掃呢頁CODE去手機

2019年5月5日 星期日

【節目受影響要重拍】黎諾懿冇收到黃心穎道歉:冇喇,冇聯絡喇 __,黃心穎,黎諾懿,

 攝影:陳俊強
楊千嬅、黎諾懿與太太李潔瑩、洪天明今日在山頂出席慈善步行活動,千嬅透露有帶兒子參與活動,但由於現場太大風,所以活動前讓兒子避一避:「平時都會帶佢行山, ...


楊千嬅、黎諾懿與太太李潔瑩、洪天明今日在山頂出席慈善步行活動,千嬅透露有帶兒子參與活動,但由於現場太大風,所以活動前讓兒子避一避:「平時都會帶佢行山,7月放暑假,都計劃咗去旅行,雖然未定去邊,但都會去有得玩體能嘅地方。」對於好友鄭秀文最近已投入工作,為個唱排舞,千嬅說:「每個歌手都會為自己嘅演唱會而努力,我同佢都係潮州人,大家都係好有力量同智慧,我好期待佢嘅演出,希望唔好cut我飛。」問到會否擔心影響她的狀態?千嬅指:「我哋係專業嘅藝人,對工作有熱誠,有專業嘅態度,呢樣嘢亦係一種意志,希望大家用支持嘅心態,正如我一樣,而家做演唱會唔係容易事,好多嘢都要安排,喺唔同嘅城市走嚟走去,你唔知有幾多突發嘢,所以幕後付出好多心機,如果大家將焦點放喺工作,藝人就會好開心同有滿足感。」



提到黎諾懿的新節目《懿想得到》找來相識16年的好友楊明頂替「安心偷食」事件女主角黃心穎,他透露明早與楊明出發去馬拉進行重拍的工作:「今次有一半以上係馬來西亞旅遊局贊助,佢哋好支持,公司可能出少少,不過行程變短咗,去5日4夜。」對於今次重拍,黎諾懿表示可惜:「節目名係用我個名嚟開,所以要顧及大家同馬來西亞嘅感受,如果大家係接受重拍,呢個都係一個好好嘅解決方法。」問到黃心穎有否跟他道歉?黎諾懿說:「冇喇,冇聯絡喇,大家都係大人,好明白做緊啲咩,畀番啲空間佢,等佢沉澱、休息下,其實一句對唔住已經唔係最重要。」



洪天明日前從大陸工作返港,他表示主要見見兩個兒子:「今日走,7月初先再返嚟,細仔早幾日生日,我第一次冇同個仔過生日,不過我返嚟都有同佢補祝,其實最重要係有禮物,爺爺(洪金寶)都返咗嚟,佢都係返嚟見啲孫。」天明指太太周家蔚在家中照顧細仔:「細仔發燒病咗,我驚佢手足口病,所以要隔離,佢燒到40幾度,睇咗醫生,食咗退燒藥,作為家長真係好心痛,我今日就走,所以好掛住。」有沒有收看周家蔚主持的ViuTV節目《友台VIP》?他說:「未睇,但好似ok,我都想批評吓佢做成點。」提到周家蔚想生多個小朋友,天明說:「我覺得兩個啱啱好,但我都想要個女,爺爺都想要孫女,如果想生女就要搵醫生幫手。」天明表示半年前已約滿無綫,之後想簽一年拍一部。



《MCU寶石時軸全記錄》

1套6冊解構Marvel電影宇宙

入場睇Endgame前必讀天書!

https://hk.adai.ly/IFk7iee55V

-----------------------------

【記住63836568】全民爆相爆片!下一個爆料王就係你

https://bit.ly/2Guolu9

-----------------------------

星期一至五晚上10點半

《動腦Q》Let's Q the money!

http://bit.ly/2QW8LcI



攝影:陳俊強  對於今次重拍,黎諾懿表示可惜 對於今次重拍,黎諾懿表示可惜
 洪天明日前從大陸工作返港,他表示主要見兩個兒子

洪天明日前從大陸工作返港,他表示主要見兩個兒子
 千嬅透露有帶兒子參與活動,但由於現場太大風,所以活動前讓兒子避一避

千嬅透露有帶兒子參與活動,但由於現場太大風,所以活動前讓兒子避一避

鍾意就快D Share啦!