2019年5月8日 星期三

【鐵探】劇透慎入!姦殺犯羅彪未死再現身 前受害者始終難逃一死?! __,《鐵探》,【鐵探】,

鐵探
【鐵探】劇透慎入!姦殺犯羅彪未死再現身前受害者始終難逃一死?!TVB重頭劇《鐵探》即將大結局,噚晚一集講到Bingo(姜皓文飾)臨死前大爆殺死Mada ...


【鐵探】劇透慎入!姦殺犯羅彪未死再現身 前受害者始終難逃一死?!



TVB重頭劇《鐵探》即將大結局,噚晚一集講到Bingo(姜皓文飾)臨死前大爆殺死Madam Man(惠英紅飾)大仔邱Sir(洪永城飾)嘅終極真兇原來係自己媽咪Madam Man!而今晚一集,連環姦殺案犯人羅彪(鄭家生飾)再次現身,其中一位之前嘅受害者又再次遇上,結果…

撰文:東方新地|圖片:劇照、影片截圖





Bingo爆殺死洪永城終極真兇

噚晚播出嘅一集,原來Madam Man大仔邱Sir三年前去拯救快活谷時,Bingo同樣喺現場並曾希望營救邱Sir ,點知卻遭Madam Man阻止!換言之,真正殺死邱Sir嘅人反而係自己親生媽媽!





當Bingo講出所有事實真相後,Madam Man更即命狙擊手開槍殺死Bingo,而Madam Man忠僕伍Sir得知真相後亦不惜捨身幫Bingo擋槍!可惜,最終都未能救對方一命….

Bingo最後難逃一死!



今晚新一集將會講到警隊一哥(石修飾)出席Madam Man細仔於浩園嘅喪禮時,向MadamMan暗示有機會擔任第一位女警務處長!



不過前一集垶Sir(袁偉豪飾)喺泳莎(鄧佩儀飾)手中接到Bingo所寫嘅信得知一切真相後,當然跟從Bingo遺願誓將Madam Man拉落馬,故聯合程Sir(黃智賢飾)、賤Kan(許紹雄飾)一齊尋找證據!

Madam Man犧牲兩個仔性命,以令自己坐到一姐之位!



姦殺犯羅彪未死再現身

而另一方面,之前被Iris(蔣祖曼飾)及江麗瑤(何佩珉飾)帶走及以電椅嚴刑伺候嘅羅彪亦會再次出場,但羅彪已經被折磨至精神失常!



由於之前都有提過羅彪會再搵自己當年未得手嘅女性再犯案,點知今次羅彪就再遇曉怡(王君馨飾),但其後發現原來已失常嘅佢只係想喺超市偷竊!



之後,曾經係受害者之一嘅阿招(蔡思貝飾)收到高空工作隊任務,要從高樓上救人,點知對方竟然係要求羅彪!結果,喺程Sir鼓勵下終成功克服個人陰影,救下羅彪及將其正式拘捕!










鍾意就快D Share啦!
Related Posts Plugin for WordPress, Blogger...