網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年5月8日 星期三

【曾接不道德交易短訊】32E程美段終極目標進軍影壇 豁出去接三級片   __,程美段,

攝影:陳慧安
有時「塞翁失馬,焉知非福」,去年在大台節目《美女廚房》中做「美女學徒」的32E程美段,沒有知名度,今年初獲杜汶澤看中在其網台「杜汶澤喱騷」的節目《為何 ...


有時「塞翁失馬,焉知非福」,去年在大台節目《美女廚房》中做「美女學徒」的32E程美段,沒有知名度,今年初獲杜汶澤看中在其網台「杜汶澤喱騷」的節目《為何深夜總是餓》中出鏡,她憑一件「車厘龜」貼身背心,成網友甜心,但上月卻爆出阿澤拖欠她6集共9,000元騷錢,程美段追足3個月才追回應得工資,討回公道,還K.O.了杜汶澤,令他最後在直播中鞠躬道歉:「金盆洗X,以後唔X人。」

相關新聞:【唔介意貼仔拍拖】程美段自爆18歲初戀失身:我思想open,但唔濫



程美段處理這宗勞資糾紛,贏盡「吉士」,今日在銅鑼灣接受《蘋果》專訪,穿上貼身小背心襯超短褲,倒瀉E奶打桌球,她表示拖糧事件告一段落,亦不想多談:「處理到就OK,冇話呢件事因禍得福,我平常心,不過近日多咗人搵我做訪問,亦多咗人傾工作。」她在facebook貼出不卑不亢的抗辯,可是「請槍」?她說:「我都意料之外得到好多好評,我純粹自己辯白,唔係駁火,係想交代件事,初中時我都鍾意寫blog,同學都話我寫嘢幾『老餅』,之後又學吓人哋少女啲、扮吓傻。我覺得今次件事要嚴肅處理,嗰刻要堅持自己覺得啱,講番自己諗法。」程美段追回9,000元,她笑言未用完:「又冇咁快用晒,我係睇手頭,如果收入充裕,有時都好大使闊綽啲,手頭緊就慳啲。」



23歲的程美段這仗賺了知名度,最近工作機會亦多了,敢言的程美段說:「我承認我言行同所有嘢都出位大膽,但符合我呢個年齡,件事幾日時間內發生,嗰刻咁處理,我係完全冇諗後果。」程美段也從中吸取了經驗:「我哋呢啲新人,係要時間經歷先成長,就算碰到困難跌低,跟住咪成長,我諗我仲會有改善同進步空間,唔係自己一變就做到。」



程美段入行前做過兼職model,也做過promoter,跳入公仔箱只是她的踏腳石,終極目標,是進軍大銀幕,「加入演藝行業,我係想朝住做演員方向,主要想演戲。」青春和身材都是程美段的最大本錢,所以她絕對不介意行性感,即使被邀演出三級片,被標籤做三級女星都不介意,她說:「大家都已將我放咗呢個路線,好多人係留意咗我身材先,其實女仔sexy appeal,係一樣讚美,我一啲都唔抗拒。好多港產片粗口多,題材敏感都標為三級片,只要遇上啱嘅角色同劇本,有得發揮,我係唔介意性感,角色可以同真我性格唔似,咁先可以挑戰到。」程美段的性感底線是否無極限?她答:「之前有啲電影試鏡,有啲導演都問過我尺度去到邊,三點不露啦,但可以全祼,因為好多時拍呢類鏡頭都係就角度、就鏡頭。」可會因應裸露而加片酬?程美段說:「對我嚟講價錢唔係咁重要,新人想要機會多啲,想有得發揮,我唔會所有嘢都講錢。」現在沒有男友的程美段,也少一種包袱。



程美段回想初出道曾被「搵笨」,她說:「啲人同我講拍嘢,講到係大製作,又要我自備衣服,咁要我自己帶衫,出嚟效果梗係冇咁好。」收入不穩定的程美段,為了慳錢會上淘寶買衫。程美段也遇過有人企圖想安排「不道德的交易」:「我好小心處理呢類message,佢哋通常好隱晦,佢哋第一個message出到payment好高、好高,我都不時見到有啲數字。」出價約多少?程美段說:「咁我冇再刻意撳去睇回應,佢哋都鍾意跟住打嚟電話交代,因為佢哋怕被cap圖,我係唔會回覆,好多時,我一睇工作性質同內容,就知佢哋係咪formal。我好小心提防,我自我保護意識好高吓。」



程美段雖擁有吸睛巨咪作賣點,不過她偏偏不太自豪:「如果全身嚟睇,我從小到大最自豪有一對大眼同長長眼睫毛,全部天生。我冇好驕傲有一副好身材,冇乜特別感覺,自己永遠覺得滿意,我最想係臉、手臂同個肚可以瘦啲,因為我好為食,一食就肥上臉度,一上鏡就拉橫咗。」



撰文:楊定

攝影:陳慧安

攝錄:馮嘉銘、葉君海

場地:The Stadium Bar & Restaurant(銅鑼灣)



【編輯推介】



【安心取代】頂替黃心穎去巴塞隆拿 高海寧孖李佳芯嘆海鮮睇美斯

https://bit.ly/301qQfp



【戲份全被剪走】《復仇者4》導演親證嘉芙蓮演鐵甲奇俠個女

https://bit.ly/2H6yD46



【韓流】圭賢退伍鞠躬答謝粉絲 Xiumin@EXO低調入伍

https://bit.ly/2PQqnbc



【登史上評價最差一集】《權力遊戲》現膠蓋咖啡杯 電視台致歉

https://bit.ly/2V78yFI



【挑戰底線】疑似畢瀅朋友圈曝光 張丹峰清空微博「徹底分手」

https://bit.ly/2vPqNVX



《MCU寶石時軸全記錄》

1套6冊解構Marvel電影宇宙

入場睇Endgame前必讀天書!

https://hk.adai.ly/IFk7iee55V

-----------------------------

【記住63836568】全民爆相爆片!下一個爆料王就係你

https://bit.ly/2Guolu9

-----------------------------

星期一至五晚上10點半

《動腦Q》Let's Q the money!

http://bit.ly/2QW8LcI



攝影:陳慧安 程美段處理與阿澤的勞資糾紛,贏盡「吉士」。 程美段處理與阿澤的勞資糾紛,贏盡「吉士」。
23歲的程美段這仗賺了知名度,最近工作機會亦多了。

23歲的程美段這仗賺了知名度,最近工作機會亦多了。
敢言的程美段說:「我承認我言行同所有嘢都出位大膽,但符合我呢個年齡。」

敢言的程美段說:「我承認我言行同所有嘢都出位大膽,但符合我呢個年齡。」
程美段入行前做過兼職model,終極目標是進軍大銀幕。

程美段入行前做過兼職model,終極目標是進軍大銀幕。
程美段追回9,000元,她笑言未用完。

程美段追回9,000元,她笑言未用完。
程美段雖擁有吸睛巨咪作賣點,不過她偏偏不太自豪。

程美段雖擁有吸睛巨咪作賣點,不過她偏偏不太自豪。

鍾意就快D Share啦!