- 【解開迷思】鄧萃雯冇劇本睇都照拍：以前同而家都一樣，都係搏一搏
- 40分鐘前
因為《巾幗梟雄》和續集《巾幗梟雄之義海豪情》，鄧萃雯連續拿了兩屆視后，演技無容置疑，更成為劇集水準保証。於是，大家一廂情願以為她一定會嚴選劇本才接拍，原來這不過是誤會。相隔六年再拍港劇《婚內情》，她說要親自解迷思：「可能大家對我有啲誤解，以為我好嚴謹，劇本一定要好吸引至會接拍，首先要解開呢個迷思，就係基本上喺香港拍電視劇係無劇本嘅，即係無得睇晒劇本先決定係咪接拍，只能聽咗故事，其實就已經考慮係咪應承。因為好多時候，到你應承接拍，對方至會著手去寫故事，最近幾年我都有問，可唔可以好故事先至搵演員？佢哋覺得搵咗演員至寫會好啲，因為會度身訂造。所以排除咗大家以為我係睇劇本吸引，然後去做，其實唔係。每一次接拍，以前同而家都一樣，接咗之後都係搏一搏，每一次都係搏一搏。今次接拍最大嘅原因，係ViuTV呢個平台吸引我，因為本身係一個新平台。」
珠玉在前，她說不單外間會將新舊角色比較，例如再拍宮廷片扮演娘娘，甚至連她都會跟自己演過的如妃相比。又或做一個精神領袖、女英雄，她又好自然跟四奶奶、九姑娘相提並論，因為她一定要演得比上次出色。
「尤其嗰啲已經係咁好嘅作品，就更加難以超越，所以點解我會揀一個以前甚少演，呢個看似係一個強人，其實係一個非常失敗嘅女人，我覺得好吸引，好少人會搵我演一個失敗嘅女人，我覺得係一個好大挑戰。」她說。
從來沒有婚姻，鄧萃雯從朋友開始做資料搜集，請教有婚姻的朋友，原來跟第三者共存，並不完全沒可能：「大家其實都會見過，幾房人未必可以好和平共處，但係大家都知道對方存在。」
來源 source: http://nextplus.nextmedia.com
|
鍾意就快D Share啦！
|
|
|
