掃呢頁CODE去手機

2019年5月14日 星期二

【原來是選美冠軍】怒減23磅滅脂肪肝 61歲劉天蘭的萬花筒人生 __,劉天蘭,選美,

劉天蘭的人生似萬花筒
20歲獲溫哥華華埠小姐冠軍,那年的她一頭大鬈髮;現年61歲的她一頭型格短髮,原來當年是美指張叔平叫她剪短的,一剪便維持了數十年短髮look,她說:「搵 ...


20歲獲溫哥華華埠小姐冠軍,那年的她一頭大鬈髮;現年61歲的她一頭型格短髮,原來當年是美指張叔平叫她剪短的,一剪便維持了數十年短髮look,她說:「搵啱自己嘅形象,唔使再變。」她--就是「形象教母」劉天蘭(Tina)。



短髮加黑框眼鏡的Tina,是歌手岑寧兒的媽咪、岑建勳的前妻。Tina的人生好豐富,她的工作資歷有一大串:讀書時兼職做model、化妝,選美後返港簽無綫,拍過《網中人》、《京華春夢》等劇,又跟林子祥合唱《三人行》、做過電影副製片、雜誌執行編輯、演藝人協會副會長及秘書長、形象及服裝指導...一個選美冠軍,由幕前走到幕後的路,原來是命中注定。



「因為一件撞飛機意外,爸爸喺我4歲時過咗身,呢個冇得補救遺憾之下,媽咪好能幹好了不起,將我哋三兄妹帶大。」Tina的父母都是文化人,當年獲報社提供住屋,曾跟查良鏞(金庸)和陳文統(梁羽生)同屋共住,惟Tina出世前已搬離,「但細個有去拜年,長大咗都有見,我會帶茶葉蛋去拜年,查叔叔好鍾意食。」



16歲時,Tina到加拿大讀書,她的胞兄在當地做廣播工作,「我一落機就幫哥哥手,讀中學已經對住鏡頭報新聞。溫哥華第一次搞選美活動,我為咗節目去採訪,第二年再搞就向我招手,咁我又膽粗粗冇乜驚,一句好呀就參加咗,雖然規模唔可以同後期大家熟悉嘅香港選美比較,但一樣要表演才藝要答問題要着長衫,我得到冠軍。」Tina讀書時會否是校花呢?她笑說:「梗係唔會啦,當時華僑社會啲後生女,邊個活潑啲、有才藝、叻女啲都會去,唔係比身材比樣貌眼有幾大嘴有幾細,但當然要有端好樣貌,所以你可以話我自信心爆棚。」



選美獲冠軍後,Tina趁放暑假返港,無綫和佳視都向她招手,「因為我讀傳理系,主修電影,咦,機會好似早咗嚟,仲係我最熟悉同長大嘅地方,所以又膽粗粗答應入TVB,唱歌、主持、跳舞乜都做,難捱意思係唔夠瞓,但嗰時好後生冇所謂,我又好lucky啦,一個世伯介紹我認識蕭芳芳小姐,因為佢要監製一部戲《撞到正》,我做咗佢助手,負責統籌、記錄,同時又演一個角色,呢部係呢生人最鍾意嘅戲,之後發咗癲咁鍾意電影,想返去讀埋先,所以同TVB提前解約。」



結果,Tina於暑假返加拿大預備繼續學業,編劇陳允文就找她到三藩市,為譚家明電影《愛殺》做副導演;畢業後新藝城向她招手,為徐克《鬼馬智多星》做第二副導演,雖然當時資歷尚淺,但面對大導演卻沒怯場,「落機第二日開工跟阿徐,我冇呢種好怯心情,覺得自己係好嫩,但係我勤力、認真、願意學,年輕時候嘅我有一種can do肯做嘅態度。」



可能興趣太多,Tina於80年代由電影轉去做雜誌執行編輯,其後更為藝人做形象、唱片封套,「我冇學過設計,但原來有啲嘢係有天份,係亦舒教我乜嘢叫天份,你唔使好努力,但做出嚟嘅嘢好過人哋。同藝人做形象設計,虛榮地有滿足感,印象最深刻當然係張國榮(哥哥),因為我幫佢做京劇花旦造型,係佢拍《霸王別姬》之前,呢個雜誌封面係經典。」原來Tina於77年已識哥哥,當年她放暑假返港,曾在《家燕與小田》節目為哥哥伴舞。



工作上多姿多采的Tina,感情上卻經歷了婚姻破裂,26歲嫁給岑建勳(John),同年誕下女兒岑寧兒,但婚姻僅維持4年,「啱key嘅開始,走音嘅結束!當時係我主動希望分開,30幾年已經過咗,我同阿John仍然係好好朋友,分開原來唔係一件太壞嘅事,或者我哋嘅緣份係適合做好朋友多過做夫妻,我覺得作為夫妻短係短咗啲,但以朋友嚟計,30、40年幾唔錯。」



如何能夠做到再見亦是朋友?Tina說:「因為冇恨囉,我知道唔容易,當你冇恨冇怨時係可以做朋友,但當擺唔低一啲恨怨,就真係冇偈傾,但你願唔願意解決恨同怨,係當事人決定,我就冇恨同怨。YoYo當時係好細,但我冇考慮到因為當中有個小朋友而夾硬要一齊,呢樣好唔健康,如果家庭唔係好和睦,嗰種氣氛對小朋友成長好負面。分開唔等於冇父愛母愛,嗰兩樣嘢應該永世喺度,呢個我相信我同岑建勳係做到。」



活到61歲,人生去到一個階段,「一直做好多嘢,跨界、多元、萬花筒咁,而家去到6字頭,幾認真做一件一世人未做過嘅嘢--做運動,我年輕時好瘦,唔使做運動亂食嘢都好弗,但過咗50,真係唔同人咁品,甲狀腺出現問題功能倒退,影響新陳代謝,最肥差唔多好似大肚嗰時咁重,買衫唔得心應手,最緊要唔精神唔得爽,唔鍾意呢個感覺,踢自己一腳,舊年1月開始做運動,加埋調整飲食,total減咗23磅,係我嘅汗水、自律,趕走咗身體唔需要嘅脂肪,而家140幾磅,再去做體檢,我全部指數係貼堂咁靚,本來前一年我有脂肪肝,而新嘅體檢冇晒,你話幾高興呢!」



【編輯推介】



【99999支玫瑰】猷君單膝跪地向奚夢瑤求婚:你是特別純真的小孩

https://bit.ly/2YrqcpI



【不公平對待】貼兒子生日會合照上網遮樣 余文樂遭網民批評做法自私

https://bit.ly/30jcqqY



【單眼皮小男生】廖碧兒探B晒正面照 香香Baby同老公一個餅印

https://bit.ly/2HkLpef



【細女曝光】31歲天王嫂方媛自封老母親 爆大女呷醋愛哭

https://bit.ly/2HkV84l



【BAFTA電視頒獎禮】班尼狄封視帝 啜老婆發表愛妻論

https://bit.ly/2Q13l1h



《MCU寶石時軸全記錄》

1套6冊解構Marvel電影宇宙

入場睇Endgame前必讀天書!

https://hk.adai.ly/IFk7iee55V

-----------------------------

【記住63836568】全民爆相爆片!下一個爆料王就係你

https://bit.ly/2Guolu9

-----------------------------

星期一至五晚上10點半

《動腦Q》Let's Q the money!

http://bit.ly/2QW8LcI



劉天蘭的人生似萬花筒  攝影:沈健程 攝影:沈健程
 當年簽大台做藝員,拍劇、唱歌、主持、跳舞乜都做。

當年簽大台做藝員,拍劇、唱歌、主持、跳舞乜都做。
 劉天蘭手執自傳笑看人生

劉天蘭手執自傳笑看人生
 跟岑建勳離婚30多年,兩人再見亦是朋友。

跟岑建勳離婚30多年,兩人再見亦是朋友。
 去年踏入60歲,下定決心減肥,成功搣去23磅脂肪。

去年踏入60歲,下定決心減肥,成功搣去23磅脂肪。
 雖然現在沒有拍拖,但享受一個人的生活。

雖然現在沒有拍拖,但享受一個人的生活。
劉天蘭還做過電影副製片、雜誌執行編輯、演藝人協會副會長及秘書長、形象及服裝指導。

劉天蘭還做過電影副製片、雜誌執行編輯、演藝人協會副會長及秘書長、形象及服裝指導。
 20歲獲溫哥華華埠小姐冠軍(受訪者提供圖片)

20歲獲溫哥華華埠小姐冠軍(受訪者提供圖片)
 讀書時做兼職model(受訪者提供圖片)

讀書時做兼職model(受訪者提供圖片)
 劉天蘭曾擔任芳芳姐助手,兩人成為一世朋友。(受訪者提供圖片)

劉天蘭曾擔任芳芳姐助手,兩人成為一世朋友。(受訪者提供圖片)
 林青霞(右1)、張叔平(右3)、劉天蘭(右4)當年合作拍《愛殺》。(受訪者提供圖片)

林青霞(右1)、張叔平(右3)、劉天蘭(右4)當年合作拍《愛殺》。(受訪者提供圖片)
 女兒出世當日,岑建勳在手術室門口緊張等待。(受訪者提供圖片)

女兒出世當日,岑建勳在手術室門口緊張等待。(受訪者提供圖片)
 82年為《投奔怒海》做宣傳工作,跟林子祥、岑建勳等出席康城電影節。(受訪者提供圖片)

82年為《投奔怒海》做宣傳工作,跟林子祥、岑建勳等出席康城電影節。(受訪者提供圖片)
 為陳奕迅搞形象(受訪者提供圖片)

為陳奕迅搞形象(受訪者提供圖片)
79年在「全港公開熱潮舞蹈創作比賽》,被安排跟周潤發伴舞。(受訪者提供圖片)

79年在「全港公開熱潮舞蹈創作比賽》,被安排跟周潤發伴舞。(受訪者提供圖片)
 76年跟梁醒波叔叔在《華僑之夜》節目合照。(受訪者提供圖片)

76年跟梁醒波叔叔在《華僑之夜》節目合照。(受訪者提供圖片)
 15歲已經自彈自唱(受訪者提供圖片)

15歲已經自彈自唱(受訪者提供圖片)
 當年哥哥在溫哥華主持《華僑之夜》節目,劉天蘭跟嘉賓薛家燕合照。(受訪者提供圖片)

當年哥哥在溫哥華主持《華僑之夜》節目,劉天蘭跟嘉賓薛家燕合照。(受訪者提供圖片)

鍾意就快D Share啦!