掃呢頁CODE去手機

2019年5月23日 星期四

【難得無女陪】國產女服務差經常黑面 趙世曾情願單拖睇《三夫》 __,趙世曾,

馬上成為壹會員會員專區只限會員閱讀會員註冊/登入趙世曾出親街都一定要有國產美女陪伴,見到慣晒,無女陪嗰日先至奇呀!點知,《壹》仔早前真係見佢單拖睇戲, ...


馬上成為壹會員
會員專區 只限會員閱讀


趙世曾出親街都一定要有國產美女陪伴,見到慣晒,無女陪嗰日先至奇呀!點知,《壹》仔早前真係見佢單拖睇戲,相當難得。

趙世曾已經82歲,唔知有無力,但肯定好有心,身邊囡囡一定唔少得,而且女如輪轉次次都唔同人。雖則唔少人笑佢近年口味獨到專吼國貨,計《壹》仔話其實佢好識玩,話晒已經82歲,拖啲廿幾歲國貨夠玩㗎喇,唔通仲下下Model、鬼妹咁惹火咩,隨時吃不消㗎!

可惜國貨有樣嘢唔好,就係服務態度麻麻地,對住老闆趙世曾都成日黑口黑面,唔單只唔會主動嗲,連手仔都唔拖吓,甚至成日自己行先唔理趙世曾。好似早前有日佢哋睇戲,場戲都未睇完,趙世曾已經離場。唔怪得啦,原來國產女係咁「放蚊」掃興,唯有早啲散場囉。

有妹妹仔陪係好事,但服務態度差,難怪之後趙世曾情願一支公睇戲。何況,佢似乎係睇《三夫》,女主角係大陸女演員曾美慧孜,啱晒佢口味,唔使人陪啦。

立即下載APP,精彩內容壹手掌握

下載連結: http://bit.ly/Next29App

如對會員訂閱制遇到任何問題或意見,你可以致電 2623 9985,或電郵聯絡客戶服務主任cs@nextdigital.com.hk,我們定當盡力協助!


鍾意就快D Share啦!