掃呢頁CODE去手機

2019年5月22日 星期三

歐陽震華:成日得罪人!歐陽震華剖白當年為錢離開無綫 __,歐陽震華,無綫,

歐陽震華直腸直肚,坦言得罪人都唔知!藝人歐陽震華到電台接受訪問大談往事,講到當年跑龍套的日子有次收到電話扮嫖客,對方更輕佻表示:「又有女攬,又冇乜對白 ...


歐陽震華直腸直肚,坦言得罪人都唔知!


藝人歐陽震華到電台接受訪問大談往事,講到當年跑龍套的日子有次收到電話扮嫖客,對方更輕佻表示:「又有女攬,又冇乜對白。」他就覺得很生氣,更即刻cut對方線:「有啲嘢過分就唔可以啞忍,可能都造成我得罪咗好多人。(唔得罪TVB咪得?)有時可能得罪咗人都唔知㗎,我有時講笑,但啲人又當我講真。」

他又講到未拍《壹號皇庭》前,渾渾噩噩了10年,當時曾想過轉行:「上一線好難,TVB一個月得幾千蚊人工,喺街見到做sales都過萬,所以有諗過轉行,但係後來就有呢個機會。」但他透露拍完《壹號皇庭II》後其實有離開過TVB:「公司冇諗住同我續約,傾都唔同我傾,嗰陣諗住轉部頭,因為想保障番自己嘅戲份,但同對方講完又冇覆我,不過就係嗰陣出到去就大開眼界,嗰一年賺嘅錢差唔多係喺TVB 10年嘅錢。」但他表示《壹號皇庭III》開拍就歸隊返回TVB:「嗰陣搵我傾,所以就轉做部頭,一直到依家,做咗咁多年都有感情,雖然有時有啲投訴同磨擦,但TVB都係好公司。」

講到他近日返回TVB客串《愛.回家之開心速遞》,他表示拍了一日,還有一日未拍:「嗰日又熱又通宵,又外景又場地,四幅牆圍住打燈,但冇所謂,好開心,一返到去就有人畀風扇同櫈我,幾好招呼。」




來源 source: http://hk.on.cc
鍾意就快D Share啦!