掃呢頁CODE去手機

2019年5月27日 星期一

【郭子豪背正印偷食新歡】小三港姐鄧卓殷舊相流出 網友質疑整容 __,小三,整容,港姐,郭子豪,鄧卓殷,

馬上成為壹會員會員專區只限會員閱讀會員註冊/登入喺《跳躍生命線》嘅大隻仔郭子豪,早排醉駕衰咗,可以一度講大話唔認。之後又被揭發背住正印Karen,同小 ...


馬上成為壹會員
會員專區 只限會員閱讀


喺《跳躍生命線》嘅大隻仔郭子豪,早排醉駕衰咗,可以一度講大話唔認。之後又被揭發背住正印Karen,同小三港姐鄧卓殷偷食,仲孖住一齊睇樓築個竇,醉駕最初都唔認,呢單嘢又點會認呀!

男嘅事後為偷食「漂白」,喺網上澄清,話同正印Karen一早分咗手喎!

明明上庭前一晚,仲同佢密會嘅正印Karen,即刻踢爆佢嘅慌言,喺IG出post:「人總是自私,口說很愛你,下一秒為了自保,用成千上萬的謊言掩飾自己的過錯……別使自己那心累,不再心軟。」

雖然郭子豪死都唔認背叛女友偷食,不過佢都留條後路畀自己,話同呢位港姐現階段了解中。

但疑係小三嘅港姐嘅鄧卓殷,又唔同佢夾好口供,佢話大家只係普通朋友,帶佢返教會,陪佢睇埋樓咁話喎!嗱,基督徒唔好講大話呀。

不過呢單偷食事件見光後,即刻有網民爆,指二月時見到郭子豪同鄧卓殷喺深圳卓越intown拖住手行街。唔知呢個網民有冇同郭子豪一樣,講大話呢?

四月初,趁正印去咗美國,有網民亦發現男嘅戴晒口罩,孖住身高及外型跟鄧卓殷好相似嘅女仔鬼祟出埠。跟手鄧卓殷就無端端向傳媒自爆,跟拍拖六年,分隔兩地嘅男朋友分手,仲一啲傷感都冇。

最近佢俾網民摷返入行前眼細細,鼻大大嘅舊相出黎,同依家差別大之下,俾人質疑係咪整容。不過鄧卓殷就咁答:「我只箍咗牙啫!」

佢同郭子豪,果然好登對。

立即下載APP,精彩內容壹手掌握

下載連結: http://bit.ly/Next29App

如對會員訂閱制遇到任何問題或意見,你可以致電 2623 9985,或電郵聯絡客戶服務主任cs@nextdigital.com.hk,我們定當盡力協助!


鍾意就快D Share啦!