網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年5月30日 星期四

蔡少芬:解11年心結!陳法蓉爆蔡少芬曾想推張晉畀人 __,張晉,蔡少芬,陳法蓉,

陳法蓉原來有件事放咗喺心入面11年!藝人蔡少芬同陳法蓉多年來喺圈中互相扶持,感情相當好,但原來佢哋之間有個收埋咗11年嘅心結!蔡少芬同老公張晉近日同張 ...


陳法蓉原來有件事放咗喺心入面11年!


藝人蔡少芬同陳法蓉多年來喺圈中互相扶持,感情相當好,但原來佢哋之間有個收埋咗11年嘅心結!蔡少芬同老公張晉近日同張媽媽一齊上內地綜藝節目《我最愛的女人們》,喺最新一期節目入面就邀請咗陳法蓉做嘉賓,盡訴心中情!

閨蜜嚟到梗係乜都講,陳法蓉就大爆當年蔡少芬一度想將張晉推介畀其他女仔,蔡少芬更興奮地直認不諱,令張晉聽到都好意外,仲睥一睥老婆,搞到蔡少芬即刻收番笑容!

陳法蓉又喺節目入面表示同蔡少芬識咗咁耐從來冇嗌過交,唯一一次衝突就係11年前喺蔡少芬結婚當日畀對方鬧爆,令陳法蓉耿耿於懷到依家,仲講到忍唔住喊!原來陳法蓉喺當日揸車載咗班好朋友去現場,引嚟大批記者,令想低調結婚嘅蔡少芬大發雷霆。陳法蓉當時因為唔想破壞好姊妹大好日子,所以就死忍繼續參加婚禮,點知一忍就忌咗11年!佢話因為係蔡少芬第一次咁大聲同自己講嘢,所以特別印象深刻。

見到姊妹委屈到喊,蔡少芬就解釋番當時因為同張晉結婚被指係「下嫁窮小子」,搞到佢壓力好大,所以非常唔希望婚禮被媒體打擾,所以見到有記者到咗現場,先忍唔住向陳法蓉發脾氣。




來源 source: http://hk.on.cc
鍾意就快D Share啦!