網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年4月8日 星期一

【約四太high tea打發時間】與細49年CoCo分手後 謝賢生活乏味:一個人住望海豪宅好枯燥 __,四太,梁安琪,謝賢,

拉姑身邊有個結婚近廿年都仲係好sweet嘅鬍鬚Kong,咁前夫謝賢呢?自從同CoCo散咗之後,佢開始有啲孤伶伶,好多時都只能夠約四太一班人highte ...




拉姑身邊有個結婚近廿年都仲係好sweet嘅鬍鬚Kong,咁前夫謝賢呢?自從同CoCo散咗之後,佢開始有啲孤伶伶,好多時都只能夠約四太一班人high tea吹水,然後就沒有然後。

現年82歲嘅四哥,本來有個細佢49年嘅女友CoCo。因為年齡差距嘅關係,當時外界並唔睇好二人,但佢哋愛得甜蜜,成日孖公仔放閃,四哥更強調「從未遇過一個女仔同我咁夾」,甚至喺2008年參加《舞林大會》時發表愛的宣言:「這是我最後一段感情,我想好好保存。」

對於四哥嘅愛,CoCo亦曾作出回應:「和他在一起很幸福,他是個很紳士的男人,對我很呵護,但被追訪的壓力也很大!」四哥嘅呵護,除咗衣食豐足,仲資助埋女方去英國進修。所以,當四哥早年自爆同CoCo結束十多年情時,外界都打咗個突,但既然佢都講到明「唔想害人,佢太年輕了」,換言之就係祝福對方可以搵到好歸宿,畢竟四哥揚言過唔會再婚。

回復單身後,四哥抱怨過「一個人住大屋,起身望住個海,飯又一個人食,枯燥!」唔想生活再枯燥落去,四哥都多咗約四太等一班朋友見面high tea,有人陪吹水四哥都有返笑容。不過日日high tea都唔係辦法,佢都會選擇去行下山,82歲嚟講,有氣有力算好好體魄㗎喇,但無咗個伴,始終寂寞咗啲囉。


鍾意就快D Share啦!