2019年5月12日 星期日

【陀孖仔190磅臥床半年】湯鎮業孖仔有個索媽咪 姜坤為仔女棄再婚念頭 __,湯鎮業,

(攝影、攝錄:陳俊強、馮嘉銘)
湯鎮業的一對24歲孖仔大孖湯君慈(Bruce)與細孖湯君耀(Chris)有一個索媽媽姜坤(Christy),姜坤曾參加亞姐,之後簽約亞視,但因發現為湯 ...


湯鎮業的一對24歲孖仔大孖湯君慈(Bruce)與細孖湯君耀(Chris)有一個索媽媽姜坤(Christy),姜坤曾參加亞姐,之後簽約亞視,但因發現為湯鎮業懷孕後就解約,做全職媽媽,生下大女湯愛嘉,之後就再生下孖仔,已48歲的她身形keep得甚苗條,保養得宜,絕對稱得上是索媽,與一對孖仔站在一起,完全似三姊弟,而兩兄弟更笑言與媽咪一齊,常被人誤會是姊弟,細孖Chris更笑指,曾與媽咪蹺住手出街驚被誤會是女友,而Christy亦講笑與小鮮肉拍拖。



Christy多年未有接受訪問,看她以「大寶寶」及「細寶寶」稱呼一對兒子,就知她視他們如珠如寶,拍攝時她自然地蹺實囝囝手臂、挨落囝囝膊頭、而Bruce及Chris應記者要求錫媽咪,他們亦絕不會如大男孩般怕羞,三母子感情十分親密自發。大細孖出世時間相差只差兩分鐘,她分辨大細孖當然無難度,自覺他們外貌上不太相似,亦未有試過認錯仔,她指大孖性格剛強一點,有主見一點似自己,而細孖性格似湯鎮業,比較隨意同小朋友。



原來她生這對寶貝仔的十月懷胎孕記過程相當辛苦,她分享這個難忘經歷時,大孖Bruce即笑言:「辛苦晒,媽咪,呢個故事聽過無數次,每年生日都聽一次,佢話我哋生日都係佢嘅生日,因為佢係好辛苦。」而在旁的Christy表示:「生家姐嗰時係正常,係140、150磅,生佢哋兩個嗰時係190磅,係誇張係好辛苦,體重多咗個double,佢哋兩個出世,細佬7磅13,大佬7磅8,兩個都好重,陀B過程要喺床瞓咗半年,唔敢落床。而家生完咁耐,腰都歪咗有問題,負荷太重,同埋食嘢都唔可以食太甜,會有痹痛感覺。」



捱過陀B時的辛苦,Christy表示之後湊小朋友的生活相對輕鬆:「生呢3個都好值得,生完佢哋之後,我唔覺得辛苦,享受同佢哋一齊嘅時候。」對於兒子的教導,她表示他們自小已好乖自律,不用她粗心,亦不用強迫。問到她若然兩個仔爭執會如何解決,她就分享了一個兩兄弟打波爭執的經歷:「佢哋好少喺面前嗌交,驚我會擔心,有一次好驚,細寶打畀我,喊住話個鼻不停流血,喺學校,我即刻接佢,原來係大寶打到佢流血。要去到醫院做手術,大寶嗰時好驚,懲罰佢陪細寶半夜做手術,已經唔需要鬧,大寶已經好內疚,我教育三個仔女方法,唔會特別鬧。」在旁的Bruce即表示:「我都嚇咗成晚,第二日買早餐畀細佬食。」



問到Christy覺得做媽咪最大犧牲是甚麼?她表示結束了婚姻後,已想好為了子女不會再婚:「我都離咗婚差唔多20年,我都好享受同佢哋三個嘅時間,所以為咗佢哋三個都唔會諗再結婚,再有自己家庭,呢個係我一早放棄咗嘅嘢。」在旁的孖仔都異口同聲都支持她再搵另一半,Bruce說:「其實我同細佬冇乜所謂,都想媽咪有個伴,最緊要媽咪開心。」Christy即笑他們:「而家佢哋話無所謂,都20幾歲,我唔想畀小朋友再有咁多,自己媽咪始終同爹哋唔同,媽咪同第二個男人有家庭生BB,對佢哋成長會唔係咁好,我自己都接受唔到呢樣嘢。」



Bruce與Chris對媽咪相當愛錫,笑言從來不會搗蛋整蠱對方,細孖Chris更爆料小時候愛扮女仔着裙氹媽咪,Christy表示:「其實我鍾意女多啲,佢有時着家姐啲公主裙,好得意跳芭蕾舞。」Christy外形比較柔弱,而兒子亦已長大,三母子愛互相制衡對方,譬如她計劃將三子女的名字紋身,兩個仔就反對,而細孖Chris想穿耳窿,她亦會反對,Chris表示:「15歲嘅時候一直想穿,不過驚媽咪唔畀,等咗幾年,18歲成年先穿,所以好尊重媽咪,但穿完之後,媽咪有買耳環畀我。」在孖仔心目中,媽咪是完美,問到將來搵女友會否以她為藍本,他們都表示:「最好啦,不過難搵,因為媽咪係好到絕晒種,要搵一個錫媽咪嘅女仔做女朋友,第時結咗婚,同媽咪一齊住,買隔籬單位。」



一對孖仔入行做演員,作為母親會支持,平時會幫他們剪報,而他們第一次主演的電影《大師兄》,她就至少睇了三次,Christy說:「第一次我估唔到係好好,大寶表現比我想像中好,我以為細佬會蠱惑啲,估唔到佢做得好好。做每一個行業都係,一定要努力,乜都係一個經歷,做就認真去做,仲後生可以多啲去試唔同嘅嘢,仲知係唔可以學壞,由細到大唔好學壞,要聽話,要乖啦,唔可以食煙、飲酒、吸毒,絕對唔可以,講粗口我都好反對男仔講粗口,佢哋知我底線喺邊度。」



《MCU寶石時軸全記錄》

1套6冊解構Marvel電影宇宙

入場睇Endgame前必讀天書!

https://hk.adai.ly/IFk7iee55V

-----------------------------

【記住63836568】全民爆相爆片!下一個爆料王就係你

https://bit.ly/2Guolu9

-----------------------------

星期一至五晚上10點半

《動腦Q》Let's Q the money!

http://bit.ly/2QW8LcI



大孖湯君慈(右)與細孖湯君耀是姜坤口中的大寶寶及細寶寶。 大孖湯君慈(右)與細孖湯君耀是姜坤口中的大寶寶及細寶寶。
姜坤站在一對仔中間,外型猶如三姊弟。

姜坤站在一對仔中間,外型猶如三姊弟。
 姜坤陀孖仔時,體重達190磅,現在相當苗條,保養得宜,絕對是索媽一族。

姜坤陀孖仔時,體重達190磅,現在相當苗條,保養得宜,絕對是索媽一族。
 大孖Bruce笑言將來同結婚,會同媽咪住。

大孖Bruce笑言將來同結婚,會同媽咪住。
 細孖Chris兒時為了氹媽咪開心,着裙扮女仔。

細孖Chris兒時為了氹媽咪開心,着裙扮女仔。
兩兄弟如有爭執,就會令媽咪擔憂。

兩兄弟如有爭執,就會令媽咪擔憂。
 兩兄弟都讚媽咪是完美,是絕種好媽。

兩兄弟都讚媽咪是完美,是絕種好媽。
 大孖湯君慈(右)與細孖湯君耀左右夾功錫媽咪,場面溫馨。

大孖湯君慈(右)與細孖湯君耀左右夾功錫媽咪,場面溫馨。
 姜坤因陀孖B後有牙齒痺痛的後遺症,甚少食甜點。

姜坤因陀孖B後有牙齒痺痛的後遺症,甚少食甜點。
在姜坤眼中,大孖湯君慈(左二)性格似爹哋,而細孖(湯君耀)性格似她。(受訪者提供圖片)

在姜坤眼中,大孖湯君慈(左二)性格似爹哋,而細孖(湯君耀)性格似她。(受訪者提供圖片)
湯鎮業與姜坤於93結婚,2001年離婚,二人育有一女兩子。(IG圖片)

湯鎮業與姜坤於93結婚,2001年離婚,二人育有一女兩子。(IG圖片)
姜坤選完亞姐加入亞視,因有了大女就決定專心做媽咪,視三名子女如珠如寶。(受訪者提供圖片)

姜坤選完亞姐加入亞視,因有了大女就決定專心做媽咪,視三名子女如珠如寶。(受訪者提供圖片)
湯君慈(左)與湯君耀前年在UCLA畢業,作為媽媽的姜坤當然有去美國見證。(IG圖片)

湯君慈(左)與湯君耀前年在UCLA畢業,作為媽媽的姜坤當然有去美國見證。(IG圖片)
姜坤絕對是一位索媽咪,與大女湯愛嘉、大孖湯君慈(右)及細孖湯君耀大合照,似大家姐多過似媽咪。(IG圖片)

姜坤絕對是一位索媽咪,與大女湯愛嘉、大孖湯君慈(右)及細孖湯君耀大合照,似大家姐多過似媽咪。(IG圖片)

鍾意就快D Share啦!
Related Posts Plugin for WordPress, Blogger...