚原飾)等人嘲笑冇男友,佢情急下訛稱有男友,眾人信以為真,消息傳遍警局,黃菲說謊說到底。



黃菲獨自到茶樓用餐時被白頭佬同肥媽(盧宛茵飾)撞破,黃菲就走到茶客(古巨基飾)邊避難,基仔見佢又攬又挨就話:「啋!小姐我唔識你㗎!你想非禮我啊?」有三句對白㗎!

古巨基於1990年無綫電視藝員訓練班第四期藝員進修班,同期的還有袁文傑。基仔畢業後簽約無綫,除了為《娛樂新聞眼》及《勁歌金曲》擔任主持,亦有參與拍劇,94年《笑看風雲》中飾演鄭伊健細佬成代表作!



基仔在92年《壹號皇庭》中扮演卡拉OK歌手,直至1994年加入樂壇後,基仔憑其唱功成功彈起,更曾於2008至2011年度《十大勁歌金曲頒獎典禮》連續四屆奪得「最受歡迎男歌星」。



而播出第20集主題係「暖暖平安夜」,就有袁文傑扮餐廳經理,故事講到白頭佬(楚原飾)同老婆肥媽(盧宛茵飾)冇訂位到餐廳食平安夜大餐!



之後經理袁文傑走到白頭佬面前問︰「先生,有冇訂位呢?」、「你哋兩位呀?唔好意思,依家冇晒位,不如我同你哋留番個位先吖?貴姓呀,請問…」

呢位高大靚仔嘅經理,原來係袁文傑﹗



「黃生呀嘛,不如你哋遲半個鐘頭再嚟過,係呀,橫掂今日啲燈飾咁靚,不如去欣賞下先」對白多又有唔少大特寫。



有片睇:

袁文傑接受傳媒訪問表示,當年訓練班畢業後,再回TVB以特約演員身份拍嘅戲!

《家有喜事》中「家明表哥」是「婉君表妹」(毛舜筠飾演)的初戀情人,但「家明表哥」當時只以背影示人,其實「家明表哥」正由袁文傑飾演。



同場加映:

袁文傑打的冇帶錢 的哥好心唔收錢

袁文傑日前在社交網站發圖文,分享遇到好人的士司機。他指因為趕時間打的,上車後與司機談天談得起勁,但到達目的地後卻發現冇錢喺身。雖然司機提出唔收佢錢,但佢覺得的士錢係佢工作賺的血汗錢,唔可以算,於是佢問司機可否留下聯絡方式,待他完成工作後再付車費。



袁文傑亦守信用,工作完後致電司機相約對方再去另一個目的地,一次過付回所有車資。第二次車程中,司機更指他媽媽一直有看袁文傑的演出及大讚他,令袁文傑非常感慨:「我真的很感激伯母,這麼支持着我們,無論是以前自己效力過的和現在的電視台,知道伯母也90多歳了,身體仍很健康,因為很多年前已堅持每日做運動,真係好呀~」










鍾意就快D Share啦!
Related Posts Plugin for WordPress, Blogger...