2019年4月9日 星期二

玩IG唔係後生仔專利!盤點10個娛圈阿姐大哥IG! __,汪明荃,阿姐,

IG
玩IG唔係後生仔專利!盤點10個娛圈阿姐大哥IG!依家唔少藝人都鍾意玩吓社交平台同粉絲朋友交流,但邊個話玩Instagram係後生仔嘅專利?好似現年6 ...


玩IG唔係後生仔專利!盤點10個娛圈阿姐大哥IG!



依家唔少藝人都鍾意玩吓社交平台同粉絲朋友交流,但邊個話玩Instagram係後生仔嘅專利?好似現年63歲嘅無綫綠葉王陳榮峻日前就開咗IG,而以下呢幾位娛圈阿姐、大哥級人馬,位位都年過六十,但玩起IG上嚟隨時仲活躍過你同我啊!一齊嚟睇吓有邊幾位

撰文:東方新地 | 圖片:Instagram、微博、新傳媒圖片、電視截圖





陳榮峻潮開IG

TVB處境劇《愛‧回家之開心速遞》上月28日播出一集,有「根叔」劉丹、「大龍生」羅樂林、「豹叔」黎彼得和「譚道德」陳榮峻,組成最強男團「大四喜」參加《香港齊Hip Hop》比賽,四位長者潮爆Rap歌,一開腔就唱「Hey乜嘢叫做IG我哋唔知,我哋淨係知,企上台我哋可以~」,劇集出街後火速成為網上熱話,當中飾演「譚道德」、現年63歲嘅陳榮峻日前更加開咗IG,邊個話玩Instagram係後生仔嘅專利㗎!





一班實力派演員包括75歲「熊樹根」劉丹、70歲「龍敢威」羅樂林、63歲「譚道德」陳榮峻,加埋68歲的「馬豹」黎彼得組成「大四喜」,四位老友記加埋近280歲,佢哋以Hip Hop裝扮組成「大四喜」,出戰電視台《香港齊Hip Hop》。

劇情提到大會改制,需要即興Rap出以IG為題的歌,喺「大四喜」中較為年輕63歲嘅「譚道德」陳榮峻就向其他三位成員講解乜嘢係IG,但講完佢哋似番都係一竅不通!



最終臨場打天才波,丹爺打頭陣Rap出「Hey!乜嘢叫做IG我哋唔知,我哋淨係知,企喺台上我哋可以⋯」三位成員輪流Rap,Rap起來有板有眼,一身Hip Hop打扮加生動演繹,片段出街後隨即在網上瘋傳!網民大讚他們Rap得出色,仲紛紛力撐佢哋組成男團。



日前「送水輝」許家傑在IG上載與「譚道德」合照仲宣布佢開IG:「譚校長終於知咩嘢係IG #快啲follow啦 #最奄悶大獎 #愛回家之開心速遞 #譚道德」63歲陳榮峻表示之前真係唔知IG係乜,但拍完嗰集後就知,大家不妨Follow「譚校長」嘅IG

陳榮峻

陳榮峻IG出咗兩個post,都係宣傳《開心速遞》!

陳榮峻

早前「大四喜」Rap歌嗰一集真係好笑,估唔到陳榮峻冇耐開埋IG!



陳榮峻

左起「豹叔」黎彼得、「譚道德」陳榮峻、「大龍生」羅樂林、「根叔」劉丹!



2.汪明荃(71歲)

玩社交網唔係年輕人專利,已經70+1的汪阿姐汪明荃去年底都開咗IG帳戶,阿姐出名工作勤力,估唔到連玩IG出post都勤力過人,當日開賬戶短短41日已經出咗58個post,分享大量靚相及生活照,粉絲們一定好滿意IG功能多多,但就唔係每個人都可以靈活運用,不如學吓以下阿姐呢個新玩法

阿姐

阿姐IG當然見到家英哥



自創潮爆Tag人方法

汪明荃身為行內老前輩,玩IG都同其他人與別不同,阿姐唔係用平時IG內置的Tag功能,而係手寫Tag人,直接喺張相上揮筆寫大家個名!藝人如朱咪咪、區瑞強、蔡康年等大家都識啦,不過一班高官總理大家就未必熟悉,所以阿姐細心地寫埋頭銜,真係高招!

阿姐

Tag人其實可以咁樣Tag㗎!



陸浩明麥明詩都跟風!

眼見阿姐開創新潮流,一樣夠樣的《#後生仔傾吓偈》主持陸浩明及麥明詩馬上跟風,喺合照中手寫Tag人,麥明詩留言:「台慶綵排,Liza姐教我哋tag相新方法 係愛嘅tag法!」



3. 李司棋 (68歲)

要講起玩IG嘅阿姐,第一個就梗係要諗起熱愛自拍嘅香港公主司棋姐由上年開設個人IG起,現今已有逾百個Post同13.6K粉絲,仲有唔少藝人Follow,就算要同啲KOL比都真係不容忽視!



「黑絲棋」

司棋姐IG入面最令人驚豔的莫過於佢嘅黑絲靚相!其中一張見到司棋姐黑絲配花花鞋,擺番個靚甫士;另一張就係佢全紅打扮配黑絲,仲識學時下年輕人擺番個「扮長腿」的甫士,佢都留言話自己係個「酒紅色女子」!李司棋化身為「黑絲棋」!



還是大家比較喜歡魚網襪?

各國風格輕鬆Carry

除咗「黑絲系列」,潮爆嘅司棋姐都輕鬆Carry到各國風格嘅服飾!呢套西班牙佛蘭明歌風格嘅紅花黑裙簡直一絕,仲有司棋姐大愛嘅黑絲添!







View this post on Instagram




flamenco的感覺💃🏻

A post shared byLouise Lee 李司棋(@leeszekee) on



司棋姐化身聖誕女郎都十分煞食。

之後又見到司棋姐著起和服、set好個靚頭成個日本妹咁,捧起碗沙律賣萌,表情真係一絕!



一代「眼鏡娘」

司棋姐多年來都以眼鏡造型亮相,配合不同角色和場合更會換上不同眼鏡款式,絕對是眼鏡發燒友,無人能敵。不知道司棋姐家裡有多少眼鏡珍藏?!



其實司棋姐嘅取材同一般時下KOL真係冇咩分別⋯⋯



4. 鄭裕玲 (61歲)

DoDo姐一向以優雅大方嘅談吐儀態著稱,但近年分別都同過農夫、I Love You Boyz一齊主持電視同電台節目,形象變得鮮明貼地唔少,最近亦常常用IG同粉絲互動,粉絲人數達185.9K!



5. 肥媽Maria Cordero (65歲)

肥媽作為「唱得」同「煮得」之人嘅形象深入民心,足跡遍及樂壇、食評、節目主持及影視界。近年仲收咗陸浩明(六號)做契仔,二人喺IG嘅互動都依然搞笑!



肥媽原來同阮兆祥都幾似樣⋯⋯

6.馬海倫 (71歲)

人稱「Helen姐」嘅馬海倫,原來閒時都有玩吓Instagram,上傳吓自拍咁㗎!之前睇完世界盃法國對克羅地亞嘅決賽,Helen姐仲上傳同足球嘅Selfie添,好跟得上潮流啊!



好羨幕啊!小編都好想可以喺俄羅斯睇決賽!!!!



著靚靚嘅話,梗係要分享吓造型照!!



7. 邵音音 (68歲)

由1970年代至今都活躍於電影圈嘅音音姐都有玩IG,音音姐間唔中都會分享返舊時嘅相片,等啲以前冇眼福嘅後生仔依家有機會睇返補數!



8. 薛家燕 (68歲)

原來「好姨」家燕姐,都有玩開IG㗎!睇返啲相,仲可以發現家燕姐用Apps嘅技能愈嚟愈好,除咗加吓字加吓圖框,最緊要係美肌吖嘛!!

家燕姐喺IG早期嘅照片,睇得出係比較無加工!



娛圈阿姐大哥

學識加節日圖框!

加字都係另一個選項!



最緊要美肌

當然唔少得晚裝照,但就家燕姐就收埋咗條事業線,真係好可惜啊!!!



Captain Nancy真係好玩得㗎,仲hashtag過自己做「登基燕」添!



9. 許紹雄 (70歲)

除咗一眾阿姐,千祈唔好睇少啲大哥!人稱Benz雄嘅許紹雄,多年嚟活躍於影視圈,自然為人熟識,更加有唔少圈中好友,IG都有成75.1K Followers㗎!



多年嚟,許紹雄都有一直支持黃子華嘅棟篤笑演出!



10. 夏雨 (73歲)

近年嚟,夏雨以無綫劇集《溏心風暴》系列中嘅演出最為人熟識,喺2008年嘅《萬千星輝頒獎典禮》更以劇集《溏心風暴之家好月圓》中甘泰祖(Jo鮑)一角勇奪視帝寶座。平時都會喺IG分享吓自己嘅日常生活,以小編嘅陋見,其實真係同一般阿叔無異,十分貼地。












鍾意就快D Share啦!
Related Posts Plugin for WordPress, Blogger...