網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年5月5日 星期日

【我的置業故事】跑龍套680萬買啟德新樓 「如果仲留係TVB,我買唔到樓」 __,TVB,

許明志(Archie)在TVB做了十多年跑龍套,4年前轉行做經紀,收入大增,買樓做業主。
「如果我仲留喺TVB,我睇唔到我會買到樓、結到婚、生到仔!」許明志(Archie)在TVB做了十多年跑龍套收入微薄,試過半年月薪沒有一萬元,曾經堅持做 ...


「如果我仲留喺TVB,我睇唔到我會買到樓、結到婚、生到仔!」許明志(Archie)在TVB做了十多年跑龍套收入微薄,試過半年月薪沒有一萬元,曾經堅持做臨記,惟有兼職救生員。2014年跳槽香港電視,在《警界線》有一角半色,以為捱出彩虹,卻開台不成,令他完全死心。

相關新聞:【我的置業故事】二千萬樓畀一半首期 80後陳太:投資賺番嚟,冇得教!



不再發明星夢,腳踏實地做人,轉行做過健身教練,慶幸客人只是摸手臂沒拍打屁股,但仍賺不到大錢。4年前經訓練班師弟介紹轉行做地產經紀,人生大逆轉,2年佣金收入逾百萬元,夠錢買入啟德龍譽680萬元單位做業主。



許明志在第13期無綫電視藝員訓練班畢業,同班同學包括楊怡、林峯等等,自己捱足十多年就一直做臨記,「月薪唔好話兩萬啦,真係……但佢畀嘅時間、自由度好大,但人工唔高,咁做freelance,係出面做其他行業來補貼。就係因為好多人覺得生活好艱難,尤其係物價指數咁貴,仲揸住TVB份人工唔夠生活,啲戲唔多仲邊有收入呀。拍一套連戲好多嘢做,但下次會唔會都係咁多嘢做?未必會。如果維持咁多嘢做,個啲人梗係無問題最慘就係好多訓練班同學仔,未係個啲(多嘢做)嘅時候,捱得好辛苦,捱過咗,有啲名氣,多人搵你拍嘢、唱歌,咁咪好啲囉!」但他並沒有「多嘢拍」的時候。

相關新聞:【我的置業故事】沽深圳樓賺兩球返港買樓 港人:大灣區非遍地黃金



在無綫十多年,他坦言:「當年收入月入唔夠1萬,唔爆show,咬老底咪最低工資,好多個月都係咁,最長超過半年。(你點捱?)係囉,咪就呢樣嘢囉!繼續求生,搵其他嘢做(兼職)囉!」曾堅持做TVB藝員,便有考牌兼職救生員,「無job呀嘛,咪填補囉!叫做生存到囉。但救生員都唔係一年四季有得做,得夏天做四、五個月,維持咗三、四年,因為仲想係TVB發展。」2014年跳槽香港電視,獲《警界線》安排有名稱的角色,「後來開台唔成,嗰陣時梗係唔開心。但無嘅,呢個機會令我完全死心,堅決轉行。」



事過境遷,憶述當年他仍肉緊地說:「我直頭係未去到有乜嘢位,連三四線、四五線、五六線都未跳到上去。我就覺得唔想再嘥時間。」好多人話堅持終可以成功,「嗱!呢樣嘢係啱嘅,但係唔係每行都成功就未必。堅持有動力推動你成功。做得呢行(娛樂圈)都想做明星,但現實社會唔係咁容易。我18歲入行,了解咗市場,自己係咪咁鐘意做明星呢?變下變下,不如腳踏實地啦……離開係唔捨得,但現實還現實,始終真係要生活。」考牌做健身教練,「有人摸下你,都會,但唔會好過火。普通摸下你手臂話你好大隻呀……唔係頂唔順,嗱……完全無摸籮柚㗎……跟住睇下有咩其他嘢做,去咗賣衫,後尾覺得無一個好想做嘅行業,賺嘅錢唔大,多極可能三萬幾,咁要幾耐先夠錢達成我嘅夢想呢!」



4年前由訓練班相識的朋友寧進(梁志昌)介紹去港島西半山區做地產經紀,「做咗3個月先知道點做好啲。開咗第1張單,幾百萬樓嚟,唔係銀碼大細嘅問題,係學到點開單、介紹俾客,信心大咗!做經紀誠懇囉!始終係提供服務,事前事後嘅服務都要畀埋,唔係話租咗、賣咗拍拍籮柚就走。」入行第1年cold call、單位開放日,慢慢儲客,第2年開始收成,「新盤、二手都有做,做得密,密住做。」



2年佣金收入過百萬元,「自己做呢行,就想買樓投資」,2017年遂以680萬元買入啟德龍譽一個1房單位,呎價1.9萬元,「你問我入市當時係咪高,我買嘅單位呎價1.9萬元係高,但我睇之後升幅可能唔知㗎嘛!好多人講過乜嘢係買樓最好嘅時間,其實無,只要你手頭上有資金,覺得許可,就係投資時間。就算話俾你聽個市冧,呢間係好平,但你無資金,唔睇好既市,會唔會買?唔會。最主要手上本金買唔買到樓,買咗會唔會無錢供,如果咁就慘啦,一定唔可以咁。」



他坦言,本身與家人住觀塘3房單位早已供滿會,作價680萬元的龍譽單位,先向銀行承造一按六成,再向發展商承造兩成二按,當時已有心理準備發展商不借二按,後備方案是將股票套現,最壞打算就將家人持有單位加按,「手頭唔夠唔好借二按,佢唔借嘅時候,要撲錢!」目前將單位放租叫租1.5萬元,冀有2.6厘回報。



記者:陳家雄

攝影:何耀勤



---------------------------

星期一至五晚上10點半

《動腦Q》Let's Q the money!

http://bit.ly/2QW8LcI



許明志(Archie)在TVB做了十多年跑龍套,4年前轉行做經紀,收入大增,買樓做業主。 許明志在第13期無綫電視藝員訓練班畢業,同班同學包括楊怡、林峯等等。(相片由受訪者提供) 許明志在第13期無綫電視藝員訓練班畢業,同班同學包括楊怡、林峯等等。(相片由受訪者提供)
當年加入訓練班時的合照。(相片由受訪者提供)

當年加入訓練班時的合照。(相片由受訪者提供)
許明志在TVB較常做古裝劇。

許明志在TVB較常做古裝劇。

鍾意就快D Share啦!