網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年5月21日 星期二

【中環最後一批珠寶廠】見證李嘉誠買鑽石氣場 24年珠寶店老闆:內地人講價講到你嘔血! __,李嘉誠,

馬上成為壹會員會員專區只限會員閱讀會員註冊/登入無寶不落的「超人」李嘉誠,買珠寶已成等閒事,從事珠寶行業半個世紀有多的欒尚增(Steven)也曾服務過 ...


馬上成為壹會員
會員專區 只限會員閱讀


無寶不落的「超人」李嘉誠,買珠寶已成等閒事,從事珠寶行業半個世紀有多的欒尚增(Steven)也曾服務過他。Steven憶述大概三、四十年前,李嘉誠指著一條鏈上的一顆鑽石問:「呢粒幾多錢?幾重?」面對超級富豪,Steven略顯緊張,答他「有一卡」,誠哥霸氣反問:「呢粒嘢邊度有一卡?」Steven笑說,「可能佢有氣勢,我又唔敢against(反駁)佢講嘅嘢。」

後來Steven開了屬於自己的珠寶店,誠哥仍有透過秘書光顧,每年聖誕節選購約十萬元的胸針,送禮給商業夥伴。儘管誠哥不曾講價,反而是商戶有怕得失誠哥的壓力,而從不敢向他要價太高,「因為我知道佢唔只我哋呢一間珠寶店,佢一樣有好多間、好多人介紹畀佢睇。」

珠寶業見證香港經濟興衰,自由行當道,金舖愈開愈多,在遊客區數量比便利店更多。不過,並非連鎖式經營的珠寶店則受惠不多,「祖國同胞最中意問『你哋係咩牌子』?」甚至試過被劏「一頸血」。「要佢20萬蚊,佢就還你13萬、12萬蚊,賣唔賣?你本錢原本係11萬蚊,當佢還到你12萬蚊,你個心自己諗,不賣白不賣!」Steven感慨道。

Steven於60年代六七暴動那年入行,月薪120元,到他1995年離開舊東主自立門戶時,月薪已漲至12萬元。「當時真嘅又係咁買,假嘅又係咁買,有好多人當年都好發達,因為利潤好大好高,同依家根本係完全兩回事。」他的舊東主是行內的龍頭珠寶行之一,當時在尖沙咀開業,街上主流的不是自由行,顧客以日本及澳洲遊客為主,「最疏爽是日本人,不講價。」

他形容自己是「super sales」(超級銷售員),「客人一入嚟,我已經能夠感覺到佢想唔想買,定買唔買得起,或者想買乜嘢。」他笑稱當年自己「好靚仔」,成為闊太的寵兒,「嗰個黃太搵完你,陳太又要搵你,陳太搵完你,周太要搵你,嗰陣時環境好生意嘅。啲人同你買嘢,好鍾意同你傾計即係等於洗頭師傅、飛髮師傅,飛髮之外都同你傾下屋企個仔點啊。」

「老闆教我哋千祈唔好睇低人客,係我哋嘅宗旨,點解?因為你嘅眼永遠睇唔透呢個人。特別在中環,大佬!佢住中環帝景園,幾千萬一億,踢對拖鞋落嚟,唔代表冇錢!」

由於這行人脈就是資產,他曾被舊東主苦苦挽留,「我離開公司嗰晚,差唔多全行都知道,當時嘅人工係12萬,你估佢俾幾錢我?佢畀300萬我!」年屆四十的Steven不為所動決心創業,再加上快到九七回歸的動盪時刻,「九五年仲要11月喎,咁咪即係好快九六、九七?旁人都覺得,『嘩!大佬,你好勇喎!』但個問題係話this is life(這就是人生)!你都係要咁做㗎」他花了500萬積蓄,落戶當時的中環地標「置地廣場」,創辦「名家珠寶」。

在珠寶行打工,賺到開店開廠,這種故事如今已再難以複製,原因是珠寶鑲嵌師傅老化,少人入行,生產成本上漲,再者現今的顧客忠誠度大跌,「連阿婆都識得上網格價。」

就管內地土豪想光顧也有困難。Steven坦言樂於見到內地遊客進門,「除非你冇佢啱嘅野,你有佢啱嘅野,三、五、七萬蚊(珠寶)冇問題,完全冇問題。」儘管如此,內地匯款管制,令內地客大額消費變得有困難,「佢話300萬,好呀,我同你買呀,咁你上嚟交錢啦,我點俾錢你?你幫我解決呢個問題。」

第二代接班人欒伯健(Philip)表示,並無在國內設廠,一直維持在香港生產,「香港工藝好好,品質控制會容易啲。」不過,像這類中小型珠寶店,有專屬的設計師、工場,已經開始買少見少。尤其是在香港設廠生產珠寶,一來是場地上,設廠需要使用提供煤氣的大廈,往往只在舊式大廈才找到,二來是請師傅難,「好多好的工人被大陸工場請咗去。」

「讀書唔成咪學門手藝囉!」阿輝笑稱無特別原因入行,求其點指兵兵就做呢行」結果他愛上這行,三十年來從沒轉過行,「整到啲嘢出嚟靚嘅,有啲成功感。」不過,從事這行亦不簡單,由於經常重複同一個動作,不少師傅有關節勞損的情況。另一邊從事珠寶鑲嵌四十年的福哥稱,「都要做下物理治療。物理治療師話你退休就唔痛!」

這行到90年代由於工廠北移,開始式微,阿輝估計當年入行時有幾千人名師傅,如今剩下千零人。不過所謂「教識徒弟沒師傅」,「(北上工作)初頭係吸引啲嘅,人工高嘛。而家好多大陸廠已經唔請香港人,教識晒內地人,都唔需要香港人。」阿輝指很多師傅轉行,例如揸的士。會否感覺唏噓?阿輝聳聳肩道,「咁呢個世界就係咁㗎」

撰文:邱嘉幸

攝錄:林金展

立即下載APP,精彩內容壹手掌握

下載連結: http://bit.ly/Next29App

如對會員訂閱制有預到任何問題或意見,你可以致電 2623 9985,或電郵聯絡客戶服務主任cs@nextdigital.com.hk,我們定當盡力協助!


鍾意就快D Share啦!