掃呢頁CODE去手機

2019年5月3日 星期五

許志安黃心穎偷食:一人難敵眾口 黃心妙護妹擋刀被喪插 __,安仔,許志安,黃心穎,

咁樣鬧落去係冇結果…藝人黃心穎爆出偷食人夫許志安後,被全城鬧爆,連帶家人亦被拖落水,家姐黃心美、黃心妙社交網都一齊淪陷,被網民直斥「教妹無方」。昨日黃 ...


咁樣鬧落去係冇結果…


藝人黃心穎爆出偷食人夫許志安後,被全城鬧爆,連帶家人亦被拖落水,家姐黃心美、黃心妙社交網都一齊淪陷,被網民直斥「教妹無方」。昨日黃心妙以標題「請不要轉發」表示依家係一個充滿語言暴力嘅年代,感嘆不少網絡判官選擇以暴易暴,同時又藉發文隔空為黃心穎打氣,但網民就唔係好buy心妙呢個咁敏感嘅時刻仲講咁多嘢,唔少人鬧佢叫人唔好轉發,但其實就故意引人關注,更有網友反指:「如果你的婚姻有第三者,你會唔會仲覺得你妹無錯…」

被鬧嘅黃心妙即時還拖,喺網上與網民罵戰,指聲明已叫大家不要轉發,佢更用到「強姦論」反駁對方:「是你覺得在強姦的時候我說不要,其實我是騙你一樣 懂嗎?我的ig不可以發感受?謝謝你的關注 那也是我不需要的」黃心妙不停被攻擊,唔少網民講啲難聽說話,她話:「我是我 針對我個人說話 你怎麼看這件事是你的自由 你精神批判 就咬定我也做同樣的事情也隨你 大家都在對號入座 我不干預別人評論別人 但來語言暴力我就不必了 如果你沒做過就不用管 因為也不是在說你。」完全感受到佢嘅火藥味。




來源 source: http://hk.on.cc
鍾意就快D Share啦!