2019年5月8日 星期三

【演員難撈】97壯士斷臂賣二千幾呎西貢豪宅「御用奸人」戴志偉轉行賣保險 __,曾志偉,

(資料圖片)
戴志偉,名字好易記,與80年代著名日本動漫《足球小將》主角譯名相同。58歲的戴志偉曾是無綫「御用奸人」,在大台工作20年,最後因感到「不受尊重」憤而離 ...


戴志偉,名字好易記,與80年代著名日本動漫《足球小將》主角譯名相同。



58歲的戴志偉曾是無綫「御用奸人」,在大台工作20年,最後因感到「不受尊重」憤而離開,之後轉投保險業,並創出成績,做了分區高級經理,有空便會幫港台拍劇過戲癮。早前戴志偉在《運輸背後》飾演運輸署助理署長,對於港台節目去年上半年平均收視率僅為0.1點(約6,400名觀眾),他顯然不太介意,反而欣賞幕後人員的付出:「拍攝時間鬆動啲,所有製作人員一流,我覺得好有誠意。不過,有一點高層應該關注,做演藝事業嘅人唔係做義工,嚟到都要畀餐飯佢食,我覺得自己似外判清潔工人(偷笑),飯盒都冇,冇車接去拍攝場地,又唔夠化妝師,人工更加唔使講......而家香港做演員係好辛苦,我都要為同事打打氣。」



無論何時都是西裝筆挺的戴志偉,黑黑實實,但說話卻很溫柔,他笑言年輕時無想過入娛樂圈:「一直覺得自己好醜,兜風耳點做?!我以前喺政府水務局做抄錶員,有日行街被星探發掘,第一部戲叫《老虎魚蝦蟹》,之後公司執咗,我就變雙失。好彩自己都有幾張刀,拎住結他去民歌餐廳唱歌,收入都唔錯。」



戴志偉好識為未來打算,覺得唱民歌只是快錢,1981年加入無綫藝員訓練班,同期有影帝劉德華、梁家輝等猛人,但他演出的奸角同樣令人印象難忘,好似《新紮師兄》的張家明、《鹿鼎記》的鄭克塽、《創世紀》的許文坤等,每個角色都奸到出汁。戴志偉說:「其實我初出道,拍《過山車》已經同黃日華、戚美珍一齊做主角。之後遇到張家明呢個角色,其實睇劇本唔係惡人,係環境逼上不歸路,嗰套戲幾proud,作為一個新人做得唔錯。記得一場我喺天台嘅自殺戲,同梁朝偉做對手,我一個人講六頁紙,兩take,第一take已ok,第二take係備用,由冷靜變失控,將一生對梁朝偉嘅唔滿意講晒出嚟,嗰場戲佢哋(藝訓班同學)拎嚟考試。」



每個人命運不同,戴志偉即使再好戲,但角色越來越無得發揮,最後被公司要求簽一騷,他在2011年決定不續約。問到可有羨慕華仔、家輝?戴志偉說:「自己睇得好開,每個人際遇唔同,自己都有弱點,唔識叩門、唔識擦鞋打交道,係蝕底,但問心無愧。」



戴志偉感嘆既然上不到一線,亦不能指望TVB人工「養到你」,90年代已一邊拍劇,一邊開公司做地產。他說:「97金融風暴都有影響,但受得住,好彩唔太貪心,樓一定有,但唔係傾家蕩產。」當年他賣掉自住的西貢二千幾呎豪宅,另有三千呎花園,他苦笑說:「現在係天文數字喇,但我睇得開,從來冇問人借錢,賣咗最心愛嗰層樓,套現過難關,之後樓市跌再買番,負擔得起就可以。」



今時今日,戴志偉可說生活無憂,找合適工作,與太太感情恩愛,兩個兒子大學畢業已投身社會。他說:「太太就唔多講喇,向來低調,(冇乜花邊新聞?)自己唔鍾意新嘢,相處咁耐唔諗咁多。而家幾舒服,得閒去旅行、打golf、跑步、踢足球,仲會同班朋友開演唱會,上年都喺荃灣大會堂搞咗兩場,好享受。」



採訪﹕嵐山

攝錄﹕沈健程、馮嘉銘

場地﹕Harlan's (The ONE)



《MCU寶石時軸全記錄》

1套6冊解構Marvel電影宇宙

入場睇Endgame前必讀天書!

https://hk.adai.ly/IFk7iee55V

-----------------------------

【記住63836568】全民爆相爆片!下一個爆料王就係你

https://bit.ly/2Guolu9

-----------------------------

星期一至五晚上10點半

《動腦Q》Let's Q the money!

http://bit.ly/2QW8LcI



(資料圖片) (攝影:沈健程) (攝影:沈健程)
戴志偉轉做保險,佢話現在生活都幾寫意。

戴志偉轉做保險,佢話現在生活都幾寫意。
戴志偉曾經歷97金融風暴,最後賣樓套現,唔使破產。

戴志偉曾經歷97金融風暴,最後賣樓套現,唔使破產。
戴志偉經常幫港台拍劇,酬勞雖然偏低,但讚有誠意。

戴志偉經常幫港台拍劇,酬勞雖然偏低,但讚有誠意。
在港台新劇《運輸背後》飾演運輸署助理署長。

在港台新劇《運輸背後》飾演運輸署助理署長。
在《新紮師兄》飾演張家明,戴志偉坦言好滿意天台呢場自殺戲。(電視截圖)

在《新紮師兄》飾演張家明,戴志偉坦言好滿意天台呢場自殺戲。(電視截圖)
戴志偉用槍指住梁朝偉個頭,將一生對對方嘅不滿講晒出嚟。(電視截圖)

戴志偉用槍指住梁朝偉個頭,將一生對對方嘅不滿講晒出嚟。(電視截圖)
《射鵰英雄傳》飾演拖雷(電視截圖)

《射鵰英雄傳》飾演拖雷(電視截圖)
《鹿鼎記》飾演奸人鄭克塽。(電視截圖)

《鹿鼎記》飾演奸人鄭克塽。(電視截圖)
戴志偉經常演高級警察,曾與古天樂合作。(電視截圖)

戴志偉經常演高級警察,曾與古天樂合作。(電視截圖)
《衝上雲霄》(電視截圖)

《衝上雲霄》(電視截圖)
《他來自江湖》(電視截圖)

《他來自江湖》(電視截圖)
戴志偉有兩個兒子,年幼時會陪爸爸一齊整蛋糕。(資料圖片)

戴志偉有兩個兒子,年幼時會陪爸爸一齊整蛋糕。(資料圖片)
戴志偉經常會同明星足球隊一齊踢波。 (資料圖片)

戴志偉經常會同明星足球隊一齊踢波。 (資料圖片)
戴志偉甚少緋聞,對太太好專一。(資料圖片)

戴志偉甚少緋聞,對太太好專一。(資料圖片)

鍾意就快D Share啦!
Related Posts Plugin for WordPress, Blogger...