網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年5月28日 星期二

【王敏德出櫃大女】王曼喜走過彩虹5部曲:希望有一日喺香港可以結到婚! __,王敏德大女,王曼喜,馬詩慧大女,

(採訪:梁錦雯、攝影:沈健程、攝錄:馮嘉銘)
台灣剛通過同性婚姻合法化,成為亞洲第一個同性婚姻合法地區,而3日後的香港,一個國泰男男拖手的廣告傳被港鐵及機管局拒登鬧出風波,多元同行的世界仍然有不少 ...


台灣剛通過同性婚姻合法化,成為亞洲第一個同性婚姻合法地區,而3日後的香港,一個國泰男男拖手的廣告傳被港鐵及機管局拒登鬧出風波,多元同行的世界仍然有不少阻力,而王敏德與馬詩慧的大女王曼喜(Kayla),亦貼出一張與女友人拖手的圖片作無聲抗議,Kayla近年積極參與爭取平權,亦活躍參加本地平權組織「大愛同盟」的活動。

相關新聞:【床上指導】王曼喜用鏡頭尋找溫馨 同性伴侶「床照」表達家與愛



26歲的Kayla於14年「出櫃」,日前公開孖拍拖1年的女友Anne出席同性平權活動,她絕對是一個敢於認愛的星二代,她身上有不少紋身,其中右手臂上紋了「Love never fails」,因感受身邊很多愛而有感而發,亦代表她人生的金句。Kayla早前在灣仔開了她人生第一個攝影展,以「intimacy」為題材,在她的鏡頭下捕捉了5對同性戀人臨睡前一刻的「床照」,話題性十足,她表示:「每一對情侶,尋找緊愛嘅時候,都係想搵到『家』感覺,一種溫馨感覺,而我就覺得每一晚可以同伴侶瞓同一張床時候,無論你做緊咩都好,可能傾偈、真係瞓着覺、打緊機、用緊手機,我都覺得呢啲moment係最親密。其實,我覺得每一對情侶,無論直定攣,都係會有呢種渴望、感覺,都希望搵到一個伴侶令你feel at home。」



提到家,Kayla與家人關係密切,由於是大女的關係,父母對她就稍為嚴厲一點,以前出夜街10點就要返到屋企,又不准去同學屋企過夜,相對她的一對弟妹就寬鬆得多:「佢哋兩個都有惡嘅位,我哋細個時候,媽咪睇學業成績嘅位重啲,我哋唔讀書、懶呀,佢就會發嬲,佢以前會收咗我哋電腦同電話,而家唔可以打小朋友,但係爹哋反對出街,出夜街唔知識咩人,跟錯人,唔好habit,呢方面就嚴謹啲。」問到Kayla被母親罰得最嚴一次,她表示:「喺中學時候,我呃佢話去跳舞,其實我嗰時已同女仔一齊,去咗搵我女朋友,佢發現我無去跳舞,打鑼搵我,我又唔聽電話,返到屋企就轟炸我,嗰陣我就啱啱買咗新電話,仲好有心機貼晒水晶閃石,花咗三個鐘去貼得好靚,我爹哋一嘢掟爛咗碎晒,好難忘呢一下,以後唔敢講大話。」



對於出櫃,Kayla都經歷了一般同性戀人遇到的5部曲,由尋找自己(self discovery)、掙扎、迷惘、接受自己,到最後完全包容自己,最重要獲得家人的包容及支持,走向彩虹的天地,Kayla笑言若然google自己時,最不想睇的新聞是當年被傳媒撞到正與女友約會尷尬,更要打電話給媽咪求救,現在回想都是人生經歷:「其實我一開始come out,係我媽咪揭穿我,當時22歲,視像緊我嘅女朋友,佢好簡單問咗句『你同邊個視像?』我就答朋友,佢就話係咩?唔似喎!開始咗呢個topic,媽咪唔係幾鍾意,有幾大拗撬,始終媽咪希望佢哋小朋友結婚、有個老公,有得自己生小朋友,呢個係好typical dream。對於coming out,父母對come out嗰個人,最重要係包容,你要包容對方,未必一下子明白,你要畀時間對方,佢都會有包容心對待。如果佢未必贊同,希望有一種愛嘅感覺,我始終都係愛你嘅人,希望活得快樂,我覺得我媽咪嗰陣時思考咗呢個位。」



現時的Kayla活得自在,近年積極參加不少平權活動,希望幫到一些人克服她曾經歷過的關口,會否多了一點使命?她笑言:「唔會講到咁大,只係希望為同志發多啲聲音,因為點解我用影相呢樣嘢,可能遲啲拍片,因為影相好講到故事出嚟,想表達到我哋故事同你哋故事都係一樣,都係想開心,都係想搵愛,所以我唔會當係一個使命,只係想感染多啲人,明白多啲我哋,亦都為我哋發多啲聲音。」



在香港,平權落後於不少國家,而台灣剛通過同婚專法,成為亞洲第一個同婚合法國家,問到她還有甚麼目標?她表示:「我希望有一日喺香港可以結到婚,我會希望可以等到香港有得結,我而家又唔係急,始終都係我屋企,如果真係當喺香港結唔到,都會想香港認同我同伴侶嘅關係。」除了想在出生的地方結婚,下一步會否與同性伴侶有自己的小朋友?她就表示:「大家都有個希望喺度。」





髮型:Jaden R



--------------------------------

【六四30】守住歷史 拒絕遺忘

https://hk.adai.ly/zdzKtt2RiW

--------------------------------

【記住63836568】全民爆相爆片!下一個爆料王就係你

https://bit.ly/2Guolu9



(採訪:梁錦雯、攝影:沈健程、攝錄:馮嘉銘) Kayla認為香港的平權路漫長,她想在這片出生的地方與伴侶結婚。 Kayla認為香港的平權路漫長,她想在這片出生的地方與伴侶結婚。
王曼喜日前帶同拍拖1年的女友Anne出席同性平權活動。(資料圖片)

王曼喜日前帶同拍拖1年的女友Anne出席同性平權活動。(資料圖片)
王曼喜日前貼出在港鐵與女友人手拖手圖片,無聲抗議港鐵「拒登」國泰手拖手廣告的風波。(IG圖片)

王曼喜日前貼出在港鐵與女友人手拖手圖片,無聲抗議港鐵「拒登」國泰手拖手廣告的風波。(IG圖片)
自出櫃後,Kayla勇於為同志平權發聲,她之前在台灣出席同志遊行活動。

自出櫃後,Kayla勇於為同志平權發聲,她之前在台灣出席同志遊行活動。
王曼喜的彩虹路上,經歷了不少尋找自己的過程。

王曼喜的彩虹路上,經歷了不少尋找自己的過程。
王曼喜勇於面對自己,為自己爭取快樂的生活。

王曼喜勇於面對自己,為自己爭取快樂的生活。
近年積極參與平權運動,希望多一點人明白她們、他們的感受。

近年積極參與平權運動,希望多一點人明白她們、他們的感受。
王曼喜認為同性戀人也渴望有家與愛的感覺。

王曼喜認為同性戀人也渴望有家與愛的感覺。
Kayla身上有不少紋身,其中右手臂紋上「Love never fails」,正代表她的人生格言。

Kayla身上有不少紋身,其中右手臂紋上「Love never fails」,正代表她的人生格言。
1月Kayla在IG貼了倫敦的旅遊相,留言:「To  new adventures in love」 。

1月Kayla在IG貼了倫敦的旅遊相,留言:「To new adventures in love」 。
王曼喜與爸爸王敏德。

王曼喜與爸爸王敏德。
作為母親的馬詩慧率先發現女兒的性取向,兩母女經歷冷戰到包容,母女情深。

作為母親的馬詩慧率先發現女兒的性取向,兩母女經歷冷戰到包容,母女情深。
王曼喜一家五口關係親密,家人相當支持她的感情取向。

王曼喜一家五口關係親密,家人相當支持她的感情取向。

鍾意就快D Share啦!