掃呢頁CODE去手機

2019年5月31日 星期五

黃澤鋒:出血以為流產!黃澤鋒太太高齡懷孕被詛咒 __,黃澤鋒,

做女都係積吓口德好!現年52歲嘅藝人黃澤鋒去年宣布太太陳麗麗佗B,而令人驚訝嘅係麗麗51歲仲可以自然懷有第一胎,佢就喺無綫節目《媽媽唔易"造"》中,分 ...


做女都係積吓口德好!


現年52歲嘅藝人黃澤鋒去年宣布太太陳麗麗佗B,而令人驚訝嘅係麗麗51歲仲可以自然懷有第一胎,佢就喺無綫節目《媽媽唔易"造"》中,分享高齡懷孕心情同埋當中嘅苦與樂!

地下成灘血

麗麗直言做運動係令佢懷孕嘅最大因素,佢喺10年前先開始學泰拳,覺得身體打好基礎,當想生BB時,無論咩年紀,成功懷孕機會都大啲!不過懷孕頭3個月,係流產高危期,而佢都有驚險情況出現:「出過血,自己好擔心,難得有(BB),會唔會係一陣間嘅開心呢?」佢憶述當時情況:「有一晚12點幾,我咳!去洗手間時候,咦!點解有灘血嘅?」到凌晨2點幾再去廁所,發現流得更多血,好似經期流量咁多,而老公都好緊張!之後即刻預約醫生,檢查後發現係胎兒下神經線嘅微絲血管喺佢咳嘅時候谷爆咗,不過傷口會癒合,令佢終於安心番!經歷此事後,佢依家都好頻密做產檢,照超聲波見到BB輪廓時佢都一面滿足,而醫生都話好健康!

麗麗亦透露宣布喜訊後,帶咗好正面訊息畀大家,令唔少朋友都好有希望!不過都有負面反應!佢話:「有啲好絕,咒你(BB)有唐氏綜合症呀、生出嚟養唔大呀!」當講到陪伴小朋友成長「有限期」時,麗麗就話對身體健康要求好高,先可以睇到佢成長,希望教曉囡囡點樣思考、想像、長大,將最好嘅嘢教畀佢!




來源 source: http://hk.on.cc
鍾意就快D Share啦!