掃呢頁CODE去手機

2019年4月13日 星期六

【單拖食飯好dry】王喜任奇妙電視創作總監 用兩部電話輪流落柯打| 奇妙電視,娛樂,王喜

王喜一丁友搭枱食飯,食完就坐喺度撳電話hea時間,睇落好dry好寂寞喎!佢而家貴為電視台高層,喺奇妙電視做創作總監,同事間自然有啲距離㗎喇。何況,據聞 ...




王喜一丁友搭枱食飯,食完就坐喺度撳電話hea時間,睇落好dry好寂寞喎!佢而家貴為電視台高層,喺奇妙電視做創作總監,同事間自然有啲距離㗎喇。何況,據聞佢份人比較直腸直肚,講嘢唔識轉彎抹角,真係唔係人人鍾意聽㗎嘛!唔係亂吹,而係佢老友陳志雲講嘅:「不過王喜嘅長處亦係咁樣,佢嘅長處就係唔會因為你係佢嘅朋友,因為有啲說話覺得你唔啱聽,佢就唔講,其實我亦都好喜歡朋友係咁樣。」

正所謂崩口人忌崩口碗,王喜未出道仲係做緊警察,喺商台兼職開咪時,已經因為講啲好出位嘅嘢,令商台被罰款。之後入到TVB,對住上司陳志雲,佢把口一樣唔客氣,陳志雲舉個例:「好簡單,我出咗一輯新廣告,當然會喺群組俾大家睇啦,

你估佢俾咩意見?佢話:『我覺得個廣告拍到你老態龍鍾。』

我睇完之後,如果唔係咁熟嘅話隨時會扯火,你知我最唔鍾意就係人哋話我老態龍鍾。即係崩口人忌崩口碗,使唔使坦白到咁吖?縱然我係老態龍鍾。

各位,如果你哋有咩禁忌同人相處,千祈唔好做呢件事,

王喜係一個好好嘅反面教材。」

王喜以前做演員對住上司講嘢都咁直接,而家係高層應該都有唔少意見畀返啲細,如果一齊lunch,自然有壓力。所以,王喜單拖食飯唔出奇,之後又去行咗陣超市,期間仲兩部電話一齊用,係咁whatsapp錄音,做高層真係唔容易。


鍾意就快D Share啦!