網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年5月26日 星期日

張敬軒:受盡白眼引退 軒仔爆火龍果復出唯一條件 __,張敬軒,軒仔,

好在祖兒好快開騷!順利完成兩場澳門站《HinSideOut2019張敬軒演唱會》的張敬軒(軒仔),騷後於後台受訪,問到「火龍果」是否真的閃電「收山」用 ...


好在祖兒好快開騷!


順利完成兩場澳門站《HinSideOut 2019 張敬軒演唱會 》的張敬軒(軒仔),騷後於後台受訪,問到「火龍果」是否真的閃電「收山」用完即棄?軒仔搞笑指是「火龍果」自己決定:「佢話受盡樂壇前輩嘅白眼,例如張敬軒。(容祖兒都有?)冇,祖兒好畀機會佢、最錫佢。(會為祖兒之後嘅紅館騷復出?)梗係會,佢發夢都叫住祖兒,依家喺條街啲人叫我『火龍果』多過張敬軒,睇吓佢有咩搞」他表示向台下掟的是假火龍果軟球:「喺淘寶自費買咗200個!絕對貴過真(火龍果)嘅,假花都貴過真花(Pat Pat係真咪唔值錢?)係呀!仲會隨住年齡嘅增長貶值,都係排舞嗰時做得太多深蹲姿勢練番嚟。」

拆解咖喱雞疑雲

講到右頸位置疑似出現「咖喱雞」紅印,他笑爆解釋:「梗係敏感唔通喺後台…進補咩?你哋諗多咗,我個人好敏感㗎!」而訪問期間他右頸位置「咖喱雞」紅印已經消失!至於問到是否肥了不少?軒仔笑言開騷似坐月:「人哋開騷就減肥,我肥咗2至3磅。(咁少?)鏡頭前梗係咁講,唔通話2、30磅咩?(你排舞冇瘦到?)我排完舞食好多,肥到落膝頭哥!香港站我都有跪但冇爆褲。(要減磅?)食多2日先」

連開兩場一雪前恥

軒仔表示首次於澳門連開兩場騷心情興奮:「好嚴陣以待,成個台改哂一雪前恥,因為上次哮喘取消咗澳門嗰場,依家補番一場,之後11月喺紅館再開都係4面台。」續透露即使快將構思新演唱會,但《HinSideOut》的巡迴演出未會告一段落:「可以無限輪迴,我手頭上有10個騷可以揀,畀啲客戶睇吓邊個適合,可以去多啲地方演出。」




來源 source: http://hk.on.cc
鍾意就快D Share啦!