掃呢頁CODE去手機

2019年5月16日 星期四

倉底劇《婚姻合伙人》有驚喜 林秀怡係性感擔當算搶眼 __,林秀怡,

馬上成為壹會員會員專區只限會員閱讀會員註冊/登入多得許志安、黃心穎「安心偷食」,搞到黃心穎主演嘅《堅離地愛堅離地》被抽起,2017年年初已經拍好嘅《婚 ...


馬上成為壹會員
會員專區 只限會員閱讀


多得許志安、黃心穎「安心偷食」,搞到黃心穎主演嘅《堅離地愛堅離地》被抽起,2017年年初已經拍好嘅《婚姻合伙人》先至可以播出。

《婚姻合伙人》做咗兩年倉底貨,可想而知連TVB都唔睇好呢套劇,但播咗兩、三集,觀眾反應竟然唔算太差喎,連一向要求高嘅網民都有正面評價,話呢類小品唔係所謂大卡士台慶劇先吸引,用二、三線演員拍有新鮮感之餘,劇情亦會相對創新一啲,仲話起碼唔係又播大陸劇。此外,亦有觀眾話《婚姻合伙人》有返舊時TVB劇嘅感覺,值得留意一下。

嗱!一下好喇,多就驚失望㗎喇,事關有人認為牛歡喜配咸酸菜係定律一樣,大台劇定律就係:「頭幾集係威係勢,之後就無限談情三角戀。」費事期望多咗失望多咗嘛。

By the Way,講真,高Ling第一次擔正女主角,唔期望佢做得好好、好突出,但求簡簡單單睇吓靚女晒身材已經唔錯,何況估唔到高Ling以外,林秀怡竟然都係性感擔當,又OK喎!其實有時工作完成日返到屋企咁攰,打開電視「求戀期」睇下純粹想輕鬆,如果全部都係《鐵探》式嘈交、要用腦諗,都真係追得辛苦㗎。

立即下載APP,精彩內容壹手掌握

下載連結: http://bit.ly/Next29App

如對會員訂閱制遇到任何問題或意見,你可以致電 2623 9985,或電郵聯絡客戶服務主任cs@nextdigital.com.hk,我們定當盡力協助!


鍾意就快D Share啦!