2019年5月2日 星期四

杜汶澤:親身道歉認衰仔 杜汶澤金盆洗X! __,杜汶澤,

杜汶澤再跪低。藝人杜汶澤早前被「美女學徒」程美段(Kiwi)指控拖糧,及後演變成隔空罵戰,引起網民熱議。日前杜汶澤終於肯跪低,透過網台社交網頁發道歉聲 ...


杜汶澤再跪低。


藝人杜汶澤早前被「美女學徒」程美段(Kiwi)指控拖糧,及後演變成隔空罵戰,引起網民熱議。日前杜汶澤終於肯跪低,透過網台社交網頁發道歉聲明,不過就有網民指欠缺誠意,佢今晚就更新社交網預告將會喺網台節目上,有「杜狗親身道歉」嘅環節,而佢最後亦有「找數」,仲爆晒粗咁認衰仔。

佢提到自己由細到大鬧人都非常出色,並且鬧人無數,不過總有鬧錯人嘅時候,佢表示:「近日我就X錯人,本人喺度鄭重道歉,我對之前話程美段放料畀傳媒博見報,講聲對唔住;我哋公司嘅人應承咗佢一個禮拜出糧,最後三個月先出,好對唔住;我之前叫大家小心啲呢個人,唔好再用佢,好對唔住;我對之前對佢講嘅所有指控,都講聲對唔住。」而佢每句對唔住時都有點頭鞠躬示意。佢續指對以往鬧過嘅所有人致歉,仲豪言:「我當住關二哥面,發誓以後唔再X人,金盆洗X。」

點知節目正式開始約三分鐘,佢就再次爆粗鬧人,佢話:「關二哥唔放過我」亦有網友笑指「唔夠三分鐘就破戒」。




來源 source: http://hk.on.cc
鍾意就快D Share啦!
Related Posts Plugin for WordPress, Blogger...