掃呢頁CODE去手機

2019年4月4日 星期四

英超Fever:曼聯夏天清八件!未來隊長肯定走人 __,曼聯,

(互聯網)隨住熱刺、車路士同阿仙奴今輪贏波,不敵狼隊嘅曼聯慘跌到英超第6,賽後話球隊「踢得唔錯」嘅紅魔鬼新領隊蘇斯克查,無論本季爭唔爭到前4,今夏都會 ...


(互聯網)


隨住熱刺、車路士同阿仙奴今輪贏波,不敵狼隊嘅曼聯慘跌到英超第6,賽後話球隊「踢得唔錯」嘅紅魔鬼新領隊蘇斯克查,無論本季爭唔爭到前4,今夏都會為球隊換血,仲要係大規模嗰隻。英媒《鏡報》透露,將於8名球員好快「脫魔」,當中包括「最大瘀血」阿歷斯山齊士,僅嚟一季嘅巴西中場費特洛迪古斯,同埋魔迷寵兒安達靴里拉。

曼聯換血事在必行,蘇斯克查決心創建心目中最強曼聯,將一改以往「三出三入」慣例,大量清走唔啱用嘅球員,其中路爾斯華倫西亞、馬高斯盧祖、達美安肯定離隊,桑馬達將轉會巴塞隆拿,安達靴里拉亦會以自由身離開。此外中堅艾歷拜利、阿歷斯山齊士同費特洛迪古斯都冇得留低。

以上咁多球員,相信魔粉最唔捨得靴里拉。呢位每次落場都瞓身演出嘅西班牙中場,一直好得曼聯球迷歡心,唔少Fans都好想佢做曼聯隊長,不過佢份約季尾就完,依家已有大量球會向佢招手。西班牙足球專家Guillem Balague剛表示:「依家靴里拉嘅情況好有趣。有好多球會想簽靴里拉,但我好肯定,佢會轉會巴黎聖日耳門。」靴里拉於14年加盟曼聯後,共上陣130場英超賽事。




來源 source: http://hk.on.cc
鍾意就快D Share啦!