2019年5月12日 星期日

母親節2019:【宣布佗B女】超盈晒大肚寫真冧四太 __,四太,寫真,梁安琪,超盈,

呢份絕對係最幸福嘅母親節禮物!賭王四房千金何超盈早前宣布有喜,近排就飛咗美國陪哈佛學霸未婚夫Thomas(辛奇隆),為同媽咪、四太梁安琪慶祝母親節而專 ...


呢份絕對係最幸福嘅母親節禮物!


賭王四房千金何超盈早前宣布有喜,近排就飛咗美國陪哈佛學霸未婚夫Thomas(辛奇隆),為同媽咪、四太梁安琪慶祝母親節而專程返港,仲好有心思咁預備一輯索爆大肚寫真放社交網,更宣布佗B女添!

谷胸超欣最搶鏡

佗B五個多月嘅超盈,今次搵埋媽咪、細佬妹何猷亨、何猷君及遠在美國就讀麻省理工學院嘅何超欣等,一齊換上牛仔裝影型格大肚寫真,當中主角超盈就以Sport Top襯短打上陣,大晒白滑巨肚,而19歲大個女嘅超欣更谷胸兼晒美腿上陣,加埋Chok爆嘅猷亨同猷君,四姐弟真係型到爆,鏡頭一轉,又見到四太摸摸超盈嘅巨肚,之後更伏喺超盈肚上聽吓孫仔有冇曳曳,真係又溫馨又窩心!而另一輯相就生活化得多,換上白色衫嘅四太同超盈大晒母女情,二人又頭貼頭,超盈咁有心,睇嚟呢個母親節四太實好冧喇!

宣布佗B女

而超盈亦乘機宣布佗B女,公開囡囡小名叫荷包蛋,經歷緊懷孕過程嘅佢,仲歌頌媽媽真偉大,指一定要讓家人永遠幸福:「今年是作為準母親過的第一年母親節🍳,希望荷包蛋(女兒的小名)會在一個甜甜蜜有愛的家庭成長。媽媽(外婆)最希望就係可以四代同堂,今日終於可實現了,還有我的弟弟妹妹,你們真的很有愛,特別是對荷包蛋的愛。有句說話是原來是真的,要經歷過懷孕才知道媽媽的痛苦,所以以後我們四小毛毛也好好慶祝這個特別的日子吧,我會讓你們永遠幸福的。」

問到四太今次超盈返港賀母親節,四太都大讚阿女好有心:「佢特登趕返嚟,校啱時間過母親節,雖然超盈有啲Jet let,不過都真係好有心思!」而猷亨、猷君及超欣齊一樣有心,年年都會花盡心思為四太慶祝母親節,氹媽媽開心。




來源 source: http://hk.on.cc
鍾意就快D Share啦!
Related Posts Plugin for WordPress, Blogger...