掃呢頁CODE去手機

2019年5月5日 星期日

【獨家專訪】被指港版教父 吳啟明拍完《大時代》息影:套劇對我冇意思 __,吳啟明,大時代,

採訪:何永寧、攝影:沈健程、攝錄:林德雄
一切要由《大時代》細說從頭,「丁蟹」鄭少秋在ViuTV,有劇集《詭探前傳》登場。「三仔—丁旺蟹」現年55歲的吳啟明,經過多年蟄伏,近日靜極思動,目的是 ...


一切要由《大時代》細說從頭,「丁蟹」鄭少秋在ViuTV,有劇集《詭探前傳》登場。「三仔 — 丁旺蟹」現年55歲的吳啟明,經過多年蟄伏,近日靜極思動,目的是圓出碟及當廚師的少年夢。早前他作的歌已為韓劇《觸及真心》的片尾曲(相關新聞: https://bit.ly/2XQVXs5 ),他在上環的餐廳已上軌道,午市賣110多元的咖喱牛腩套餐,據知每日都供不應求。新聞是有感染力,有時會沖着你而來,早前網上瘋傳一部掛着中港牌的私家車,在中環繞道逆線行駛的片段(相關新聞: https://bit.ly/2VAtJ7q )。原來私家車是吳啟明公司所有,肇事司機入職仍未到3個月。在啟明敦促下,該名司機已到警署自首,他亦強調不會因此解僱對方。

相關新聞:【專訪】都市傳聞送跑車畀啟華 吳啟明:絕對唔係送



啟明早前在何文田過千呎的寓所接受訪問,自言「九龍仔」一名,每趟搬到港島區都會有不愉快經歷,最經典是被全幢大廈投訴,家中傳出濃烈雪茄味。雪茄這回事,跟榴槤一樣只有「喜歡」與「不喜歡」,沒有中間落墨,結果是他重投九龍區懷抱。當年跟吳啟華兩兄弟同時加入電視圈,吳啟明的代表作,普羅市民自然是想起無綫的經典劇集《大時代》,但當事人吳啟明並不認同:「講真,我真係唔鍾意《大時代》,對我唔係好有meaning,點解?就係嗰時每一個戲都會傾劇本,《大時代》監製係韋家輝,佢而家都係一個好出名嘅電影人。嗰時開會佢搭住我膊頭同我講:『啟明你有冇睇《教父》呀?』我話有,佢話:『你呢個戲就係阿爾柏仙奴嘞!』我毛都鬆晒,乜阿爾柏仙奴個角色畀咗我做咩。一拍落去簡直失望到做完之後要離開(娛樂圈)嘅,啲戲份少到呢……我真係unimaginable(不可想像),點解阿爾柏仙奴係冇對白嘅?我覺得戲裏面最似佢嘅地方係冇嘢講,當你一場戲成日都冇嘢講時,咁即係點做呀。所以拍完呢部戲之後,我覺得原來阿爾柏仙奴都不外如是啫。」要講到他最喜歡的劇集,啟明表示時裝劇會揀同張衞健合作的《老友鬼鬼》,他說:「佢成日諗嘢搞鬼,真係好開心。古裝劇就係喺《奇幻人間世》,當時天林叔做監製,佢好錫我,將我啲戲份加到好重,同埋個造型我好鍾意。」



自《大時代》後急流勇退,啟明加入股票行做經紀,在消失的那幾年,賺來第一桶金,亦為自己定好打算,搵錢之外要趁這段時間,追回自己的夢。其中一樣是音樂上的造詣,出過雜錦碟,唱過3首歌,其中一隻是跟方伊琪合唱,他說:「嗰時音樂又渣,唔識音樂,又唔識樂理同樂器,係一個遺憾,所以33歲開始第一次上鋼琴堂。因為太大先學,啲手指唔夠柔軟,彈起琴上嚟觀感冇咁好睇,呢樣係冇法彌補。第一首識彈嘅歌係《Today》。」訪問當日啟明在家中用人手造的三角琴,先後自彈自唱《Autumn Leaves》、《獅子山下》、《紅塵客棧》。

相關新聞:【飲食篇】一副牌九助下廚偷師 吳啟明:我係飲食界小魚兒



另一樣要追回的就是廚藝,原因是每次外出用餐,都有「中伏」的感覺,他說:「我覺得好多餐廳煮嘢出嚟,只不過係完成一個差事或者煮一樣嘗試煮得好味嘅嘢畀你食,唔係廚藝。我煮嘅係藝術,你叫我一個人煮好多次、好多份。對唔住,我做唔到。好似畫一張畫,可以畫一次、兩次,但要不斷重複,已經唔係藝術品。」自言是完美主義者,亦會追求生活品味,但強調品味未必同金錢掛勾,他解釋:「品味未必要好多錢去支持,Quality of life好似曬太陽咁,係唔使錢或者好平已經可以做到。飲杯茶又要幾錢,你識唔識欣賞杯茶,用乜嘢水去沖、乜嘢器具,心態其實好重要。」他對最沒有要求的衣着上,依然有丁點要求,就是每天都要穿的廚師衫,因為日日着,所以專程從意大利訂製了10套廚房服配10頂廚師帽,他笑說:「會繡我個名喺件衫,其實訂一啲都唔貴,平民化衫連帽都係幾百蚊,所以生活質素高,唔等同金錢掛等號。」



不過講到車方面,啟明開過的名車不少,法拉利、保時捷、林寶堅尼不在話下,而Audi R8是因為喜歡《Iron Man》而買,他笑言人年紀長,開過的車種多,一點都不出奇。富貴如浮雲,他目前的車款是普通到不得了的舊款E-class平治,說起來又有段故:「老竇同我講佢架車舊咗,要買架新,我數一數銀包都有啲能力,送咗新嘅畀佢,自己就要咗佢部舊款平治。」



採訪:何永寧

攝影:沈健程

攝錄:林德雄



【編輯推介】



【讚孫女似郭晶晶】黃心穎港姐資格惹爭議 朱玲玲:由無綫去決定

https://bit.ly/2LnsHbc



【大劉上月現身多倫多】撐徐濠縈潮店 甘比「現身」香港 :為理想而奮鬥

https://bit.ly/2ZY9qQH



【King Sir離開無綫之作】重拍《牛下》安排專車接送 鍾景輝:佢哋都好好

https://bit.ly/2VNERxO



【趕錄新歌】自稱患「演唱會前症候群」 Sammi:恐懼是很大的動力

https://bit.ly/2LwBpUm



【暫無結婚打算】華原朋美未婚陀B 做令和高齡產婦

https://bit.ly/2IXEmeN



《MCU寶石時軸全記錄》

1套6冊解構Marvel電影宇宙

入場睇Endgame前必讀天書!

https://hk.adai.ly/IFk7iee55V

-----------------------------

【記住63836568】全民爆相爆片!下一個爆料王就係你

https://bit.ly/2Guolu9

-----------------------------

星期一至五晚上10點半

《動腦Q》Let's Q the money!

http://bit.ly/2QW8LcI




鍾意就快D Share啦!